എനിക്ക് വിവാഹം കഴിക്കാൻ ആഗ്രഹമുണ്ട്, ചേച്ചി പക്ഷേ അടുത്തൊന്നും കെട്ടുന്ന ലക്ഷണം കാണുന്നില്ല: ദിയ കൃഷ്ണ

സോഷ്യൽ മീഡിയയിൽ വളരെ ആക്ടീവാണ് നടൻ കൃഷ്ണ കുമാറിന്റെ മകൾ ദിയ കൃഷ്ണ. സഹോദരിമാരെ പോലെ സിനിമയിൽ അരങ്ങേറ്റം കുറിച്ചില്ലെങ്കിലും ഡാൻസ് വീഡിയോകളും ഡബ്സ്മാഷ് വീഡിയോകളുമെല്ലാമായി ഇൻസ്റ്റഗ്രാമിൽ വലിയൊരു ആരാധകവൃന്ദത്തെ തന്നെ ദിയ ഉണ്ടാക്കിയെടുത്തിട്ടുണ്ട്.  പ്രിയപ്പെട്ടവർ ഓസി എന്നു വിളിക്കുന്ന ദിയ പലപ്പോഴും കാര്യങ്ങൾ വളരെ ഓപ്പണായി തുറന്നു പറയുന്ന ഒരാൾ കൂടിയാണ്. തന്റെ പ്രണയങ്ങളെ കുറിച്ചും പ്രണയതകർച്ചകളെ കുറിച്ചുമെല്ലാം വളരെ സത്യസന്ധമായി തന്നെ ദിയ സംസാരിക്കാറുണ്ട്. 

കൂട്ടുകാരൻ അശ്വിനുമായി രഹസ്യമായി വിവാഹനിശ്ചയം കഴിഞ്ഞു എന്ന രീതിയിൽ തന്നെ കുറിച്ച്  സമൂഹമാധ്യമങ്ങളിൽ പ്രചരിക്കുന്ന ഗോസിപ്പുകൾക്ക് മറുപടിയുമായി രംഗത്തെത്തിയിരിക്കുകയാണ് ദിയ ഇപ്പോൾ. യൂട്യൂബ് ചാനലിലൂടെയാണ് ദിയ ആരാധകരുടെ സംശയങ്ങൾക്ക് മറുപടി നൽകിയത്.

"ഞാന്‍ സോഷ്യല്‍ മീഡിയയില്‍ വളരെ ആക്ടിവായിട്ടുള്ള ആളാണ്. വിവാഹ നിശ്ചയം കഴിഞ്ഞിരുന്നുവെങ്കില്‍ അതിന്റെ  വീഡിയോ എടുത്ത് പത്തു വീഡിയോ എങ്കിലുമാക്കി യൂട്യൂബില്‍ ഇടില്ലേ? നിങ്ങളെ വെറുപ്പിക്കില്ലേ, ഓവറാക്കില്ലേ? എന്തൊക്കെ കാണിച്ച് വെറുപ്പിക്കാനുള്ളതാണ്. ഒരിക്കലും രഹസ്യമായിട്ടൊന്നും നിശ്ചയം നടത്തില്ല.  ഭയങ്കര ആഡംബരത്തോടെയായിരിക്കും ഞാൻ എൻഗേജ്മെന്റ് നടത്തുക. എന്നെ ആരെങ്കിലും പ്രൊപ്പോസ് ചെയ്താൽ പോലും നിങ്ങളെ അറിയിക്കില്ലേ.  രഹസ്യമാക്കി വെക്കില്ല, സോഷ്യല്‍ മീഡിയയില്‍ ഇട്ടിരിക്കും. പ്രണയത്തിയാലും നിശ്ചയം ആയാലെ പബ്ലിക്ക് ആക്കൂവെന്ന് തീരുമാനിച്ചതാണ്. ഇനിയും പഴയപോലത്തെ നാടകത്തിന് സമയവും ഊര്‍ജ്ജവുമില്ല," എന്നാണ് ദിയ പറയുന്നത്. 

വിവാഹത്തെ കുറിച്ചുള്ള ആരാധകരുടെ ചോദ്യത്തിന് തനിക്ക് താൽപ്പര്യമുണ്ട്, പക്ഷേ വീട്ടുകാരും കൂടി സമ്മതിക്കേണ്ടേ എന്നാണ് ദിയ ചോദിക്കുന്നത്.

"വിവാഹകാര്യം ചോദിച്ചാല്‍, എന്റെ വീട്ടുകാരും കൂടെ സമ്മതിക്കണ്ടേ? കല്യാണം കഴിക്കാന്‍ നല്ല ആഗ്രഹമുള്ളയാളാണ് ഞാന്‍. ചെറുപ്പം മുതൽ സിനിമയിലെ റൊമാന്‍സൊക്കെ കണ്ട് കല്യാണം കഴിക്കാനും കുട്ടികളുമായി ജീവിക്കാനുമൊക്കെ എനിക്ക് വലിയ ആഗ്രഹമാണ്. പക്ഷെ എന്റെ ചേച്ചി ഈ അടുത്ത കാലത്തൊന്നും കെട്ടത്തില്ല. ചേച്ചിയേക്കാള്‍ രണ്ട് വയസ് ഇളയതാണ് ഞാന്‍. എത്രകാലം കാത്തിരിക്കണമെന്ന് അറിയില്ല. മിക്കവാറും ചേച്ചിയെ ഓവര്‍ ടേക്ക് ചെയ്യേണ്ടി വരുമെന്നാണ് തോന്നുന്നത്," ദിയ പറയുന്നു. 

Check out More Entertainment Stories Here 

• രാധിക ശരത് കുമാറിനൊപ്പമുള്ള ഈ പയ്യനെ മനസ്സിലായോ? കോടിക്കണക്കിന് ആരാധകരുള്ള സൂപ്പർസ്റ്റാറാണ് കക്ഷി
• New OTT Release: നവംബറിൽ ഒടിടിയിലെത്തിയ പുതിയ മലയാളം ചിത്രങ്ങൾ
• കൊണ്ട് പിടിച്ച പ്രേമമായിരുന്നു അപ്പോള്‍, ഇഷ്ടിക വീണതും ഷോട്ട് കട്ടായതും ഒന്നും അറിഞ്ഞില്ലെന്ന് രണ്‍വീര്‍-ദീപിക
• മോളാണ് എന്ന് പറഞ്ഞാ ആര് വിശ്വസിക്കും?; ലിസിയ്ക്കൊപ്പം സിനിമ ചെയ്യുന്നതിനെക്കുറിച്ച് കല്യാണി