കപൂര്‍ കണ്ണുകളുള്ള കുട്ടി, ഇവള്‍ ബോളിവുഡ് വാഴുമെന്ന് ആരാധകര്‍

ഏറെ നാളത്തെ കാത്തിരിപ്പിനൊടുവിൽ ബോളിവുഡ് താരദമ്പതികളായ ആലിയ ഭട്ടിന്റെയും രൺബീർ കപൂറിന്റെയും  മകൾ റാഹയുടെ മുഖം കാണാനായതിന്റെ സന്തോഷത്തിലാണ് ആരാധകർ. 2022 നവംബർ ആറിനാണ്  റാഹ ജനിച്ചത്, എന്നാൽ മകളുടെ മുഖം വ്യക്തമായി കാണുന്ന ചിത്രങ്ങളൊന്നും ആലിയയും രൺബീറും സമൂഹമാധ്യമങ്ങളിൽ പങ്കുവച്ചിരുന്നില്ല. മാത്രമല്ല, മകളുടെ ചിത്രങ്ങൾ പകർത്തരുതെന്ന് ആലിയയും രൺബീറും പാപ്പരാസികൾക്ക് നിർദ്ദേശം നൽകുകയും ചെയ്തിരുന്നു.

ഒടുവിൽ, ഈ ക്രിസ്മസ് ദിനത്തിൽ മകളെ ലോകത്തിനു മുന്നിൽ പരിചയപ്പെടുത്തിയിരിക്കുകയാണ് ആലിയയും രൺബീറും. അച്ഛൻ രൺബീറിന്റെ കൈകളിൽ പാപ്പരാസികളെയും നോക്കി  ഗൗരവത്തോടെയിരിക്കുന്ന കുഞ്ഞു റാഹയുടെ ചിത്രമാണ് സോഷ്യൽ മീഡിയ നിറയെ. 

അതേസമയം, റാഹയ്ക്ക് രൺബീറിന്റെ ഛായയോ അതോ ആലിയയുടേയോ എന്നാണ് ആരാധകരുടെ പുതിയ ചർച്ച. മുഖഭാവം കൊണ്ട് റാഹ അമ്മ ആലിയയുടെ കുട്ടിക്കാലത്തെ ഓർമിപ്പിക്കുന്നുവെങ്കിലും ആ കണ്ണുകൾ കപൂർ കുടുംബത്തിന്റെ തുടർച്ചയാണെന്നാണ് ആരാധകരുടെ കണ്ടെത്തൽ. അൽപ്പം ഇളം നിറമുള്ള കണ്ണുകളാണ് റാഹയ്ക്കും കിട്ടിയിരിക്കുന്നത്.

ഇത്തരം കണ്ണുകൾ അത്ര സാധാരണമല്ല. എന്നാൽ ബോളിവുഡിലെ പ്രധാന സിനിമാകുടുംബങ്ങളിൽ ഒന്നായ കപൂർ ഫാമിലിയിൽ ഇത്തരം കണ്ണുകളുള്ള നിരവധി താരങ്ങളെ കാണാം.  ഇളം നീല കണ്ണുകളായിരുന്നു രാജ് കപൂറിന്, കരീഷ്മ കപൂറിനും സമാനമായ ഇളം നീല കണ്ണുകൾ ലഭിച്ചപ്പോൾ  കരീന കപൂറിന് കിട്ടിയത് ഇളം പച്ച കണ്ണുകളാണ്. രൺബീറിന്റെ പിതാവായ ഋഷി കപൂറിനും ഇളം നീല നിറമുള്ള കണ്ണുകളായിരുന്നു.

View this post on Instagram

A post shared by F I L M Y G Y A N (@filmygyan)

എന്തായാലും കപൂർ കുടുംബത്തിന്റെ ആ സ്പെഷൽ കണ്ണുകളുമായി എത്തിയ റാഹയും നാളെ  ബോളിവുഡ് വാഴുമെന്നാണ് ആരാധകരുടെ പ്രവചനം.

View this post on Instagram

A post shared by F I L M Y G Y A N (@filmygyan)

സമാധാനം, സ്വാതന്ത്ര്യം, സന്തോഷം എന്നൊക്കെയാണ് 'റാഹ' എന്ന പേരിന്റെ അർത്ഥം. 

Read More Entertainment Stories Here

• ആലിയയെ ചേർത്തുപിടിച്ച് രൺബീർ; ക്യൂട്ട് കപ്പിൾ എന്ന് ആരാധകർ
• മക്കളുമൊത്ത് കൊച്ചിയിലെത്തി നയന്‍‌താര, ഇവിടെ എല്ലാം സ്പൈസി എന്ന് വിഗ്നേഷ്; ചിത്രങ്ങള്‍
• ഒരാൾ അമ്മയെ പോലെ തന്നെ!; ക്രിസ്മസ് ആഘോഷചിത്രങ്ങളുമായി മാധവി
• താരഗോപുരത്തിൽ നിന്നിറങ്ങി ആൾക്കൂട്ടത്തിൽ അലിഞ്ഞു ചേരുന്ന ലാൽ; 'നേര്' മുന്നോട്ട് വയ്ക്കുന്ന വ്യത്യസ്തമായ കാഴ്ച
• ഊഞ്ഞാലാ ഊഞ്ഞാലാ, കുസൃതിയുമായി അംബിക; വാവാച്ചി വീഴല്ലേ എന്ന് ആരാധകർ
• അന്ന് പ്രിയതാരത്തെ കാണാനെത്തിയ കുഞ്ഞ് ആരാധകൻ, ഇന്ന് ഷാരൂഖിന്റെ സഹതാരം
• ഇങ്ങനൊക്കെ പറഞ്ഞിട്ട് ഒരു കാര്യവുമില്ല, വീട്ടിലോട്ട് വാ, വിവരം അറിയും; പൃഥ്വിയോട് സുപ്രിയ