പ്രേമലു 2; തിയേറ്റർ പൂരപ്പറമ്പാക്കാൻ സച്ചിനും റീനുവും വീണ്ടുമെത്തുന്നു

ഗിരീഷ് എഡി സംവിധാനം ചെയ്ത റൊമാൻ്റിക് കോമഡി ചിത്രമാണ് പ്രേമലു. ബ്ലോക്ക് ബസ്റ്റർ വിജയം നേടിയ ചിത്രം കേരളത്തിന് പുറത്തും മികച്ച പ്രതികരണം നേടി. നസ്ലിൻ, മമിത ബൈജു എന്നിവർ കേന്ദ്ര കഥാപാത്രങ്ങളെ അവതരിപ്പിച്ച ചിത്രത്തിൽ, ശ്യാം മോഹൻ, മീനാക്ഷി രവീന്ദ്രൻ, അഖില ഭാർഗവൻ, അൽത്താഫ് സലിം, മാത്യു തോമസ്, സംഗീത് പ്രതാപ് എന്നിവരും ശ്രദ്ധേയ വേഷങ്ങൾ കൈകാര്യം ചെയ്തു. ചിത്രത്തിന്റെ വൻ വിജയത്തിനു പിന്നാലെ രണ്ടാം ഭാഗം പ്രഖ്യാപിച്ചിരിക്കുകയാണ് നിർമ്മാതാക്കൾ.

കൊച്ചിയിൽ നടന്ന പ്രേമലുവിൻ്റെ വിജയാഘോഷത്തിലാണ് രണ്ടാം ഭാ​ഗം പ്രഖ്യാപിച്ചത്. സോഷ്യൽ മീഡിയയിലൂടെ ചിത്രത്തിന്റെ പോസ്റ്ററും പങ്കുവച്ചിട്ടുണ്ട്. 2025ലാണ് ചിത്രം തിയേറ്ററിലെത്തുക. മന്ത്രി പി രാജീവ്, ഫഹദ് ഫാസിൽ, നസ്രിയ, അമൽ നീരദ് എന്നിവരും പ്രേമലു ടീമിനൊപ്പം വിജയാഘോഷ പരിപാടിയിൽ പങ്കെടുത്തു.

View this post on Instagram

A post shared by ShyaM Mohan M (@shyammeyyy)

ഹൈദരാബാദിന്റെ പശ്ചാത്തലത്തിലൊരുക്കിയ ചിത്രത്തിന്റെ തെലുങ്ക് പതിപ്പും മികച്ച വിജയമാണ് നേടിയത്. സംവിധായകൻ രാജമൗലിയുടെ മകന്‍ കാര്‍ത്തികേയയാണ് ചിത്രം തെലുങ്കിൽ വിതരണം ചെയ്തത്. 100 കോടിയിലധികം രൂപയാണ് ചിത്രം തിയേറ്ററിൽ നേടിയത്.

ഭാവന സ്റ്റുഡിയോസിന്റെ ബാനറിൽ ദിലീഷ് പോത്തൻ, ഫഹദ് ഫാസിൽ, ശ്യാം പുഷ്ക്കരൻ എന്നിവർ ചേർന്നാണ് ചിത്രം നിർമ്മിച്ചത്. തണ്ണീർമത്തൻ ദിനങ്ങൾ, സൂപ്പർ ശരണ്യ തുടങ്ങിയ സൂപ്പർഹിറ്റ് ചിത്രങ്ങൾക്ക് ശേഷം ഗിരിഷ് എ.ഡി സംവിധാനം ചെയ്ത ചിത്രമായിരുന്നു പ്രേമലു.

Read More Entertainment Stories Here

• വർഷങ്ങൾക്കു ശേഷം വീണ്ടും കുടജാദ്രി കയറി മോഹൻലാൽ; ചിത്രങ്ങൾ
• തോൽവിയിൽ കണ്ണീരണിഞ്ഞ് ഷാരൂഖ് ഖാൻ; പക്ഷെ സഞ്ചുവിന്റെ ടീമിനെ കണ്ടപ്പോൾ...
• എന്റെ കുട്ടികൾക്ക് കാണിച്ചു കൊടുക്കാൻ പൃഥ്വിയേക്കാൾ മികച്ച എക്സാമ്പിളില്ല: പൂർണ്ണിമ ഇന്ദ്രജിത്ത്
• പ്രണവിന്റെ അമ്മ സുചിത്രയും ഞാനും കസിൻസാണ്, പക്ഷെ അവന് അറിയില്ലായിരുന്നു: വൈ.ജി. മഹേന്ദ്രൻ
• പൃഥ്വിരാജും എആർ റഹ്മാനും സാമ്പത്തികമായി സഹായിച്ചു: വെളിപ്പെടുത്തി നജീബ്