TEST OTT: തിയേറ്ററിലേക്കില്ല; ടെസ്റ്റ് നേരിട്ട് ഒടിടിയിലേക്ക്

TEST OTT Release Date & Platform: നയൻതാര- മാധവൻ ടീമിന്റെ 'ടെസ്റ്റ്' നേരിട്ട് ഒടിടിയിലേക്ക്. ചിത്രം തിയേറ്ററിൽ റിലീസ് ചെയ്തതിനു പിന്നാലെ ഒടിടിയിലെത്തും എന്നായിരുന്നു ആദ്യ റിപ്പോർട്ട്. എന്നാൽ നെറ്റ്ഫ്ളിക്സ് ചിത്രം ഏറ്റെടുത്തതോടെ തിയേറ്റർ റിലീസ് ഒഴിവാക്കി നേരിട്ട് ഒടിടി സ്ട്രീമിംഗിനു ഒരുങ്ങുകയാണ് 'ടെസ്റ്റ്'.  ചിത്രത്തിൻ്റെ സ്ട്രീമിംഗ് തീയതി നിർമ്മാതാക്കൾ ഔദ്യോഗികമായി പ്രഖ്യാപിച്ചു.

ക്രിക്കറ്റ് ലോകത്തിന്റെ പശ്ചാത്തലത്തിലുള്ള കഥയാണ് ചിത്രം പറയുന്നതെന്നാണ് ടീസർ നൽകുന്ന സൂചന. ഒരു ക്രിക്കറ്റ് കളിക്കാരൻ്റെ വേഷത്തിലാണ് സിദ്ധാർത്ഥ് എത്തുന്നത്, മാധവൻ പരിശീലകനായാണ് എത്തുന്നത്.  ക്രിക്കറ്റ് മൈതാനത്തും അതിനപ്പുറവുമായി പരസ്പരം ബന്ധപെട്ടു കിടക്കുന്ന മൂന്നു ജീവിതങ്ങളും, അവർ തിരഞ്ഞെടുത്ത നിർബന്ധിതമായ തീരുമാനങ്ങളിലൂടെ അവർക്കു ചുറ്റുമുള്ള എല്ലാം എന്നന്നേക്കുമായി മാറുന്നതുമാണ് ചിത്രത്തിന്റെ പ്രമേയം. 

'തമിഴ് പടം', 'വിക്രം വേദ,' 'ഇരുധി സൂത്രു', 'ജഗമേ തന്ധിരം' എന്നീ ജനപ്രിയ തമിഴ് സിനിമകൾ നിർമ്മിച്ച ശശികാന്ത് ആദ്യമായി സംവിധായകനായി അരങ്ങേറ്റം കുറിക്കുന്ന ചിത്രമാണ് ടെസ്റ്റ്.  നയൻതാര, മാധവൻ എന്നിവർക്കൊപ്പം സിദ്ധാർത്ഥും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. നടി മീര ജാസ്മിനും ചിത്രത്തിൽ ശ്രദ്ധേയമായൊരു വേഷം അവതരിപ്പിക്കുന്നുണ്ട്.  പ്രശസ്ത പിന്നണി ഗായിക ശക്തി ശ്രീ ഗോപാലൻ സംഗീതസംവിധായകനായി അരങ്ങേറ്റം കുറിക്കുന്ന ചിത്രം കൂടിയാണ് 'ടെസ്റ്റ്'. വൈ നോട്ട് സ്റ്റുഡിയോസിന്‍റെ ബാനറില്‍ ചക്രവര്‍ത്തി രാമചന്ദ്രയും ശശികാന്തും ചേര്‍ന്നാണ് ചിത്രം നിര്‍മിക്കുന്നത്. 

View this post on Instagram

A post shared by Netflix india (@netflix_in)

A post shared by Netflix India (@netflix_in)

 2025 ഏപ്രിൽ 4 മുതൽ നെറ്റ്ഫ്ളിക്സിൽ സ്ട്രീമിംഗ് ആരംഭിക്കും. 'നമ്മുടെ ജീവിതത്തിൽ ടേണിംഗ് പോയിന്റായി ഒരു സിറ്റുവേഷൻ വരും, അതിന്റെ പേരാണ്  ടെസ്റ്റ്' എന്ന അടിക്കുറിപ്പോടെയാണ് നെറ്റ്ഫ്ളിക്സ് റിലീസ് തീയതി പ്രഖ്യാപിച്ചിരിക്കുന്നത്. 

Read More

• മാനത്തുനിന്ന് ഇന്ത്യയെ പകർത്തൂ, കപ്പടിക്കൂ
• ഇതൊരു സൂപ്പർഹിറ്റ് കുടുംബചിത്രം! മക്കൾക്കൊപ്പം സൂര്യയും ജ്യോതികയും
• ഷൂട്ടിനിടെ എന്തുമാത്രം ഭക്ഷണം വാങ്ങി കൊടുത്തു; ദുഷ്ടാ എന്നിട്ട് പോലും നീ ഒരു വാക്ക് പറഞ്ഞില്ലല്ലോ?; റംസാനോട് ചാക്കോച്ചൻ
• ഈ സ്വപ്നസുന്ദരിമാരെ വെല്ലാൻ ആരുണ്ട്?
• മണിച്ചിത്രത്താഴിലെ അല്ലിയെ മറന്നോ? അഭിനയത്തിലേക്ക് തിരിച്ചെത്തി രുദ്ര