നാഗവല്ലിയായി ഞങ്ങളെ പേടിപ്പിച്ച ടീം ആണ് ഈ ഓടുന്നത്; 'ചെന്നൈയില്‍ പടക്കം കത്തിച്ച് കേരളം വരെ ഓടി' ശോഭന, വീഡിയോ

ശോഭനയുടെ ഒരു ഇന്‍സ്റ്റാഗ്രാം പോസ്റ്റും ആഘോഷമാണ് അവരുടെ ആരാധകര്‍ക്ക്.  പ്രിയ താരത്തിനെ കാണുകയും അവരുടെ വിശേഷങ്ങള്‍ അറിയുകയും ചെയ്യുനതിനപ്പുറം, ശോഭനയുടെ പോസ്റ്റുകലിലെ 'wit' അല്ലെങ്കില്‍ ഹ്യൂമര്‍ ആണ് അതിനെ കൂടുതല്‍ രസകരമാക്കുന്നത്.  അവരുടെ ഭൂരിപക്ഷം പോസ്റ്റുകളിലും അത്തരത്തില്‍ ഒളിപ്പിച്ചു വച്ച കോമഡി കാണും. അത്തരത്തില്‍ ഒരു പോസ്റ്റാണ് ഇന്നലെ താരം ദീപാവലി ആഘോഷങ്ങളുമായി ബന്ധപ്പെട്ടു പോസ്റ്റ്‌ ചെയ്തിരിക്കുന്നത്.  

പടക്കം കൊളുത്തുന്നതും അപ്പോള്‍ തന്നെ തിരിഞ്ഞോടുന്ന ശോഭനയെ കണ്ട്, ദൃശ്യം പകര്‍ത്തുന്ന പെണ്‍കുട്ടി ചിരിക്കുന്നതാണ് വീഡിയോ. ഒടുവില്‍ മൂന്ന് തവണ ശ്രമിച്ചിട്ടാണ് പടക്കം പൊട്ടിയത്. തനിക്ക് ഒട്ടും പേടിയില്ല എന്ന് അര്‍ത്ഥം വരുന്ന 'ജുജുബി' എന്ന് പറഞ്ഞാണ് ശോഭന വീഡിയോ തുടങ്ങുന്നത് എങ്കിലും നല്ല പേടിയാണ് എന്ന് ഓട്ടം കണ്ടാല്‍ അറിയാം.  തനിക്ക് ഇത് ചെയ്തു തന്നിരുന്ന തന്‍റെ  പഴയ ബാച്ചിലെ കുട്ടികളെ ഈ വേളയില്‍ ഓര്‍ക്കുന്നു എന്നും ശോഭന വീഡിയോയ്ക്ക് അടികുറിപ്പായി എഴുതിയിട്ടുണ്ട്. 

View this post on Instagram

A post shared by Shobana Chandrakumar (@shobana_danseuse)

'ഇത്രേം ധൈര്യം ഞങ്ങള്‍ ചാൾസ് ശോഭരാജിൽ മാത്രമേ കണ്ടിട്ടുള്ളൂ ചേച്ചീ, പൂക്കുറ്റി പൊട്ടിക്കാൻ നേരം ഒരു ഓട്ടം ഉണ്ട്, സിവനേ ഇതേത് ജില്ല, ആ ഓട്ടം, ഓട്ടം കൊള്ളാരുന്നു ദീപാവലി ആശംസകൾ, നാഗവല്ലിയായി ഞങ്ങളെ പേടിപ്പിച്ച ടീം ആണ് ഈ ഓടുന്നത്, ഒരു നാഷണൽ അവാർഡ് വിന്നറിനെ ബഹുമാനിക്കാൻ അറിയാത്ത വഴി യാത്രക്കാർ, ചെന്നൈയില്‍ പടക്കം കത്തിച്ച് കേരളം വരെ ഓടിയല്ലോ, ചേച്ചി ഇങ്ങനെ ഓടിയാൽ പിന്നെ ആർക്ക് കാണാൻ ആണ് പടക്കം പൊട്ടിക്കുന്നത്, അയ്യോ ആ പടക്കം കത്തിച്ചിട്ടുള്ള ഓട്ടം കണ്ട് ചിരിച്ചു ചത്തു, ഇന്ന് പൊട്ടിയിട്ട് വേണം എനിക്കു നാളെ പണിക്ക് പോകാൻ ചേച്ചി, പ്ലീസ്‌ ഒന്ന് വേഗം പൊട്ടിക്കൂ,' എന്നൊക്കെയാണ് പോസ്റ്റിനു താഴെ രസകരമായ കമന്‍റുകള്‍.

Read More Entertainment Stories Here

• തീയേറ്ററിനുള്ളിൽ പടക്കം പൊട്ടിച്ച് സൽമാൻ ഫാൻസ്; കേസെടുത്ത് പോലീസ്
• മയോനിയ്ക്ക് ഒപ്പം ദീപാവലി ആഘോഷിച്ച് ഗോപി സുന്ദർ; വീഡിയോ
• അളിയനില്ലാതെ എന്താഘോഷം?; കാളിദാസിന്റെ നിശ്ചയത്തിൽ താരമായി മാളവികയുടെ കൂട്ടുകാരൻ
• എനിക്ക് വിവാഹം കഴിക്കാൻ ആഗ്രഹമുണ്ട്, ചേച്ചി പക്ഷേ അടുത്തൊന്നും കെട്ടുന്ന ലക്ഷണം കാണുന്നില്ല: ദിയ കൃഷ്ണ
• ലഡാക്കിൽ ചുറ്റികറങ്ങി ഖുറേഷി അബ്റാം; വീഡിയോ വൈറൽ