നിന്നെ എനിക്കെന്തിഷ്ടമാണെന്നോ; പ്രേക്ഷക ലക്ഷങ്ങളുടെ ഡാർലിംഗിന് ആശംസകളുമായി അമ്മ

മികവാർന്ന അഭിനയത്തിലൂടെ ബോളിവുഡിൽ മുൻനിര നായികയായി മാറിയ താരമാണ് ആലിയ ഭട്ട്. ആലിയയുടെ 31-ാം പിറന്നാളാണ് ഇന്ന്. പിറന്നാൾ ദിനത്തിൽ ആലിയയെ ആശംസകൾ കൊണ്ട് മൂടുകയാണ് അമ്മ സോണി റസ്ദാൻ. 

"ഞാൻ നിന്നെ എത്രമാത്രം സ്നേഹിക്കുന്നു?
ഞാൻ എണ്ണട്ടെ...
ഞാൻ അങ്ങനെ ചെയ്താൽ വാക്കുകൾ  പേജിൽ നിന്നും ഓടിപ്പോകുമെന്ന് എനിക്കറിയാം. 

അതുകൊണ്ട് ലളിതമായി പറയട്ടെ.
ജന്മദിനാശംസകൾ ഡാർലിംഗ്, നിനക്കറിയാവുന്നതിലും കൂടുതൽ ഞാൻ നിന്നെ സ്നേഹിക്കുന്നു," സോണി റസ്ദാൻ കുറിച്ചു.

View this post on Instagram

A post shared by Soni Razdan (@sonirazdan)

ആലിയയുടെ കുട്ടിക്കാലത്തു നിന്നുള്ള ചിത്രങ്ങളും സോണി കുറിപ്പിനൊപ്പം പങ്കിട്ടുണ്ട്.

പ്രശസ്ത ബോളിവുഡ് സംവിധായകൻ മഹേഷ് ഭട്ടിന്റെയും സോണിയുടെയും രണ്ടാമത്തെ മകളാണ് ആലിയ ഭട്ട്. 1986ൽ ആണ് മഹേഷ് ഭട്ടും സോണിയും വിവാഹിതരാവുന്നത്. വിവാഹിതരാകുന്നതിനു മുൻപു തന്നെ സോണിയും മഹേഷ് ഭട്ടും ഡേറ്റിംഗ് തുടങ്ങിയിരുന്നു. സംവിധായിക കിരൺ ഭട്ട് ആണ് മഹേഷിന്റെ മുൻ ഭാര്യ. താരങ്ങളായ പൂജ ഭട്ട്, രാഹുൽ ഭട്ട് എന്നിവർ മഹേഷ് ഭട്ടിന്റെ ആദ്യ ബന്ധത്തിലുള്ള മക്കളാണ്. 

പിറന്നാൾ ദിനത്തിൽ പൂജ ഭട്ടും ആലിയയ്ക്ക് ആശംസകൾ നേർന്നിട്ടുണ്ട്. "ഞങ്ങളുടെയെല്ലാം ജീവിതത്തിലെ ബിഗ് ഗേളിന് പിറന്നാൾ ആശംസകൾ," എന്നാണ് പൂജ ഭട്ട് കുറിച്ചത്. 

View this post on Instagram

A post shared by Pooja B (@poojab1972)

1999ൽ സംഘർഷ് എന്ന  ചിത്രത്തിൽ ബാലതാരമായാണ് ആലിയആദ്യം അഭിനയിക്കുന്നത്.  പിന്നീട്  കരൺജോഹർ ചിത്രം സ്റ്റുഡന്റ് ഓഫ് ദ ഇയറിലൂടെ (2012) നായികയായി അരങ്ങേറ്റം കുറിച്ചു. 2 സ്റ്റേറ്റ്സ്, ഹൈവേ, ഡിയർ സിന്ദഗി, ഉഡ്താ പഞ്ചാബ്, ആർആർആർ, റാസി, ബ്രഹ്മാസ്ത്ര, ഗംഗുഭായി കത്തിയവാഡി എന്നിങ്ങനെ നിരവധി ചിത്രങ്ങളിലൂടെ ആലിയ ബോളിവുഡിൽ തന്റെ സ്ഥാനം ഉറപ്പിച്ചു.

2022 ഏപ്രിലിൽ ആലിയയും രൺബീർ കപൂറും വിവാഹിതരായി. ഇവർക്ക് റാഹ എന്നൊരു മകളുണ്ട്. 

Read More Entertainment Stories Here

• പത്താം ക്ലാസ്സിൽ 54 ശതമാനം മാർക്ക്; കപൂർ കുടുംബത്തിന്റെ ചരിത്രം തിരുത്തിയത് രൺബീർ
• അസൂയയോടെ ഞാൻ പറയുന്നു മലയാളത്തിലെ അഭിനേതാക്കൾ ഏറ്റവും മികച്ചവർ: രാജമൗലി
• 30 വർഷത്തെ കഷ്ടപ്പാട്, നല്ല വേഷത്തിനായി പലരോടും കെഞ്ചി, കളിയാക്കലുകൾ കേട്ടു, ഒടുവിൽ ഒരു മലയാളി വേണ്ടി വന്നു: കരച്ചിലടക്കാനാവാതെ തമിഴ് നടൻ
• മമ്മൂട്ടിയുടെ മകളായും കാമുകിയായും അമ്മയായും അഭിനയിച്ച നടിയാണിത്; ആളെ മനസ്സിലായോ?