20കളിൽ 30കാരിയെ പോലെ, 30കളിൽ 20കാരിയെ പോലെ; അമ്പരപ്പിക്കും കല്യാണിയുടെ ഈ മേക്കോവർ

മലയാളത്തിലെ ഏറ്റവും സക്സസ്ഫുൾ നായികയായി തിളങ്ങി നിൽക്കുകയാണ് കല്യാണി പ്രിയദർശൻ ഇപ്പോൾ. അടുത്തിടെ, കല്യാണി കേന്ദ്ര കഥാപാത്രമായെത്തിയ ചിത്രം 'ലോക', ബോക്സ് ഓഫീസിൽ ഏറ്റവും കൂടുതൽ കളക്ഷൻ നേടിയ മലയാള സിനിമ എന്ന റെക്കോർഡ് സ്വന്തമാക്കി. മാത്രമല്ല, 300 കോടി ക്ലബ്ബിൽ ഇടം നേടിയ ആദ്യ മലയാള ചിത്രം കൂടിയാണ് 'ലോക'. സൂപ്പർസ്റ്റാറുകൾക്കു പോലും എത്തിപ്പിടിക്കാനാവാത്ത ഈ നേട്ടം സ്വന്തമാക്കി കല്യാണി സൂപ്പർ നായികയായി മാറിയിരിക്കുന്നു.

Also Read: Avihitham Review: ആക്ഷേപഹാസ്യത്തിൽ പൊതിഞ്ഞ് ഒരു 'ഓപ്പറേഷൻ' അവിഹിതം, റിവ്യൂ

കല്യാണി ഇപ്പോൾ സോഷ്യൽ മീഡിയയുടെ ശ്രദ്ധാകേന്ദ്രമായിരിക്കുന്നത് സിനിമയിലേക്ക് വരുന്നതിനു മുൻപ് നടത്തിയ അതിശയകരമായ മേക്കോവറിൻ്റെ പേരിലാണ്. '20കളിൽ 30കാരിയെ പോലെ, 30കളിൽ 20കാരിയെ പോലെ' എന്ന അടിക്കുറിപ്പോടെ താരത്തിൻ്റെ പഴയതും പുതിയതുമായ ചിത്രങ്ങൾ ചേർത്തുവെച്ച കൊളാഷ് വൈറലായിരിക്കുകയാണ്.

Also Read: Feminichi Fathima Movie Review: ഫെമിനിച്ചി ഫാത്തിമ എന്ന കിടക്ക വിപ്ലവം; റിവ്യൂ

രണ്ടും രണ്ടുപേരെന്ന് തോന്നിക്കുന്നത്ര വലിയ വ്യത്യാസമാണ് ഈ ചിത്രങ്ങൾ തമ്മിലുള്ളത്. ഇന്ത്യൻ സിനിമയിലെ തന്നെ എക്കാലത്തെയും മികച്ച ട്രാൻസ്ഫോർമേഷനുകളിൽ ഒന്ന് എന്നാണ് ആരാധകർ കല്യാണിയുടെ ഈ മാറ്റത്തെ വിശേഷിപ്പിക്കുന്നത്.

Also Read: സത്യം പറ നിങ്ങൾ സിസ്റ്റേഴ്സ് അല്ലേ? വൈറലായി ഒരു റീൽ

അതേസമയം, കഴിഞ്ഞ ദിവസം കല്യാണിയുടെ തമിഴ് ചിത്രമായ 'ജീനി'യിലെ ഗാനരംഗവും ഏറെ ശ്രദ്ധ നേടിയിരുന്നു. ഈ ഗാനത്തിൽ ബെല്ലി ഡാൻസുമായി അമ്പരപ്പിക്കുന്ന പ്രകടനമാണ് കല്യാണി കാഴ്ചവെച്ചത്. രവി മോഹനും കൃതിയും ഈ ഗാനരംഗത്തിൽ കല്യാണിയ്‌ക്കൊപ്പം എത്തിയിരുന്നു.

Also Read: ഒരു സിൻഡ്രല്ല കഥപോലെ ആ തിരുവല്ലക്കാരിയുടെ ജീവിതം മാറിമറിഞ്ഞതിന്റെ 22-ാം വാർഷികം