സുരേഷ് ഗോപിയുടെ മകളുടെ വിവാഹം കൂടാൻ സുകന്യയും വിന്ദുജയുമെത്തി; വീഡിയോ

സുരേഷ് ഗോപിയുടെ മകൾ ഭാഗ്യയുടെ വിവാഹത്തിനു സാക്ഷ്യം വഹിക്കാൻ ഒരുങ്ങുകയാണ് ഗുരുവായൂർ. ജനുവരി 17 ബുധനാഴ്ച രാവിലെയാണ് വിവാഹം. പ്രധാനമന്ത്രി നരേന്ദ്രമോദി മുതൽ മലയാള സിനിമയിലെ പ്രമുഖ താരങ്ങൾ വരെ പങ്കെടുക്കുന്ന വിവാഹത്തിനു മുന്നോടിയായി കനത്ത സുരക്ഷയാണ് ഗുരുവായൂർ പരിസരത്ത് ഏർപ്പാടാക്കിയിരിക്കുന്നത്.

മോഹൻലാൽ, ജയറാം എന്നിവരും കുടുംബസമേതം വിവാഹത്തിൽ പങ്കെടുക്കാൻ നാളെ ഗുരുവായൂരിൽ എത്തുമെന്ന് റിപ്പോർട്ടുകളുണ്ട്. 

നിരവധി  ചിത്രങ്ങളിൽ സുരേഷ് ഗോപിയുടെ നായികയായി അഭിനയിച്ച നടി സുകന്യ, വിന്ദുജ മേനോൻ എന്നിവരും ഗുരുവായൂരിൽ എത്തിച്ചേർന്നിട്ടുണ്ട്.

"എന്റെ മകളെ പോലെയാണ് ഭാഗ്യ. ഞങ്ങളുടെ വീടിന് തൊട്ടടുത്താണ് സുരേഷേട്ടൻ താമസിക്കുന്നത്. അദ്ദേഹത്തിനു ഞങ്ങളുടെ വീട്ടിൽ ഒരു വല്യേട്ടന്റെ സ്ഥാനമാണ്. അതൊരു സിനിമ ബന്ധമല്ല. എന്റെ വല്യേട്ടന്റെ മകളുടെ കല്യാണം എന്ന ഫീലാണ് എനിക്ക്. അതുമാത്രമല്ല, ഭാഗ്യ എന്റെ അമ്മയുടെ സ്റ്റുഡന്റാണ്. ഞാനും ഭാഗ്യയെ പഠിപ്പിച്ചിട്ടുണ്ട്. ഭാഗ്യയുടെ വിവാഹം കൂടാൻ വേണ്ടിയാണ് ഇത്തവണത്തെ ഗുരുവായൂരിലേക്കുള്ള വരവ്," സുരേഷ് ഗോപിയും കുടുംബവുമായുള്ള അടുപ്പത്തെ കുറിച്ച് വിന്ദുജാ മേനോൻ പറയുന്നു.

മാവേലിക്കര സ്വദേശിയും ബിസിനസ്സുകാരനുമായ ശ്രേയസ് മോഹൻ ആണ് ഭാഗ്യയുടെ  വരൻ. 

ബ്രിട്ടീഷ് കോളമ്പിയ സർവകലാശാലയിൽ നിന്നാണ് ഭാഗ്യ ബിരുദം നേടിയത്. യുബിസി സൗഡെർ സ്കൂൾ ഓഫ് ബിസിനസിലായിരുന്നു പഠനം. ഗോകുൽ സുരേഷ്, മാധവ് സുരേഷ്, ഭാവ്നി സുരേഷ് എന്നിവരാണ് സുരേഷ് ഗോപിയുടെ മറ്റു മക്കൾ.

Read More Entertainment Stories Here

• കല്യാണത്തലേന്ന് മകൾക്കൊപ്പം ഗുരുവായൂരപ്പനെ തൊഴുത് സുരേഷ് ഗോപി; വീഡിയോ
• കാത്തിരുന്ന കല്യാണം ഇങ്ങെത്തി; ഭാഗ്യയുടെ സംഗീത് ചടങ്ങ് ആഘോഷമാക്കി സുരേഷ് ഗോപിയും കുടുംബവും
• ആനയുടെ തലവട്ടം കണ്ടാൽ ജയറാമിനറിയാം ആരാണ് ആ കേമനെന്ന്: വീഡിയോ
• കബളിപ്പിച്ച് ഷൂട്ട് ചെയ്തു, 70 ഓളം ചെക്കുകൾ ബൗൺസായി: മലയാള സിനിമയിൽ നിന്നേറ്റ ചൂഷണത്തെ കുറിച്ച് ഷക്കീല