Vedan: പുലിപ്പല്ല് കേസ്; റാപ്പർ വേടനെ രണ്ടു ദിവസത്തേക്ക് കസ്റ്റഡിയിൽ വിട്ടു

കൊച്ചി: പുലിപ്പല്ല് കൈവശം വച്ചെന്ന കേസിൽ പ്രശസ്ത റാപ്പർ വേടൻ എന്നറിയപ്പെടുന്ന ഹിരൺദാസ് മുരളിയെ വനം വകുപ്പിന്റെ കസ്റ്റഡിയിൽ വിട്ടു. രണ്ടു ദിവസത്തെ കസ്റ്റഡിയാണ് കോടതി അനുവദിച്ചിരിക്കുന്നത്. മാലയിലെ പുലിപ്പല്ലുമായി ബന്ധപ്പെട്ട് കൂടുതൽ തെളിവ് ശേഖരിക്കണമെന്നായിരുന്നു വനം വകുപ്പിന്റെ ആവശ്യം. പെരുമ്പാവൂർ ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയാണ് കസ്റ്റഡി അനുവദിച്ചത്.

മൃഗവേട്ട, പുലിപ്പല്ല് കൈവശംവയ്ക്കൽ തുടങ്ങി ജാമ്യമില്ലാക്കുറ്റം ചുമത്തയാണ് വേടനെതിരെ കേസെടുത്തിരിക്കുന്നതെന്നാണ് വിവരം. കഞ്ചാവു കേസിൽ അറസ്റ്റിലായതിനു പിന്നാലെയാണ് വനം വകുപ്പ് വേടനെതിരെ നടപടി സ്വീകരിച്ചത്. ചോദ്യം ചെയ്യലിൽ, തമിഴ്നാട്ടിൽ പരിപാടി നടത്തിയപ്പോൾ ആരാധകനായ രഞ്ജിത്ത് കുമ്പിടിയെന്നയാളാണ് തനിക്ക് പുലിപ്പല്ല് സമ്മാനിച്ചതെന്ന് വേടൻ മൊഴി നൽകിയതകായാണ് റിപ്പോർട്ട്.

അതേസമയം, എറണാകുളത്തെ ഫ്ലാറ്റിൽ നിന്ന് ലഹരി പിടികൂടിയ സംഭവത്തിൽ, കഞ്ചാവ് വലിക്കുന്നതിനിടെയാണ് വേടനെ പിടികൂടിയതെന്നാണ് എഫ്ഐആറിൽ പൊലീസ് വ്യക്തമാക്കുന്നത്. പൊലീസ് സംഘം എത്തുമ്പോൾ തീൻ മേശക്ക് ചുറ്റും ഇരുന്ന് വേടനും സംഘവും കഞ്ചാവ് വലിക്കുകയായിരുന്നു. ഫ്ലാറ്റിലെ ഹാൾ നിറയെ പുകയും രൂക്ഷ ഗന്ധവുമായിരുന്നു. ബീഡിയിൽ നിറച്ചും കഞ്ചാവ് വലിച്ചു. ചാലക്കുടിയിലെ ആഷിഖിൽ നിന്നാണ് ഇവര്‍ കഞ്ചാവ് വാങ്ങിയതെന്ന് എഫ്ഐആറില്‍ പറയുന്നു. നടനെതിരെ ലഹരി ഉപയോഗവും ഗൂഢാലോചനയും പൊലീസ് ചുമത്തിയിട്ടുണ്ടെന്നാണ് വിവരം. 

വേടന്റെ ഫ്ലാറ്റിൽ നടത്തിയ പരിശോധനയിലാണ് ആറു ഗ്രാം കഞ്ചാവും ഒൻപതരലക്ഷം രൂപയും പൊലീസ് കണ്ടെടുത്തത്. ഇതിനുപിന്നാലെ വേടന് ജാമ്യം നൽകി വിട്ടയച്ചിരുന്നു. എന്നാൽ, വേടന്റെ മാലയിലെ ലോക്കറ്റിൽ പുലിപ്പല്ല് കണ്ടെത്തിയതോടെ വനം-വന്യജീവി വകുപ്പ് കേസെടുത്ത് രാത്രിയോടെ അറസ്റ്റു ചെയ്യുകയായിരുന്നു. 

Read More

• വേടനെ പിടികൂടിയത് കഞ്ചാവ് വലിക്കുന്നതിനിടെ; എഫ്ഐആറിലെ വിവരങ്ങൾ പുറത്ത്
• ഡ്രഗ്സ് ചെകുത്താനാണ്, ഉപയോഗിക്കരുതെന്നു പറഞ്ഞ വേടന് ഇതെന്തുപറ്റിയെന്നു ആരാധകർ
• Vedan Arrested: റാപ്പർ വേടൻ കഞ്ചാവുമായി അറസ്റ്റിൽ; ഉപയോഗം സമ്മതിച്ചതായി പൊലീസ്
• 'ഇൻഡസ്ട്രിയെ മുഴുവൻ സംശയത്തിന്റെ മുനയിൽ നിർത്തുന്ന പ്രവൃത്തി, അഗ്നി ശുദ്ധി വരുത്തി മുന്നോട്ട് പോകും:' അഭിലാഷ് പിള്ള
• Hybrid Ganja Case: ഹൈബ്രിഡ് കഞ്ചാവ് കേസ്; സംവിധായകരെ ഫെഫ്ക സസ്‌പെൻഡ് ചെയ്തു; സമീർ താഹിറിനെ എക്‌സൈസ് ചോദ്യം ചെയ്യും