Onam 2025: ഒരു കപ്പ് ഉണക്കലരി ഉണ്ടോ? എങ്കിൽ പിങ്ക് നിറത്തിൽ നാവിൽ കൊതിയൂറുന്ന പായസം മിനിറ്റുകൾക്കുള്ളിൽ തയ്യാറാക്കാം

Onam 2025: Payasam Recipe: ഇത്തവണ സദ്യയ്ക്ക് ഉണക്കലരി കൊണ്ടുള്ള പായസം കൊതി തീരുവോളം കുടിക്കൂ, ഇതാണ് റെസിപ്പി

അമ്പലത്തിൽ നിന്നും കിട്ടുന്ന നേദ്യച്ചോറിനും പാൽപായസത്തിനും ഒരു പ്രത്യേക രുചി തന്നെയാണെന്ന് എപ്പോഴെങ്കിലും തോന്നിയിട്ടുണ്ടോ?. ഉണക്കലരി കൊണ്ടാണ് അവ പാകം ചെയ്തെടുക്കുന്നത്. തവിടുള്ള ഉണക്കലരിയാണ് പായസത്തിനായി വേണ്ടത്. ഉണക്കലരി ഉപയോഗിക്കുന്നതിനാലാണ് പലപ്പോഴും അമ്പല പായസങ്ങൾക്ക്  ലൈറ്റ് പിങ്ക് നിറം ഉണ്ടാവുന്നത്.

Also Read: സദ്യയ്ക്കു വിളമ്പാൻ നാരങ്ങ അച്ചാർ കയ്പില്ലാതെ തയ്യാറാക്കാം, ഈ മസാക്കൂട്ട് ചേർത്തു നോക്കൂ

ഉണക്കലരിയും പാലും തന്നെ ഇതിലെ പ്രധാന ചേരുവ. മധുരത്തിനായി  പഞ്ചസാരയും വേണമെന്നു മാത്രം. വേവിച്ച ഉണക്കലരി ചോറി പാലിൽ ചേർത്ത് യോജിപ്പിച്ച് കുറുക്കിയെടുക്കുന്നതാണ് രീതി. ഇത്തവണ ഓണത്തിന് ഒരു കൂട്ടമായി ഉണക്കലരി കൊണ്ടുള്ള പാൽ പായസം തയ്യാറാക്കി നോക്കൂ. സജി തൻ്റെ യൂട്യൂബ് ചാനലിലൂടെയാണ് ഇതിൻ്റെ റെസിപ്പി പരിചയപ്പെടുത്തി തരുന്നത്. 

ചേരുവകൾ

• ഉണക്കലരി- 1 കപ്പ്
• പഞ്ചസാര- 2 കപ്പ്
• നെയ്യ്- 6 ടേബിൾസ്പൂൺ
• കശുവണ്ടി- ആവശ്യത്തിന്
• പാൽ- 2 ലിറ്റർ
• ഏലയ്ക്ക- 4

Also Read: സദ്യയ്ക്കു വിളമ്പാൻ നല്ലൊരു പുളിശ്ശേരി വേണോ? ഇങ്ങനെ ഉണ്ടാക്കി നോക്കൂ

Also Read: ബോളി ഇതുപോലെ സോഫ്റ്റും രുചികരവുമായി തയ്യാറാക്കിയാൽ വീണ്ടും കഴിക്കാൻ കൊതിക്കും

തയ്യാറാക്കുന്ന വിധം

• ഉണക്കലരി കഴുകി വൃത്തിയാക്കിയെടുക്കാം.
• അത് ആവശ്യത്തിന് വെള്ളം ഒഴിച്ച് വേവിച്ചെടുക്കാം.
• ഒരു പാൻ അടുപ്പിൽ വെച്ച് രണ്ട് ലിറ്റർ പാൽ ചേർത്ത് തിളപ്പിക്കാം.
• അടികട്ടിയുള്ള ഒരു പാത്രം അടുപ്പിൽ വെച്ച് 3 ടേബിൾസ്പൂൺ നെയ്യ് ചേർത്ത് ചൂടാക്കാം.
• അതിലേയ്ക്ക് വേവിച്ച ചോറ് ചേർത്ത് വരട്ടാം.
• നന്നായി വെള്ളം വറ്റി വരട്ടിയെടുത്ത ചോറിലേയ്ക്ക് രണ്ട് കപ്പ് പഞ്ചസാര ചേത്തിളക്കാം.
• പഞ്ചസാര ഉരുകി വന്നതിലേയ്ക്ക് കുറച്ച് നെയ്യ് കൂടി ചേർക്കാം.
• ഇളക്കി വരട്ടിയെടുത്ത ചോറിലേയ്ക്ക് തിളപ്പിച്ചെടുത്ത പാൽ കുറച്ചു വീതം ചേർക്കുക. പാൽ ഒഴിക്കുന്നതിനിടക്കും ഇളക്കാം.
• പായസം തിളച്ച് കുറുകി വരുമ്പോൾ ബാക്കി വന്ന പാൽ കൂടി ഒഴിച്ച് തിളപ്പിക്കാം.
• ശേഷം അടുപ്പണച്ച് നെയ്യിൽ വറുത്തെടുത്ത കശുവണ്ടിയും കിസ്മിസും ചേർത്തിളക്കാം.

Read More: ഓണസദ്യയിലെ പ്രധാന വിഭവങ്ങൾ ഇവയാണ്