വിജയ്ക്ക് പിന്നാലെ വിശാലും രാഷ്ട്രീയത്തിലേക്കോ? പ്രസ്താവന പുറത്ത്

നടൻ വിജയ്‌യുടെ രാഷ്ട്രീയ പ്രവേശനം വലിയ തരംഗമാണ് തമിഴ് ചലച്ചിത്രമേഖലയിൽ സൃഷ്ടിച്ചത്. തെന്നിന്ത്യൻ സിനിമാ വ്യവസായത്തിൽ വലിയ സ്വാധീനമുള്ള തരമായതുകൊണ്ടുതന്നെ, പാർട്ടി പ്രഖ്യാപനവും പേരുവെളിപ്പെടുത്തലുമെല്ലാം സോഷ്യൽ മീഡിയയിലുൾപ്പെടെ ട്രെന്റിങ്ങായിരുന്നു. ഇതോടെ തമിഴിലെ പല താരങ്ങളുടെയും രാഷ്ട്രീയ പ്രവശനം ചർച്ചയാകുകയും ചെയ്തു. ഇപ്പോഴിതാ, പലവട്ടം രാഷ്ട്രീയ പ്രവേശനമുണ്ടാകുമെന്ന് സൂചനകൾ നൽകിയട്ടുള്ള തമിഴ് നടൻ വിശാലിന്റെ പേരും ഉയർന്ന് വരികയാണ്. ഇതോടെ സംഭവത്തിൽ പ്രസ്താവനയുമായി എത്തിയിരിക്കുകയാണ് താരം.

രാഷ്ട്രീയത്തിൽ ഇറങ്ങാനുള്ള സാധ്യത തള്ളിക്കളയാതെയാണ് വിശാലിന്റെ പ്രസ്താവന. ആരാധസംഘടനയിലൂടെ ആയിരിക്കും തൽക്കാലം സാമൂഹിക സേവനം നടത്തുക എന്നാണ് വിശദമായ പ്രസ്താവനയിലൂടെ താരം വ്യക്തമാക്കുന്നത്.

തമിഴ്നാട്ടിലുടനീളം തന്റെ ആരാധകസംഘടന നടത്തുന്ന സാമൂഹിക പ്രവർത്തനങ്ങൾ താരം പ്രസ്താവനയിൽ വിശദീകരിച്ചു. വിശാലിന്റെ അമ്മയുടെ പേരിലുള്ള ദേവി എന്ന ട്രെസ്റ്റിലൂടെ നിരാലംബരായ കുട്ടികൾക്ക് വിദ്യാഭ്യാസത്തിന് സഹായം ചെയ്യാറുണ്ടെന്നും, സിനിമാ സെറ്റുകളിൽ കണ്ടുമുട്ടുന്ന പാവപ്പെട്ട വ്യക്തികൾക്ക് വേണ്ട എല്ലാ സഹായവും ചെയ്യാറുണ്ടെന്നും താരം പറഞ്ഞു.

அன்புடையீர் வணக்கம் pic.twitter.com/WBkGmwo2hu

— Vishal (@VishalKOfficial) February 7, 2024

'നന്മയെക്കുറിച്ചുള്ള ചിന്ത വിട്ടുകളയുന്നത് ഒരിക്കലും നല്ലതല്ല' എന്ന തിരുവള്ളുവരുടെ വാക്കുകളെ പിന്തുടർന്ന്, ഈ പ്രവൃത്തികൾ ഞാൻ എൻ്റെ കടമയായാണ് ചെയ്യുന്നത്. രാഷ്ട്രീയത്തിൽ ഇറങ്ങുക എന്ന ഉദ്ദേശത്തോടെ ഞാനൊരിക്കലും ഇത്തരം പ്രവർത്തനങ്ങൾ ചെയ്യാറില്ല. ഞാൻ എൻ്റെ വെൽഫയർ സംഘടനയിലൂടെ എൻ്റെ എല്ലാ സേവനവും തുടരും. ഭാവിയിൽ മറ്റൊരു തീരുമാനത്തിലേക്ക് സാഹചര്യങ്ങൾ എന്നെ നയിച്ചാൽ, ജനങ്ങൾക്കുവേണ്ടി ഇറങ്ങാൻ ഞാൻ മടിക്കില്ല, വിശാൽ പറഞ്ഞു.

2017ൽ ആർകെ നഗർ ഉപതിരഞ്ഞെടുപ്പിൽ മത്സരിക്കാൻ വിശാൽ ശ്രമിച്ചെങ്കിലും, ആവശ്യമായ ഒപ്പുകളുടെ കുറവിനെ തുടർന്ന് തിരഞ്ഞെടുപ്പ് കമ്മീഷൻ അദ്ദേഹത്തിൻ്റെ നാമനിർദ്ദേശ പത്രിക തള്ളിയിരുന്നു. ഹരി സംവിധാനം ചെയ്യുന്ന രത്നം എന്ന ചിത്രത്തിലാണ് വിശാൻ ഇപ്പോൾ അഭിനയിക്കുന്നത്.

Read More Entertainment Stories Here

• ലോക മഹാത്ഭുതം ഏഴെന്നാണ് പഠിച്ചത്, എട്ടാമത്തേത് മമ്മൂട്ടി: നിസ്താര്‍ സേട്ട്
• അനുയോജ്യമല്ലാത്ത ഒരാളെ ഹൃദയം തുറന്ന് സ്നേഹിക്കാൻ മാത്രം വിഡ്ഢിയല്ല: എലിസബത്തിന്റെ കുറിപ്പ് വൈറൽ
• നിന്റെ ഹൃദയത്തോടും ആത്മാവിനോടും പ്രണയമാണ്'; കാൻസർ അതിജീവിതയായ ഭാര്യയെ പിന്തുണച്ച് നടൻ ആയുഷ്മാൻ ഖുറാന
• ശ്രീദേവിയോട് 'യെസ്' പറയിപ്പിക്കാൻ ബച്ചൻ ഇറക്കിയത് ഒരു ട്രക്ക് നിറയെ റോസാപൂക്കൾ
• ബിജു പൗലോസിന്റെ തിരിച്ചുവരവ് നിവിൻ ആരാധകരെ ത്രില്ലടിപ്പിക്കുന്നത് എന്തുകൊണ്ട്?