കിടിലൻ രുചിയിൽ കിച്ചടി തയ്യാറാക്കാം വെണ്ടയ്ക്ക ചേർത്ത്, ഇത്തവണ​ ഓണ സദ്യയ്ക്ക് ഇത് ട്രൈ ചെയ്യൂ

Onam Sadya 2025: ഓണ സദ്യയിൽ ഒഴിവാക്കാനാവാത്ത ഒരു സിംപിൾ കറിയാണ് കിച്ചടി. തൈരാണ് ഇതിലെ പ്രധാന ചേരുവ. അധികം വേവിക്കാതെ തന്നെ വളരെ എളുപ്പത്തിൽ പാകം ചെയ്തെടുക്കാം എന്നതാണ് ഇതിൻ്റെ പ്രത്യേകത. മത്തങ്ങ, ബീറ്റ്റൂട്ട്, ആങ്ങനെ പലതരം പച്ചക്കറികൾ ചേർത്ത് കിച്ചടി തയ്യാറാക്കാം. അതിൽ തന്നെ അൽപ്പം വ്യത്യസ്തമായത് വെണ്ടയ്ക്ക കിച്ചടിയാണ്. തേങ്ങ ചേർത്ത് അരച്ചെടുത്ത തൈരിലേയ്ക്ക് വറുത്തെടുത്ത വെണ്ടയക്ക ചേർക്കേണ്ട താമസം മാത്രമേ ഉള്ളൂ. റാസ്ഫിയ തൻ്റെ ഇൻസ്റ്റഗ്രാം പേജിലൂടെയാണ് വെണ്ടയ്ക്ക കിച്ചടി തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: സദ്യ സ്റ്റൈലിൽ കൂട്ടുകറി തയ്യാറാക്കാം ഇനി സിംപിളായി, ഇവ കൂടി ചേർത്തു വേവിക്കൂ

• ചേരുവകൾ
• വെണ്ടയ്ക്ക
• പച്ചമുളക്
• ഉപ്പ്
• തേങ്ങ
• പച്ചമുളക്
• കടുക്
• തൈര്
• വെളിച്ചെണ്ണ
• വറ്റൽമുളക്
• കറിവേപ്പില

Also Read: അച്ചാർ കിടിലൻ രുചിയിൽ തയ്യാറാക്കാം, ഈ മസാലക്കൂട്ട് ചേർത്തു നോക്കൂ

View this post on Instagram

A post shared by Rasfiya NM (@rasfis_kitchen)

Also Read: സദ്യയ്ക്കു വിളമ്പാൻ നാരങ്ങ അച്ചാർ കയ്പില്ലാതെ തയ്യാറാക്കാം, ഈ മസാക്കൂട്ട് ചേർത്തു നോക്കൂ

തയ്യാറാക്കുന്ന വിധം

• 20 വെണ്ടയ്ക്ക് കഴുകി ചെറിയ കഷ്ണങ്ങളായി അരിഞ്ഞെടുക്കാം.
• അതിലേയ്ക്ക് രണ്ട് പച്ചമുളകും, അര ടീസ്പൂൺ ഉപ്പും ചേർത്തിളക്കാം.
• ഒരു പാൻ അടുപ്പിൽ വെച്ച് 3 ടേബിൾസ്പൂൺ എണ്ണയൊഴിച്ചു ചൂടാക്കാം.
• വെണ്ടയ്ക്ക അതിലേയ്ക്കു ചേർത്ത് വറുത്തു മാറ്റാം.
• അര കപ്പ് ചിരകിയ തേങ്ങയിലേയ്ക്ക് ഒരു പച്ചമുളുക് കീറിയതും, അര ടീസ്പൂൺ കടുകും, രണ്ട് ടേബിൾസ്പൂൺ തൈരും, ആവശ്യത്തിന് ഉപ്പും ചേർത്ത് അരച്ചെടുക്കാം.
• ഒരു പാൻ അടുപ്പിൽ വെച്ച് അൽപ്പം വെളിച്ചെണ്ണയൊഴിച്ചു ചൂടാക്കി കടുക് പൊട്ടിക്കാം.
• വറ്റൽമുളക്, കറിവേപ്പില എന്നിവ ചേർത്തു വറുക്കുക. അരപ്പിലേയ്ക്ക് ഇതു ചേർക്കാം.
• വറുത്ത് വെച്ചിരിക്കുന്ന വെണ്ടയ്ക്ക ചേർത്തിളക്കി യോജിപ്പിക്കുക. ഊണിനൊപ്പം വിളമ്പിക്കോളൂ.

Read More: സദ്യയ്ക്കു വിളമ്പാൻ നല്ലൊരു പുളിശ്ശേരി വേണോ? ഇങ്ങനെ ഉണ്ടാക്കി നോക്കൂ