പാട്ടുപാടിയ അല്ലു അർജുന്റെ മകനെ പ്രശംസിച്ച് ഷാരൂഖ് ഖാൻ; 'ഇനി എന്റെ മക്കളെയും പാട്ടു പഠിപ്പിക്കണം'

കഴിഞ്ഞ ദിവസം തെലുങ്ക് നടൻ അല്ലു അർജുന്റെ മകൻ അയാൻ, ഷാരൂഖ് ഖാൻ നായകനായ ഡങ്കിയിലെ "ലുട്ട് പുട്ട ഗയ" എന്ന ഗാനം ആലപിക്കുന്ന വീഡിയോ സോഷ്യൽ മീഡിയയിൽ വൈറലായിരുന്നു. അരിജിത് സിംഗ് ആലപിച്ച ഗാനം കാറിലിരുന്ന് പാടുന്ന അയാന്റെ വീഡിയോയാണ് ശ്രദ്ധിക്കപ്പെട്ടത്. ഇതോടെ ഷാരൂഖ് ഖാൻ തന്നെ കുട്ടിയെ പ്രശംസിച്ച് രംഗത്തെത്തിയിരിക്കുകയാണ്.

എക്സിലൂടെയായിരുന്നു കിങ് ഖാന്റെ പ്രതികരണം, "നന്ദി കുഞ്ഞേ... നീ ഫ്ലവറും, ഫയറുമാണ്. ഞാൻ എൻ്റെ കുട്ടികളെ അല്ലു അർജുൻ്റെ ശ്രീവല്ലി പാടാൻ പരിശീലിപ്പിക്കുകയാണ്..." അല്ലു അർജുനെ ടാഗ് ചെയ്തായിരുന്നു ഷാരൂഖ് പോസ്റ്റ് പങ്കുവച്ചത്. ഷൂരുഖിന്റെ പോസ്റ്റിന് നന്ദിയറിയിച്ച് അല്ലു അർജുൻ മറുപടിയും കുറിച്ചിട്ടുണ്ട്. 

Thank u lil one… you are flower and fire both rolled into one!!! Now getting my kids to practice singing @alluarjun’s Srivalli… ha ha https://t.co/XZr29SIhD2

— Shah Rukh Khan (@iamsrk) February 25, 2024

പത്താനും ജവാനും ശേഷം 2023ൽ പുറത്തിറങ്ങിയ ഷാരൂഖ് ചിത്രമായിരുന്നു ഡങ്കി. രാജ്കുമാർ ഹിരാനി സംവിധാനം ചെയ്ത ചിത്രം, ഷാരുഖിന്റെ മുൻ ചിത്രങ്ങളെപ്പോലെ കളക്ഷൻ റെക്കോഡുകൾ തകർത്തില്ലെങ്കിലും മികച്ച വിജയമാണ് നേടിയത്. താപ്സി പന്നു നായികയായ ചിത്രത്തിൽ, വിക്കി കൗശലും അഭിനയിച്ചു. അടുത്തിടെയാണ് ചിത്രം നെറ്റ്ഫ്ലിക്സിൽ റിലീസ് ചെയ്തത്. 

ഈ വർഷം ഡിസംബറിൽ പുറത്തിറങ്ങുന്ന പത്താൻ 2ലാണ് ഷാരൂഖ് ഖാൻ, അടുത്തതായി അഭിനയിക്കുന്നത്. ചിത്രത്തിന് മുൻപ് മറ്റൊരു ചിത്രത്തിലും താരം അഭിനയിക്കുമെന്ന റിപ്പോർട്ടുകളുണ്ട്. ഈ വർഷം ഓഗസ്റ്റിൽ പുറത്തിറങ്ങുന്ന പുഷ്പ 2ന്റെ തിരക്കിലാണ് അല്ലു അർജുൻ. പുഷ്പ, ഫ്രാഞ്ചൈസിയാക്കാൻ തീരുമാനിക്കുന്നതായും, മുന്നാം ഭാഗം കാണുമെന്നും അല്ലു അടുത്തിടെ വെളിപ്പെടുത്തിയിരുന്നു. ഫഹദ് ഫാസിലും ചിത്രത്തിൽ ഒരു പ്രധാനകഥാപാത്രത്തെ അവതരിപ്പിക്കുന്നുണ്ട്. 

Read More

• വസ്ത്രങ്ങൾ മാറ്റിയത് റസ്റ്ററന്റിലെ വാഷ്റൂമിൽ, 18-20 മണിക്കൂർ ഷൂട്ട്, ഉറക്കം ബെഞ്ചിൽ; ലൊക്കേഷൻ ദിനങ്ങളോർത്ത് വിവേക് ഒബ്റോയ്
• ആറ്റ്ലി ഹോളിവുഡിലേക്ക്
• സിനിമയ്ക്കു വേണ്ടി വിക്രാന്ത് മാസി ഉപേക്ഷിച്ചത് മാസം 35 ലക്ഷം ശബളം കിട്ടുന്ന ജോലി
• സെൽഫിയെടുക്കാൻ ശ്രമിച്ച ആരാധകനോട് തട്ടികയറി നസറുദ്ദീൻ ഷാ; വീഡിയോ
• ഷൂട്ടിംഗിനിടെ എനിക്ക് 76 പരിക്കുകൾ പറ്റിയിട്ടുണ്ട്: ടർബോ അനുഭവങ്ങളുമായി മമ്മൂട്ടി