ആദ്യദിന കളക്ഷനിൽ കിംഗ് ഖാനെ മറികടന്ന് രൺബീറിന്റെ 'അനിമൽ'

ആരാധകർ ഏറെ പ്രതീക്ഷയോടെ കാത്തിരുന്ന ചിത്രമായിരുന്നു, രൺബീർ കപൂർ നായകനായ 'അനിമൽ'. സന്ദീപ് റെഡ്ഡി വംഗെ സംവിധാനം ചെയ്ത ചിത്രത്തിന്റെ പ്രീ-ബുക്കിങ്ങ് കളക്ഷനുകൾ തന്നെ ചിത്രത്തിനായുള്ള പ്രേക്ഷകരുടെ ആകാംക്ഷ  വെളിപ്പെടുത്തിയിരുന്നു. നേരത്തെ തന്നെ ചിത്രം ആദ്യദിനം 50 കോടിക്കു മുകളിൽ കളക്ഷൻ നേടുമെന്ന പ്രവചനങ്ങൾ വന്നിരുന്നു. പ്രവചനങ്ങളെ സാധൂകരിക്കുന്ന തരത്തിലാണ് ഇപ്പോൾ പുറത്തു വരുന്ന ചിത്രത്തിന്റെ ആഗോള കളക്ഷൻ റിപ്പോർട്ട്.

സമ്മിശ്ര പ്രതികരണമാണ് ചിത്രത്തിനു ലഭിക്കുന്നതെങ്കിലും, ചിത്രം ഇന്ത്യയിൽ നിന്നു മാത്രമായി  63.8 കോടി രൂപ നേടിയെന്നാണ്  ഇൻഡസ്ട്രി ട്രാക്കറായ സാക്നിൽക് പറയുന്നത്. 

ചിത്രത്തിന്റ ആദ്യദിനത്തിലെ ആഗോള കളക്ഷൻ 116 കോടി രൂപയും, പ്രീ-ബുക്കിങ്ങിൽ ഉൾപ്പെടെ ഇന്ത്യയിൽ നിന്ന് നേടിയത് 76.1 കോടി രൂപയുമാണ്. വിദേശത്തുനിന്ന് മാത്രമായി ചിത്രം 39.9 കോടി രൂപയും നേടിയിട്ടുണ്ട്.

ഡൽഹി എൻസിആർ മേഖലയിൽ ചിത്രത്തിന്റെ 1318 ഷോകളാണ് പ്രദർശിപ്പിച്ചത്. തീയേറ്ററിന്റെ 79 ശതമാനത്തിലധികം സീറ്റുകളും നിറഞ്ഞതായാണ് കണക്കുകൾ.  മുബൈയിൽ 55 ശതമാനവും, ഹൈദരാബാദിൽ 82 ശതമാനവും ആയിരുന്നു ചിത്രം പ്രദർശിപ്പിച്ച തീയേറ്ററുകളിലെ തിരക്ക്. തമിഴ്‌നാട്ടിൽ ചിത്രത്തിന്റെ തമിഴ് പതിപ്പ് പ്രദർശിപ്പിച്ചെങ്കിലും 88 ഷോകളിലായി 30 ശതമാനം ആളുകൾ മാത്രമാണ് തീയേറ്ററിലുണ്ടായിരുന്നത്.

ഈ വർഷത്തെ ഏറ്റവും വലിയ ഓപ്പണർ ആയി കണക്കാക്കുന്നത് ഷാരൂഖ് ഖാൻ നായകനായ ജവാൻ ആണ്. ചിത്രത്തിന്റെ ആദ്യ ദിന കളക്ഷൻ ഇന്ത്യയിൽ നിന്ന് മാത്രം 75 കോടി രൂപയാണ്. ആദ്യ ദിനം 57 കോടി നേടിയ പത്താൻ ആയിരുന്നു ഇതുവരെ രണ്ടാം സ്ഥാനത്ത്. ഈ സ്ഥാനമാണ് 'അനിമൽ' ഏറ്റെടുത്തത്. ആദ്യദിനം 44.50 കോടി കളക്ഷൻ നേടിയ ടൈഗർ 3 ആണ് തൊട്ടുപിന്നിൽ.

വിക്കി കൗശൽ നായകനായ സാം ബഹാദൂറിനൊപ്പമാണ് അനിമൽ റിലീസിനെത്തിയത്, എന്നാൽ ചിത്രം ഇതുവരെ 5.5 കോടി രൂപ മാത്രമാണ് ഇന്ത്യയിൽ നിന്ന് നേടിയത്.

2018ൽ പുറത്തിറങ്ങിയ സന്ദീപ് റെഡ്ഡിയുടെ  മുൻ ചിത്രമായ കബീർ സിംഗ് 20.21 കോടി രൂപ ബോക്‌സ് ഓഫീസിൽ നിന്ന് ആദ്യദിനം നേടിയിരുന്നു. 278 കോടിയായിരുന്നു ചിത്രത്തിന്റെ ആകെ കളക്ഷൻ. രൺബീറിനാകട്ടെ എറ്റവും മികച്ച ഓപ്പണിംഗ് ഉണ്ടാക്കി കൊടുത്ത ചിത്രമാണ് സഞ്ജു, ചിത്രം 34.75 കോടിയാണ് ആദ്യ ദിനം നേടിയത്.

Read More Entertainment News Here

• ജനിക്കാണെങ്കിൽ പ്രയാഗയുടെ മുടിയായിട്ടു ജനിക്കണമെന്ന് പേളി
• വീട് പൂട്ടിയിരുന്നു, അയൽക്കാർക്ക് ആർക്കും ഒന്നുമറിയില്ല; കനകയെത്തേടിപ്പോയ കഥ പറഞ്ഞു കുട്ടി പദ്മിനി
• കരൺജോഹർ 'തല്ലി', ഷാരൂഖ് ഖാൻ 'നുള്ളി', അമ്മ കൂട്ടു നിന്നു; പരാതികളുമായി റാണി മുഖർജി
• 3300 കോടി ആസ്തിയുള്ള കമ്പനി, നിരവധി ബിസിനസ് സംരംഭങ്ങൾ; അരവിന്ദ് സ്വാമിയുടെ ജീവിതം ആരെയും അമ്പരപ്പിക്കും