ഇന്ത്യയുടെ മസിൽ അളിയനൊപ്പം രണ്ട് ഹിന്ദി ചിത്രങ്ങൾ; വമ്പൻ പ്രഖ്യാപനവുമായി റിലയൻസ്

നടൻ ഉണ്ണിമുകുന്ദനെ നായകനാക്കി രണ്ട് ബോളിവുഡ് ചിത്രങ്ങൾ പ്രഖ്യാപിച്ചിരിക്കുകയാണ് പ്രമുഖ നിർമ്മാണ കമ്പനിയായ റിലയൻസ് എന്റർടൈൻമെന്റ്‌സ്. ഉണ്ണി മുകുന്ദന്റെ ജന്മദിനത്തിലാണ് റിലയൻസ് എന്റർടൈൻമെന്റ്‌സ് ഈ  പ്രഖ്യാപനം നടത്തിയിരിക്കുന്നത്.

Also Read: ബുസാന്‍ രാജ്യാന്തരചലച്ചിത്രമേളയിലേക്ക് ജനല്‍പ്പാളികള്‍ തുറന്ന് സഞ്ജു സുരേന്ദ്രന്റെ 'ഖിഡ്കി ഗാവ് '

"ഇന്ത്യയുടെ മസിൽ അളിയൻ ഉണ്ണി മുകുന്ദൻ റിലയൻസ് എന്റർടൈൻമെന്റിന്റെ വരാനിരിക്കുന്ന രണ്ട് ഹിന്ദി ചിത്രങ്ങളിൽ അഭിനയിക്കാൻ ഒരുങ്ങുന്നു എന്ന വാർത്ത പങ്കുവയ്ക്കുന്നതിൽ ഞങ്ങൾക്ക് സന്തോഷമുണ്ട്. ഈ പ്രത്യേക പ്രഖ്യാപനം നടത്താൻ അദ്ദേഹത്തിന്റെ ജന്മദിനത്തേക്കാൾ മികച്ച മറ്റൊരു അവസരം മറ്റെന്താണ്.
സൂപ്പർസ്റ്റാറിന് ജന്മദിനാശംസകൾ!," എന്നാണ് ചിത്രം പ്രഖ്യാപിച്ചുകൊണ്ട് റിലയൻസ് എന്റർടൈൻമെന്റ്‌സ്  കുറിച്ചത്. 

Also Read: ഏറ്റവും മികച്ച നാത്തൂൻ, ഞങ്ങളുടെ കുടുംബത്തിന്റെ ശക്തി; റിമിയ്ക്ക് ആശംസകളുമായി മുക്ത

View this post on Instagram

A post shared by Reliance Entertainment (@reliance.entertainment)

അതേസമയം, ഇന്ത്യൻ പ്രധാനമന്ത്രി നരേന്ദ്ര മോദിയുടെ ജീവിതത്തെ അടിസ്ഥാനമായി ഒരുങ്ങുന്ന മാ വന്ദേ എന്ന ചിത്രത്തിൽ നായകനായി എത്തുന്നതും  ഉണ്ണി മുകുന്ദൻ ആണ്.  നരേന്ദ്ര മോദിയുടെ ജന്മദിനത്തിൽ നിർമാതാക്കൾ ചിത്രത്തിന്റെ  ഔദ്യോഗിക പ്രഖ്യാപനം നടത്തിയിരുന്നു. 

കുട്ടിക്കാലം മുതൽ ഇന്ത്യൻ പ്രധാനമന്ത്രി ആയി തീരുന്നതുവരെയുള്ള നരേന്ദ്ര മോദിയുടെ ജീവിതവും അമ്മ ഹീരാബെന്നുമായി മോദിയ്ക്കുള്ള ആഴമേറിയ ബന്ധവുമാണ് ചിത്രം പറയുന്നത്. 

Also Read: New OTT Release: ഈ ആഴ്ച ഒടിടിയിൽ എത്തുന്ന 6 മലയാളചിത്രങ്ങൾ

"ക്രാന്തി കുമാർ  സംവിധാനം ചെയ്യുന്ന മാ വന്ദേ എന്ന സിനിമയിൽ ബഹുമാനപ്പെട്ട ഇന്ത്യൻ പ്രധാനമന്ത്രി ശ്രീ നരേന്ദ്ര ദാമോദർദാസ് മോദിജിയുടെ വേഷം ഞാൻ അവതരിപ്പിക്കുന്നു എന്ന വാർത്ത പങ്കുവെക്കുന്നതിൽ എനിക്ക് സന്തോഷമുണ്ട്. അഹമ്മദാബാദിൽ വളർന്ന ഞാൻ എന്റെ കുട്ടിക്കാലത്ത്  അദ്ദേഹത്തെ ആദ്യമറിയുന്നത് മുഖ്യമന്ത്രിയെന്ന രീതിയിലാണ്. വർഷങ്ങൾക്ക് ശേഷം, 2023 ഏപ്രിലിൽ, അദ്ദേഹത്തെ നേരിട്ട് കാണാനുള്ള ഭാഗ്യം എനിക്ക് ലഭിച്ചു, ഒരിക്കലും മായാത്തൊരു ഓർമയാണത്.  ഒരു നടൻ എന്ന നിലയിൽ, ഈ വേഷം ചെയ്യുന്നത്  സന്തോഷകരവും ആഴത്തിൽ പ്രചോദനം നൽകുന്നതുമാണ്. അദ്ദേഹത്തിന്റെ രാഷ്ട്രീയ യാത്ര അസാധാരണമായിരുന്നു, എന്നാൽ ഈ സിനിമയിൽ, രാഷ്ട്രതന്ത്രജ്ഞന് അപ്പുറമുള്ള മനുഷ്യനെ, പ്രത്യേകിച്ച് അദ്ദേഹത്തിന്റെ സ്വഭാവത്തെയും ആത്മാവിനെയും രൂപപ്പെടുത്തിയ അമ്മയുമായുള്ള അദ്ദേഹത്തിന്റെ അഗാധമായ ബന്ധത്തെ പര്യവേക്ഷണം ചെയ്യാൻ ഞങ്ങൾ ലക്ഷ്യമിടുന്നു.

Also Read: ജോർജുകുട്ടി വീണ്ടും വരുന്നു; ദൃശ്യം 3 തുടങ്ങി, ചിത്രങ്ങളുമായി മോഹൻലാൽ

അദ്ദേഹവുമായുള്ള എന്റെ ഇടപെടലിനിടെ അദ്ദേഹം പറഞ്ഞ രണ്ടു വാക്കുകൾ, ജീവിതപരീക്ഷണങ്ങളിലെല്ലാം എന്റെ കൂടെയുണ്ടായിരുന്നു.  ഗുജറാത്തിയിൽ, അദ്ദേഹം പറഞ്ഞു: "ജൂക്വാനു നഹി", "ഒരിക്കലും തലകുനിക്കരുത്" എന്ന്. ആ വാക്കുകൾ അന്നുമുതൽ എനിക്ക് ശക്തിയുടെയും ദൃഢനിശ്ചയത്തിന്റെയും ഉറവിടമാണ്," എന്നാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പങ്കുവച്ച് ഉണ്ണി മുകുന്ദൻ കുറിച്ചത്. 

സിൽവർ കാസ്റ്റ് ക്രിയേഷൻസിന്റെ ബാനറിൽ വീർ റെഡ്ഡി. എം ആണ് ഈ  പാൻ ഇന്ത്യൻ ചിത്രം നിർമ്മിക്കുന്നത്. ചിത്രത്തിന്റെ തിരക്കഥയും സംവിധാനവും നിർവഹിക്കുന്നത് ക്രാന്തി കുമാർ സി.എച്ച്.  ഛായാഗ്രഹണം കെ.കെ. സെന്തിൽ കുമാർ ഐഎസ് സി, സംഗീതം രവി ബസ്രൂർ, എഡിറ്റിംഗ് ശ്രീകർ പ്രസാദ്, പ്രൊഡക്ഷൻ ഡിസൈൻ  സാബു സിറിൾ, ആക്ഷൻ കിംഗ് സോളമൻ എന്നിവർ നിർവ്വഹിക്കും.  

Also Read: മോഹൻലാലിന്റെ വലിയ ആരാധകൻ; ഏറ്റവും അർഹമായ അംഗീകാരമാണ് ലഭിച്ചത്; ആശംസയുമായി അമിതാഭ് ബച്ചൻ