ദുൽഖറിന്റെ ഗാരേജിൽ 50 കാറെങ്കിലും കാണും: പൃഥ്വിരാജ് അന്ന് പറഞ്ഞത്

നടന്മാരായ പൃഥ്വിരാജിന്റെയും ദുൽഖർ സൽമാന്റെയും വീടുകളിൽ ചൊവ്വാഴ്ച കസ്റ്റംസ് സംഘം റെയ്ഡ് നടത്തിയിരിക്കുകയാണ്. ഭൂട്ടാനിൽനിന്ന് നികുതി വെട്ടിച്ച് ആഡംബര വാഹനം വാങ്ങിയെന്ന സംശയത്തെ തുടർന്നായിരുന്നു റെയ്ഡ്. ദുൽഖറിന്റെ പനമ്പിള്ളി നഗറിലെ വീട്ടിലും പൃഥ്വിരാജിന്റെ തേവരയിലെ വീട്ടിലുമാണ് പരിശോധന നടന്നത്. പൃഥ്വിരാജിന്റെ തിരുവനന്തപുരത്തെ വീട്ടിൽ കസ്റ്റംസ് സംഘം എത്തിയെങ്കിലും അവിടെ വാഹനങ്ങൾ ഇല്ലാത്തതിനാൽ പരിശോധന നടത്താതെ മടങ്ങിപ്പോയി. 

Also Read: ഓപ്പറേഷൻ നുംകൂർ: പൃഥ്വിരാജിന്റെയും ദുൽഖറിന്റെയും വീടുകളിൽ റെയ്ഡ്

മലയാള സിനിമയിൽ വലിയൊരു കാർ കളക്ഷൻ തന്നെയുള്ള നടന്മാരിൽ ഏറെ മുന്നിലാണ് ദുൽഖർ സൽമാനും പൃഥ്വിരാജും. ദുൽഖറിന്റെ കാർ പ്രണയത്തെ കുറിച്ച് മുൻപ് പൃഥ്വിരാജ് പറഞ്ഞ വാക്കുകളാണ് ഇപ്പോൾ ശ്രദ്ധ നേടുന്നത്. 

Also Read: പുകവലിക്കരുത്, മദ്യപിക്കരുത്, നോൺ വെജ് കഴിക്കരുത്; കാന്താര കാണാൻ നിർദ്ദേശങ്ങൾ, വൈറലായി പോസ്റ്റ്

 "ദുൽഖർ ഒരു കളക്റ്റർ ആണ്. ഏതാണ്ട് 50-60 കാറുകൾ കാണും. അങ്ങനെ കാറുകൾ കളക്റ്റ് ചെയ്യുന്നതിൽ അയാൾ സന്തോഷം കണ്ടെത്തുന്നു. ഞാൻ പക്ഷേ കാറുകൾ ഡ്രൈവ് ചെയ്യുന്നതിലാണ് സന്തോഷം കണ്ടെത്തുന്നത്, അതിന് അത്രയും കാറുകൾ വേണ്ടല്ലോ. എന്നെ സംബന്ധിച്ച് കാറുകൾ ഗാരേജിൽ സൂക്ഷിക്കുന്നതല്ല, അതു ഉപയോഗിക്കുന്നതിലാണ് താൽപ്പര്യം. ദുൽഖറിനും ഡ്രൈവ് ചെയ്യാൻ ഇഷ്ടമാണ്, പക്ഷേ അതിലേറെ സന്തോഷം കളക്ടർ എന്ന രീതിയിലുണ്ട്. ദുൽഖർ ഒരു പ്രോപ്പർ കാർ പ്രേമിയാണ്," മാഷബിൾ ഇന്ത്യയുടെ ദി ബോംബെ ജേർണിയിൽ അതിഥിയായി എത്തിയപ്പോഴായിരുന്നു പൃഥ്വി ഇക്കാര്യം വെളിപ്പെടുത്തിയത്. 

View this post on Instagram

A post shared by Mashable india | A Fork Media Group Co. (@mashable.india)

Also Read: 2500 കോടി ആസ്തിയുണ്ടെങ്കിലും ഫാനും ലൈറ്റും ഓഫാക്കാൻ മറന്നാൽ ടെൻഷനാണ്

ദുൽഖറിൻ്റേതുമായി താരതമ്യപ്പെടുത്തുമ്പോൾ തൻ്റെ കാർ കളക്ഷൻ കുറവാണെന്നും മുൻപു ഇന്ത്യാഗ്ലിറ്റ്സിനു നൽകിയ അഭിമുഖത്തിൽ പൃഥ്വിരാജ് പറഞ്ഞിരുന്നു. "ദുൽഖറിന് അതിശയകരമായ ഒരു കാർ ശേഖരമുണ്ട്,  അദ്ദേഹത്തിന് ശരിക്കും കാറുകളോട് അഭിനിവേശമുണ്ട്.  ഒരു യഥാർത്ഥ ഓട്ടോമൊബൈൽ പ്രേമിയായാണ് ദുൽഖർ ഇത് ചെയ്യുന്നത്. അദ്ദേഹത്തിൻ്റെ കാർ ശേഖരത്തെക്കുറിച്ച് ഒരു ഡോക്യുമെൻ്ററി ചെയ്യാൻ ഞാൻ ആഗ്രഹിക്കുന്നു. അത്രയും നല്ലതാണത്.” 

Also Read: New OTT Release: ഈ ആഴ്ച ഒടിടിയിൽ എത്തുന്ന 6 മലയാളചിത്രങ്ങൾ