വാഴക്കായ കൊണ്ട് ഉപ്പേരി ഇനി ഒരു തവണ ഇങ്ങനെ വറുത്തെടുക്കൂ, കൂടുതൽ ക്രിസ്പിയായി കിട്ടും

ഉപ്പേരി കഴിക്കാൻ​ ഓണം വരെ കാക്കേണ്ട, നല്ല പച്ചക്കായ കിട്ടിയാൽ ഇൻസ്റ്റൻ്റായി വറുത്തെടുക്കാം. അങ്ങനെ വറുത്തെടുക്കാൻ ഒരുപാട് കായും കുറച്ചധികം സമയവും വേണം. അടുക്കളയിൽ കറി തയ്യാറാക്കി ബാക്കി വരുന്ന ഒരൊറ്റ പച്ചക്കായ ഉണ്ടെങ്കിലും ഇനി ഉപ്പേരിയെ വെല്ലുന്ന രുചിയിൽ ഒരു സ്നാക്ക് പാൻ ഫ്രൈ ചെയ്തെടുക്കാം. ഒറ്റ കാഴ്ചയിൽ ഫ്രഞ്ച് ഫ്രൈസ് എന്നു  തോന്നുമെങ്കിലും അതിലും കിടിലൻ രുചിയാണ്. ഫുഡീ ഫൈസി എന്ന ഇൻസ്റ്റഗ്രാം പേജാണ് ഈ സ്പെഷ്യൽ സ്നാക്ക് റെസിപ്പി പരിചയപ്പെടുത്തി തരുന്നത്. 

Also Read: കിടിലൻ രുചിയിൽ കിച്ചടി തയ്യാറാക്കാം വെണ്ടയ്ക്ക ചേർത്ത്, ഇത്തവണ​ ഓണ സദ്യയ്ക്ക് ഇത് ട്രൈ ചെയ്യൂ

ചേരുവകൾ

• പച്ചക്കായ
• മഞ്ഞൾപ്പൊടി
• ഉപ്പ്
• വെളിച്ചെണ്ണ
• മുളകുപൊടി
• റവ
• കോണഫ്ലോർ

Also Read: ബോളി ഇതുപോലെ സോഫ്റ്റും രുചികരവുമായി തയ്യാറാക്കിയാൽ വീണ്ടും കഴിക്കാൻ കൊതിക്കും

View this post on Instagram

A post shared by Foodie faizy (@foodiefaizy)

Also Read: മാങ്ങയും നാരങ്ങയും വേണ്ട, തക്കാളി ഉണ്ടെങ്കിൽ രുചികരമായ അച്ചാർ തയ്യാറാക്കാം

തയ്യാറാക്കുന്ന വിധം

• ഒരു പച്ചക്കായ തൊലി കളഞ്ഞ് കട്ടി കുറച്ച് നീളത്തിൽ അരിഞ്ഞെടുക്കാം.
• അതിലേക്ക് ഒരു നുള്ള് മഞ്ഞൾപ്പൊടിയും ആവശ്യത്തിന് ഉപ്പും, എരിവിനനുസരിച്ച് മഞ്ഞൾപ്പൊടിയും ചേർക്കാം.
• വറുത്ത റവയും അൽപ്പം കോൺഫ്ലോറും ചേർത്തിളക്കി മാറ്റി വയ്ക്കാം.
• ഒരു പാൻ അടുപ്പിൽ വച്ച് ആവശ്യത്തിന് വെളിച്ചെണ്ണ ഒഴിച്ചു ചൂടാക്കാം.
• മസാല പുരട്ടിയ കായ അതിലേക്ക് ചേർത്ത് വറുത്തെടുത്തോളൂ. തക്കാളി സോസിനൊപ്പം കഴിക്കാം.

Read More: ഓണസദ്യയിലെ പ്രധാന വിഭവങ്ങൾ ഇവയാണ്