Oru Jaathi Jathakam OTT: സിനിമ കാണാൻ അൽപ്പം കൂടി കാത്തിരിക്കണമെന്ന് മമ്പറത്ത് ജയേഷ്

Oru Jaathi Jathakam OTT release Postponed: വിനീത് ശ്രീനിവാസനെ കേന്ദ്രകഥാപാത്രമാക്കി എം.മോഹനൻ സംവിധാനം ചെയ്ത  'ഒരു ജാതി ജാതകം'  മാർച്ച് 14ന് ഒടിടിയിൽ എത്തുമെന്നായിരുന്നു സ്ട്രീമിംഗ് പ്ലാറ്റ്ഫോമായ മനോരമ മാക്സ് പ്രഖ്യാപിച്ചത്. എന്നാൽ, പറഞ്ഞ സമയത്ത് ചിത്രം ഒടിടിയി എത്തിയില്ല. റിലീസ് തീയതി പ്രഖ്യാപിച്ചുകൊണ്ടുള്ള സോഷ്യൽ മീഡിയ പോസ്റ്റും മനോരമ മാക്സിന്റെ ഇൻസ്റ്റഗ്രാമിൽ നിന്നും റിമൂവ് ചെയ്യുകയായിരുന്നു. 

'ഒരു ജാതി ജാതകം' ഒടിടി റിലീസിനു എന്തു പറ്റി എന്ന് അന്വേഷിച്ചു കൊണ്ടിരിക്കുന്ന പ്രേക്ഷകർക്കുള്ള മറുപടി വന്നിരിക്കുകയാണ് ഇപ്പോൾ.

"ഞങ്ങൾ ഇവിടെയൊക്കെ തന്നെയുണ്ട്!," എന്നാണ് പുതിയ പോസ്റ്ററിന്റെ അടിക്കുറിപ്പ്. നല്ല പെണ്ണ് കിട്ടാൻ കുറച്ച് കാത്തിരിക്കണം, നല്ല സിനിമ കാണാവും അൽപ്പം കാത്തിരിക്കണം- മമ്പറത്ത് ജയേഷ് എന്നാണ് പുതിയ പോസ്റ്ററിലെ വാചകം. 

View this post on Instagram

A post shared by manoramaMAX (@manoramamax)

പുതിയ പോസ്റ്റർ വന്നെങ്കിലും, ചിത്രം ഒടിടിയിൽ എപ്പോൾ എത്തുമെന്ന കാര്യത്തിൽ ഇപ്പോഴും സ്ഥിരീകരണം ആയിട്ടില്ല. 

കോമഡിക്ക് പ്രാധാന്യം നൽകി ഒരുക്കിയിരിക്കുന്ന ചിത്രത്തിൽ, പെണ്ണ് അന്വേഷിച്ച് നടന്ന് കുഴയുന്ന മമ്പറത്ത് ജയേഷ് എന്ന കഥാപാത്രത്തെയാണ് വിനീത് അവതരിപ്പിക്കുന്നത്. 

നിഖില വിമൽ, യാദു, പ്രശസ്ത ഗായിക സയനോരാ ഫിലിപ്പ്, ഇന്ദു തമ്പി, ഹരിത, ചിപ്പി ദേവസ്സി, രജിത മധു, വര്‍ഷ തുടങ്ങി നിരവധി താരങ്ങൾ അണിനിരക്കുന്നു. ബാബു ആന്റണി, പി.പി.കുഞ്ഞിക്കണ്ണൻ, നിർമ്മൽ പാലാഴി, അമൽ താഹ, മുദുൽ നായർ എന്നിവരാണ് ചിത്രത്തിലെ മറ്റു അഭിനേതാക്കൾ. 

അരവിന്ദന്റെ അതിഥികള്‍ക്കു ശേഷം വിനീത് ശ്രീനിവാസനും എം.മോഹനനും ഒന്നിച്ച  ചിത്രമാണിത്.  രാകേഷ് മണ്ടോടിയുടേതാണ് തിരക്കഥ.  സംഗീതം ഗുണസുബ്രഹ്മണ്യം. വർണച്ചിത്രയുടെ ബാനറിൽ മഹാസുബൈർ ആണ് ചിത്രത്തിന്റെ നിർമാണം. ഛായാഗ്രഹണം വിശ്വജിത് ഒടുക്കത്തിൽ, എഡിറ്റിങ് രഞ്ജൻ ഏബ്രഹാം എന്നിവർ നിർവഹിക്കുന്നു.

Read More

• മനുഷ്യരുടെ സെക്ഷ്വാലിറ്റി പ്രശ്നങ്ങൾ കോമഡിയ്ക്കുള്ള കണ്ടന്റല്ല; അപക്വമായ സമീപനവുമായി 'ഒരു ജാതി ജാതകം', റിവ്യൂ- Oru Jaathi Jaathakam Review
• പൃഥ്വിയുടെ 'ചെറിയ പട'ത്തിലെ വമ്പൻ താരനിര ഇവരൊക്കെയാണ്
• New OTT Release: ഈ ആഴ്ച ഒടിടിയിലെത്തിയ 9 മലയാളചിത്രങ്ങൾ
• കഷ്ടപ്പാടുകളിലേക്ക് ഭാഗ്യദേവതയായി അവൾ എത്തിയപ്പോൾ; മാറിമറിഞ്ഞത് ബാബുവിന്റെ ജീവിതം
• അപ്പന്റെ സ്വപ്നം സഫലമാക്കിയ മകൻ; അമ്മയുടെ കയ്യിലിരിക്കുന്ന ഈ കൊച്ചുമിടുക്കൻ മലയാളത്തിന്റെ പ്രിയനടനാണ്
• ആർക്കെങ്കിലും എന്തെങ്കിലും അറിയുമെങ്കിൽ ദയവ് ചെയ്ത് പറ; എമ്പുരാൻ അപ്ഡേറ്റ് കാത്ത് പ്രേക്ഷകർ