റാഹയ്ക്ക് 30 ജോഡി സ്നീക്കേഴ്സുണ്ട്, അവളത് അണിഞ്ഞുകാണാൻ കാത്തിരിക്കുകയാണ്: രൺബീർ കപൂർ

ബോളിവുഡ് താരദമ്പതികളായ രൺബീർ കപൂറിന്റെയും ആലിയ ഭട്ടിന്റെയും മകൾ റാഹ കപൂർ ഇന്ന് ആരാധകർക്കും പ്രിയങ്കരിയാണ്. ഏറെനാൾ മീഡിയയുടെയും പാപ്പരാസികളുടെയും കൺമുന്നിൽ നിന്ന് മകൾ റാഹയുടെ മുഖം മറച്ചുപിടിക്കുകയായിരുന്നു ആലിയയും രൺബീറും.  മകളുടെ മുഖം വ്യക്തമായി കാണുന്ന ചിത്രങ്ങളൊന്നും ആലിയയും രൺബീറും സമൂഹമാധ്യമങ്ങളിൽ പങ്കുവച്ചിരുന്നില്ല. മാത്രമല്ല, മകളുടെ ചിത്രങ്ങൾ പകർത്തരുതെന്ന് ആലിയയും രൺബീറും പാപ്പരാസികളോട് അഭ്യർത്ഥിക്കുകയും ചെയ്തിരുന്നു. എന്നാൽ, കഴിഞ്ഞ ക്രിസ്മസ് ദിനത്തിൽ ആലിയയും രൺബീറും ആദ്യമായി മകളെ ലോകത്തിനു പരിചയപ്പെടുത്തി.

റാഹയ്ക്ക് ഒപ്പമുള്ള ആലിയയുടെയും രൺബീറിന്റെയും ഔട്ടിംഗുകളെല്ലാം തന്നെ ഇന്ന് പാപ്പരാസികളെ സംബന്ധിച്ച് ആഘോഷമാണ്. പോവുന്നിടത്തെല്ലാം പാപ്പരാസികൾ റാഹയുടെ ചിത്രങ്ങൾ പകർത്താൻ മത്സരിക്കുന്ന കാഴ്ചയാണ് കാണാനാവുക.

മകളെ കുറിച്ച് രൺബീർ ഒരു അഭിമുഖത്തിൽ പറഞ്ഞ കാര്യമാണ് ഇപ്പോൾ സോഷ്യൽ മീഡിയ ചർച്ച ചെയ്യുന്നത്. തനിക്ക് സ്നിക്കേഴ്സിനോടുള്ള കമ്പത്തെ കുറിച്ചു സംസാരിക്കുകയായിരുന്നു രൺബീർ. വലിയൊരു സ്നിക്കേഴ്സ് കളക്ഷൻ തന്നെ തനിക്കുണ്ടെന്നും രൺബീർ പറയുന്നു. തന്റെ സ്നിക്കർ പ്രേമം മകളിലും ഉണ്ടാവണമേ എന്ന് ആഗ്രഹിക്കുന്ന പിതാവാണ് താനെന്നും രൺബീർ പറയുന്നു. റാഹയ്ക്കായി 30 പെയറോളം സ്നീക്കേഴ്സ് താൻ വാങ്ങി സൂക്ഷിച്ചുവച്ചിട്ടുണ്ടെന്നും കുറച്ചു മാസങ്ങൾ കൂടി കഴിഞ്ഞാൽ അത് മകൾക്കു ഫിറ്റാവുമെന്നും റാഹ അവ അണിഞ്ഞു നടക്കാനായി കാത്തിരിക്കുകയാണ് താനെനനും രൺബീർ പറയുന്നു.

View this post on Instagram

A post shared by GnGmagazine (@gngmagazine)

2022 നവംബർ ആറിനായിരുന്നു റാഹയുടെ ജനനം. സമാധാനം, സ്വാതന്ത്ര്യം, സന്തോഷം എന്നൊക്കെയാണ് പല ഭാഷകളിലായി 'റാഹ' എന്നതിന്റെ അർത്ഥം. കപൂർ കണ്ണുകൾ ലഭിച്ച പെൺകുട്ടി എന്നാണ് സോഷ്യൽ മീഡിയ റാഹയെ വിശേഷിപ്പിക്കുന്നത്. ആ കണ്ണുകൾ അത്ര സാധാരണമല്ല. കപൂർ കുടുംബാംഗങ്ങളിൽ പലരിലും കണ്ടുവരുന്ന  അൽപ്പം ഇളം നിറമുള്ള കണ്ണുകളാണ് റാഹയ്ക്കും കിട്ടിയിരിക്കുന്നത്. ഇളം നീല കണ്ണുകളായിരുന്നു രാജ് കപൂറിന്, കരീഷ്മ കപൂറിനും സമാനമായ ഇളം നീല കണ്ണുകൾ ലഭിച്ചപ്പോൾ  കരീന കപൂറിന് കിട്ടിയത് ഇളം പച്ച കണ്ണുകളാണ്. രൺബീറിന്റെ പിതാവായ ഋഷി കപൂറിനും ഇളം നീല നിറമുള്ള കണ്ണുകളായിരുന്നു.

Read More Entertainment Stories Here

• സുഭാഷ് കുഴിയില്‍ വീണപ്പോൾ നടന്ന പ്രധാനപ്പെട്ടൊരു കാര്യം ചിത്രത്തിൽ നിന്ന് ഒഴിവാക്കിയിട്ടുണ്ട്: ചിദംബരം പറയുന്നു
• മഞ്ഞുമ്മൽ ബോയ്സ്, കുടികാര പൊറുക്കികളിൻ കൂത്താട്ടം; രൂക്ഷ വിമർശനുമായി ജയമോഹൻ
• 'എന്റെ തല, എന്റെ ഫുൾഫിഗർ' അത് മമ്മൂട്ടിയാണ്; മോഹൻലാലിന് കേണൽ പദവി കിട്ടിയത് അയാളിലൂടെ; തുറന്നടിച്ച് ശ്രീനിവാസൻ
• അമ്മാളു അമ്മയ്ക്ക് സ്വപ്ന സാക്ഷാത്കാരം; ആരാധികയെ ചേർത്തു പിടിച്ച് മമ്മൂട്ടി