ചാക്കോച്ചൻ പ്രിയയെ കെട്ടിയ ദിവസം കരഞ്ഞോണ്ടിരുന്ന ആളാണ് ഈ കല്യാണപെണ്ണ്: സുരേഷ് ഗോപി

മലയാളികളുടെ ഏറ്റവും പ്രിയപ്പെട്ട നായകന്മാരിൽ​ ഒരാളാണ് കുഞ്ചാക്കോ ബോബൻ എന്ന ചാക്കോച്ചൻ. 'അനിയത്തിപ്രാവി'ലൂടെ വന്ന് മലയാളികളുടെ ഇഷ്ടം കവരുകയും ഏറെനാൾ ക്യാമ്പസുകളുടെ ചോക്ക്‌ളേറ്റ് ഹീറോയായിരിക്കുകയും ചെയ്ത താരം. ആരാധികമാരുടെ ഹൃദയം കവർന്ന ആ ചോക്ലേറ്റ് ഹീറോയുടെ ഹൃദയം പ്രിയ സാമുവൽ ആൻ എന്ന പെൺകുട്ടി കവർന്നു എന്നറിഞ്ഞപ്പോൾ വിഷമിച്ച ആയിരകണക്കിന് ആരാധകരുണ്ട്. 

ചാക്കോച്ചന്റെ ഒരു കടുത്ത ആരാധികയെ പരിചയപ്പെടുത്തുകയാണ് സുരേഷ് ഗോപി. മറ്റാരുമല്ല, സുരേഷ് ഗോപിയുടെ മകൾ ഭാഗ്യ തന്നെയാണ് ആ പെൺകുട്ടി. ഭാഗ്യയുടെയും ശ്രേയസ്സിന്റെയും വിവാഹ റിസപ്ഷനിൽ പങ്കെടുക്കാൻ കുഞ്ചാക്കോ ബോബനും ഭാര്യ പ്രിയയും മകൻ ഇസഹാഖും എത്തിച്ചേർന്നപ്പോഴായിരുന്നു ഇക്കാര്യം സുരേഷ് ഗോപി വെളിപ്പെടുത്തിയത്.

View this post on Instagram

A post shared by THE RED CARPET (@the_redcarpet_official)

"ചാക്കോച്ചനെ ഹാർട്ട് ത്രോബായി സ്വീകരിച്ചിരുന്ന, പ്രിയയെ ചാക്കോച്ചൻ  മിന്നുകെട്ടിയ ദിവസം ഒരുപാട് നേരം വാവിട്ടു കരഞ്ഞിരുന്ന  പെൺകുട്ടിയാണ് ഇപ്പോൾ വിവാഹിതയായി ശ്രേയസിനൊപ്പം നിൽക്കുന്നത്," സുരേഷ് ഗോപിയുടെ ഈ വാക്കുകളെ ചിരിയോടെയാണ് ചാക്കോച്ചനും പ്രിയയും ഭാഗ്യയുമെല്ലാം സ്വീകരിച്ചത്.

Read More

• മമ്മൂട്ടിയും ചാക്കോച്ചനും ടൊവിനോയും മുതൽ മീന വരെ; ഭാഗ്യ സുരേഷ് വിവാഹ റിസപ്ഷനിൽ തിളങ്ങി താരങ്ങൾ
• New OTT Release: ഒടിടിയിൽ സിനിമകളുടെ പൂക്കാലം: ജനുവരിയിൽ എത്തുന്നത് 10 ചിത്രങ്ങൾ
• മലൈക്കോട്ടൈ എവിടെയാണ് എന്നറിയാമോ?
• ഗേറ്റ് എവിടെക്കണ്ടാലും ആടിക്കോണം, പ്രായമൊന്നും നോക്കരുതെന്ന് അംബിക; വീഡിയോ