മമ്മിയ്ക്ക് ഇതെന്തുപറ്റിയെന്ന് അമല; സൂര്യഗ്രഹണം കഴിഞ്ഞപ്പോൾ എന്തോ സംഭവിച്ചിട്ടുണ്ടെന്ന് പേളി

സോഷ്യൽ മീഡിയയിലെ വൈറൽ താരമാണ് നടിയും അവതാരകയുമായ പേളി മാണി. യൂട്യൂബ് ചാനലിലൂടെയും വ്ളോഗുകളിലൂടെയും ലക്ഷ കണക്കിന് ആരാധകരെ സ്വന്തമാക്കാൻ പേളിയ്ക്ക് സാധിച്ചിട്ടുണ്ട്. പേളി മാത്രമല്ല, ഭർത്താവ് ശ്രീനിഷും മകൾ നിലയുമെല്ലാം പ്രേക്ഷകർക്ക് സുപരിചിതരാണ്. അടുത്തിടെ പേളി ഒരു പെൺകുട്ടിയ്ക്കു കൂടി ജന്മം നൽകിയിരുന്നു, നിതാര എന്നാണ് പേളി മകൾക്കു പേരു നൽകിയത്.

നിതാരയുടെ ജന്മശേഷം സോഷ്യൽ മീഡിയയിൽ നിന്നും ഒരു ബ്രേക്കെടുത്ത പേളി വീണ്ടും ഇൻസ്റ്റഗ്രാമിൽ സജീവമാവുകയാണ് ഇപ്പോൾ. പേളി പങ്കുവച്ച ഒരു കൊളാബറേഷൻ വീഡിയോ ആണ് ഇപ്പോൾ ശ്രദ്ധ നേടുന്നത്. വീഡിയോയിൽ പേളിയ്ക്ക് ഒപ്പം അമ്മ മോളി മാണിയുമുണ്ട്.

View this post on Instagram

A post shared by Pearle Maaney (@pearlemaany)

പൊതുവെ ക്യാമറയ്ക്കു മുന്നിൽ വരാൻ അൽപ്പം മടിയുള്ള പേളിയുടെ അമ്മയെ കൊളാബറേഷനിൽ കണ്ട അമ്പരപ്പിലാണ് പേളി ആരാധകർ. നടി അമല പോളും ഇതേ കാര്യം കമന്റ് ചെയ്തിട്ടുണ്ട്.

"ദേ മോളി ആന്റി, ഇതെങ്ങനെ സാധിപ്പിച്ചു സേറാ," എന്നാണ് പേളിയോട് അമല ചോദിക്കുന്നത്.

അമലയ്ക്ക് രസികൻ മറുപടിയാണ് പേളി നൽകിയത്. "എനിക്കറിയില്ല!!! സൂര്യഗ്രഹണത്തിന് ശേഷം ലോകത്ത് നാടകീയമായ ചില മാറ്റങ്ങളുണ്ടാകുമെന്ന് എനിക്കറിയാമായിരുന്നു, പക്ഷേ ക്യാമറയോട് മമ്മി യെസ് എന്ന് പറയുമെന്ന് ഞാൻ പ്രതീക്ഷിച്ചിരുന്നില്ല," പേളിയുടെ മറുപടിയിങ്ങനെ.

"എന്റെ സംശയം ഇനി പേളി ചേച്ചി മമ്മിനെയും എക്സ്ചേഞ്ച് ചെയ്തോ എന്നാണ്. കാരണം പഴയ മമ്മി ഇങ്ങനെ അല്ല ഗയ്സ്. ക്യാമറ കണ്ടാൽ ഓടി ഒളിക്കുന്നൊരു പാവം മമ്മി ആയിരുന്നു"

"അതാ മമ്മി കളത്തിൽ ഇറങ്ങി" എന്നിങ്ങനെ പോവുന്നു ആരാധകരുടെ കമന്റുകൾ. എന്തായാലും അമ്മയും മോളും ഒന്നിച്ചെത്തിയ വീഡിയോ ഇതിനകം തന്നെ വൈറലായിട്ടുണ്ട്.

Read More Entertainment Stories Here

• ആ 'അയ്ത് കസിൻസിൽ' ഒരാൾ മഹേഷ് ബാബുവിന്റെ സഹോദരി
• ഇതാണ് ഞങ്ങളുടെ മാഡ് ഹൗസ്; കുട്ടിക്കളി മാറാതെ ഖുറാന സഹോദരങ്ങൾ
• ജവാനു കൈകൊടുക്കാൻ കാരണം ഷാരൂഖിനോടുള്ള ആരാധന: നയൻതാര
• അച്ഛനേക്കാളും പത്തിരട്ടി വരുമാനം; അഹാനയുടെയും അനിയത്തിമാരുടെയും വരുമാന കണക്കുകളിങ്ങനെ