മൂക്കുത്തി അമ്മനിൽ അഭിനയിക്കാൻ വ്രതമെടുത്ത് നയൻതാര; കൂടെ വിക്കിയും മക്കളും വ്രതത്തിൽ

ആർ.ജെ ബാലാജിയും എൻ.ജെ ശരവണനും സംവിധാനം ചെയ്ത മൂക്കുത്തി അമ്മൻ എന്ന ചിത്രത്തിന്റെ രണ്ടാം ഭാഗം എത്തുകയാണ്. ചിത്രത്തിന്റെ പൂജ ചെന്നൈ പ്രസാദ് സ്റ്റുഡിയോയിൽ നടന്നു.  നൂറു കോടി രൂപ ബജറ്റിൽ ഒരുങ്ങുന്ന ചിത്രമാണിത്. 

മൂക്കുത്തി അമ്മനാകുന്നതിന് മുന്നോടിയായി നയൻതാര വ്രതത്തിലാണെന്ന് വെളിപ്പെടുത്തിയിരിക്കുകയാണ് നിർമാതാവ് ഇഷരി കെ ഗണേഷ്. താരത്തിന്റെ മക്കൾ അടക്കം വ്രതത്തിൽ പങ്കാളികളാണെന്നും ഇഷരി കൂട്ടിച്ചേർത്തു. പൂജ ചടങ്ങിൽ സംസാരിക്കവെയാണ് ഇഷരി കെ ഗണേഷ് ഇക്കാര്യം വെളിപ്പെടുത്തിയത്. 

"ഒരു മാസത്തിലേറെയായി അവർ വ്രതത്തിലാണ്. അമ്മനായി അഭിനയിക്കുന്നതിന് വേണ്ടിയാണ് ഈ ഒരുക്കം. മൂക്കുത്തി അമ്മൻ ആ​ദ്യ ഭാ​ഗത്തിൽ അഭിനയിക്കുന്നതിന് മുമ്പും സമാനമായി നയൻതാര മാഡം വ്രതമെടുത്തിരുന്നു. നയൻതാര മാത്രമല്ല വീട്ടിലെ എല്ലാ അംഗങ്ങളും എന്തിന് മക്കൾ പോലും വ്രതം നോറ്റാണ് കഴിഞ്ഞ കുറച്ച് നാളുകളായി ജീവിക്കുന്നത്." 

മൂക്കുത്തി അമ്മന്റെ ആ​ദ്യ ഭാ​ഗത്തിൽ അഭിനയിച്ചപ്പോഴും നയൻതാര 40 ദിവസത്തോളം വ്രതം നോറ്റിരുന്നു. ആ കാലയളവിൽ മാംസാഹാരം പൂർണമായി ത്യജിക്കുകയും ചെയ്തിരുന്നു. മുൻപു ശ്രീരാമ രാജ്യം എന്ന ചിത്രത്തിൽ സീതയായി അഭിനയിക്കുന്നതിനു മുന്നോടിയായും നയൻതാര ഉപവസിച്ചിരുന്നു.

തമിഴ് ചലച്ചിത്ര മേഖലയിലെ പ്രശസ്ത പ്രൊഡക്ഷൻ ഹൗസുകളിലൊന്നായ വേൽസ് ഫിലിം ഇന്റർനാഷണൽ, ഐവി എന്റർടൈൻമെന്റുമായി ചേര്‍ന്നാണ് ചിത്രം ഒരുക്കുന്നത്. സുന്ദർ സി ആണ് ചിത്രത്തിന്റെ സംവിധായകൻ. ചിത്രത്തിന്‍റെ സഹനിര്‍മാണം നിര്‍വഹിക്കുന്നത് അവ്‌നി സിനിമാക്‌സ് (പ്രൈ) ലിമിറ്റഡും റൗഡി പിക്‌ചേഴ്‌സുമാണ്.  

Read More

• മാനത്തുനിന്ന് ഇന്ത്യയെ പകർത്തൂ, കപ്പടിക്കൂ
• ഇതൊരു സൂപ്പർഹിറ്റ് കുടുംബചിത്രം! മക്കൾക്കൊപ്പം സൂര്യയും ജ്യോതികയും
• ഷൂട്ടിനിടെ എന്തുമാത്രം ഭക്ഷണം വാങ്ങി കൊടുത്തു; ദുഷ്ടാ എന്നിട്ട് പോലും നീ ഒരു വാക്ക് പറഞ്ഞില്ലല്ലോ?; റംസാനോട് ചാക്കോച്ചൻ
• ഈ സ്വപ്നസുന്ദരിമാരെ വെല്ലാൻ ആരുണ്ട്?
• മണിച്ചിത്രത്താഴിലെ അല്ലിയെ മറന്നോ? അഭിനയത്തിലേക്ക് തിരിച്ചെത്തി രുദ്ര