അവതാരകരുടെ 'നച്ചാപ്പിക്ക' വേതനം വിപ്ലവകരമായി കൂട്ടിയ ട്രേഡ്‌ യൂണിയൻ നേതാവ്: രഞ്ജിനിയെ കുറിച്ച് രാജ് കലേഷ്

മലയാളത്തിലെ സെലബ്രിറ്റി അവതാരകരുടെ പട്ടികയിൽ മുൻപന്തിയിൽ നിൽക്കുന്ന മിന്നും താരമാണ് രഞ്ജിനി ഹരിദാസ്. എത്ര വലിയ ആൾക്കൂട്ടത്തെയും മാനേജ് ചെയ്തുകൊണ്ട് ഒരു പരിപാടിയെ മുന്നോട്ടു കൊണ്ടുപോവാൻ രഞ്ജിനിയെ കഴിഞ്ഞിട്ടേ ആളുള്ളൂ. അവതാരകർക്കിടയിലെ സൂപ്പർസ്റ്റാർ പദവി  ഇന്നും രഞ്ജിനിയ്ക്കു സ്വന്തം.

രഞ്ജിനിയെ കുറിച്ച് അവതാരകനായ രാജ് കലേഷ് നടത്തിയ ഒരു നീരീക്ഷണമാണ് ഇപ്പോൾ ശ്രദ്ധ നേടുന്നത്. "അവതാരകരുടെ 'നച്ചാപ്പിക്ക'വേതനം വിപ്ലവകരമായി കുട്ടുകയും മാന്യമായൊരു സ്ഥാനം ഉണ്ടാക്കിത്തരികയും ചെയ്ത നമ്മുടെ അൺസങ്ങ്‌ ട്രേഡ്‌ യൂണിയൻ നേതാവ്‌!," എന്നാണ് കലേഷ് രഞ്ജിനിയെ വിശേഷിപ്പിക്കുന്നത്. രഞ്ജിനിയ്ക്ക് ഒപ്പമുള്ളൊരു ചിത്രവും കലേഷ് ഷെയർ ചെയ്തിട്ടുണ്ട്.

View this post on Instagram

A post shared by Raj Kalesh Divakaran (Kallu) (@rajkaleshdivakaran)

കലേഷിന്റെ നിരീക്ഷണം അംഗീകരിക്കുന്ന നിരവധി പേരെ കമന്റ് ബോക്സിൽ കാണാം. 'ആയിരം ആങ്കർമാർ ഒന്നിച്ചുവ്നാലും മലയാളിയ്ക്ക് ദേ ഈ മൊതലാ ആങ്കർ,"

"നേരാ തിരുമേനി,"

"ആരൊക്കെ വന്നാലും രഞ്ജിനി ചേച്ചിടെ തട്ട് താണ് തന്നെ ഇരിക്കും," എന്നിങ്ങനെ പോവുന്നു കമന്റുകൾ. 

ടെലിവിഷൻ പരിപാടികളിലും സ്റ്റേജ് ഷോകളിലുമെല്ലാം തിളങ്ങിയ രഞ്ജിനി അഭിനയത്തിലും അരങ്ങേറ്റം കുറിച്ചിരുന്നു. ‘ബിഗ് ബോസ്’ മലയാളം ആദ്യ സീസണിലെ മത്സരാർത്ഥി എന്ന രീതിയിലും രഞ്ജിനി ഹരിദാസ് ഏറെ ശ്രദ്ധിക്കപ്പെട്ടിരുന്നു.