Vyasanasametham Bandhumithradhikal OTT: വ്യസനസമേതം ബന്ധുമിത്രാദികൾ ഒടിടിയിലേക്ക്, റിലീസ് തീയതി പ്രഖ്യാപിച്ചു

Vyasanasametham Bandhumithradhikal OTT release Date & Platform announced: മരണവീടുകൾ വല്ലാത്തൊരു അനുഭവമാണ് . സങ്കടം നിറഞ്ഞ് നിൽക്കുന്ന അന്തരീക്ഷത്തിലും നർമം നിറഞ്ഞ സംഭവങ്ങളും അവിടെ നടന്നുകൊണ്ടേയിരിക്കും. പല സ്ഥലത്തുനിന്നുമെത്തുന്ന വ്യത്യസ്തതരം ആളുകൾ ഒരു സ്ഥലത്ത് ഒത്തുകൂടുമ്പോൾ പ്രവചിക്കാൻ കഴിയാത്ത കാര്യങ്ങൾ അരങ്ങേറും.  കള്ളക്കരച്ചിലുകളും നാടകങ്ങളും വൈകാരിക നിമിഷങ്ങളും.... നിങ്ങൾക്ക് അത്തരമൊരു  മരണവീട്ടിലെ ചിരിയുടെയും ബഹളങ്ങളുടെയും ലോകം കാണണോ? എങ്കിൽ 'വ്യസനസമേതം ബന്ധുമിത്രാദികൾ' കാണൂ. ഒരു മരണവീട്ടിൽ നടക്കുന്ന സംഭവങ്ങളെ നർമത്തിന്റെ മേമ്പൊടിയോടെ  അവതരിപ്പിക്കുകയായിരുന്നു ചിത്രം. 

Also Read: പ്രാർത്ഥന ചൊല്ലുമ്പോൾ കൈ ഇങ്ങനെ പിടിക്കെടാ; വൈറലായി പേളിയുടെ വീഡിയോ

അനശ്വര രാജൻ, സിജു സണ്ണി, ജോമോൻ ജ്യോതിർ, ബൈജു സന്തോഷ്, മല്ലിക സുകുമാരൻ, അസീസ് നെടുമങ്ങാട്, നോബി മാർക്കോസ് എന്നിവരാണ് ചിത്രത്തിൽ പ്രധാന കഥാപാത്രങ്ങളായി എത്തുന്നത്. അശ്വതി കിഷോർ ചന്ദ്, അരുൺ കുമാർ, ദീപു നാവായിക്കുളം, അജിത് കുമാർ തുടങ്ങിയവരും ചിത്രത്തിലുണ്ട്.  എസ്. വിപിനാണ് ചിത്രത്തിന്റെ സംവിധായകൻ. 

Also Read: ബിക്കിനി ലുക്കിൽ തിളങ്ങാൻ കിയാരയുടെ രഹസ്യക്കൂട്ട്, ദിവസവും കഴിക്കൂ

എസ് വിപിൻ തന്നെയാണ് ചിത്രത്തിന്റെ  തിരക്കഥ ഒരുക്കിയത്. തെലുങ്കിലെ നിർമാണ കമ്പനിയായ ഷൈൻ സ്ക്രീൻസ് സിനിമയുമായി സഹകരിച്ചാണ് ചിത്രം നിർമ്മിച്ചിരിക്കുന്നത്. 'വാഴ'യ്ക്ക് ശേഷം വിപിൻ ദാസ് നിർമ്മിക്കുന്ന ചിത്രമെന്ന പ്രത്യേകതയും വ്യസനസമേതം ബന്ധുമിത്രാദികൾക്കുണ്ട്. വിപിൻ ദാസ്, സാഹു ഗാരപാട്ടി എന്നിവർ ചേർന്നാണ് ചിത്രം നിർമിച്ചത്.  ജൂൺ 13നാണ് ചിത്രം തിയേറ്ററുകളിൽ എത്തിയത്.   റഹീം അബൂബക്കർ ആണ് ചിത്രത്തിന്റെ ഛായാഗ്രഹണം നിർവ്വഹിച്ചത്. എഡിറ്റർ- ജോൺകുട്ടി, സംഗീതം- അങ്കിത് മേനോൻ എന്നിവരും നിർവ്വഹിച്ചു. 

Also Read: ഞാനൊന്നു കെട്ടിപ്പിടിച്ചോട്ടെ എന്ന് വർഷ; എന്തുകൊണ്ട് പിടിക്കുന്നില്ലെന്നാ ഞാൻ ആലോചിക്കുന്നതെന്ന് ലാലേട്ടൻ, വീഡിയോ

View this post on Instagram

A post shared by manoramaMAX (@manoramamax)

മനോരമ മാക്സ് ആണ് ചിത്രത്തിന്റെ സ്ട്രീമിംഗ് അവകാശം സ്വന്തമാക്കിയത്. ആഗസ്റ്റ് 14ന് ചിത്രം മനോരമ മാക്സിൽ സ്ട്രീമിംഗ് ആരംഭിക്കും. 

Also Read: New OTT Release: ഇന്ന് അർദ്ധരാത്രിയോടെ ഒടിടിയിലെത്തുന്ന 6 ചിത്രങ്ങൾ