ക്ഷേത്രദർശനത്തിനിടെ തലൈവിയെ ഒരു നോക്ക് കാണാൻ കാത്ത് ആരാധകർ; ആരെയും നിരാശരാക്കാതെ നയൻതാര, വീഡിയോ

തെന്നിന്ത്യയുടെ പ്രിയപ്പെട്ട താരദമ്പതികളാണ് നടി നയൻതാരയും സംവിധായകൻ വിഘ്നേഷ് ശിവനും. സോഷ്യൽ മീഡിയയിൽ സജീവമായ താരങ്ങൾ ഇടക്കിടെ കുടുംബത്തോടൊപ്പമുള്ള സന്തോഷ നിമിഷങ്ങൾ ആരാധകരുമായി പങ്കുവയ്ക്കാറുണ്ട്. 

സിനിമാതിരക്കുകളൊഴിയുമ്പോൾ ക്ഷേത്രസന്ദർശനവും യാത്രകളുമൊക്കെയായി തിരക്കിലാണ് നയൻതാരയും വിഘ്നേഷും. കന്യാകുമാരി ജില്ലയിലെ വിവിധ ക്ഷേത്രങ്ങളിൽ ദർശനം നടത്തുകയാണ് ഈ ദമ്പതികൾ ഇപ്പോൾ. 

ശുചീന്ദ്രം താണുമാലയ സ്വാമി ക്ഷേത്രം,  നാഗർകോട്ടിലെ നാഗരാജ ക്ഷേത്രം, കന്യാകുമാരി ഭഗവതി അമ്മൻ ക്ഷേത്രം, ശ്രീ കാലഭൈരവ ക്ഷേത്രം, ആഞ്ജനേയർ ക്ഷേത്രം, ബാലസൗന്ദരി അമ്മൻ, മൂലസ്ഥാന ശ്രീകോവിൽ ഭഗവതി അമ്മൻ, വിനായഗർ, ധർമശാസ്താ അയ്യപ്പൻ, ശ്രീനാഗരാജ, സൂര്യഭഗവാൻ ക്ഷേത്രങ്ങൾ എന്നിവിടങ്ങളിലെല്ലാം താരദമ്പതികൾ ദർശനം നടത്തി. 

View this post on Instagram

A post shared by Nayanthara (@ladysuperstar_nayantharaaa_)

ക്ഷേത്രങ്ങളുടെ പരിസരത്ത് താരദമ്പതികളെ കാണാൻ കാത്തിരുന്ന ആരാധകരോടു സംസാരിച്ചും കൂടെ നിന്ന് ചിത്രങ്ങൾ പകർത്തിയുമാണ് ഇരുവരും മടങ്ങിയത്. 

View this post on Instagram

A post shared by Nayanthara (@ladysuperstar_nayantharaaa_)

മലയാളത്തിലേക്ക് റീ എൻട്രിക്കായി തയ്യാറെടുക്കുന്ന നയൻസ്, തന്റെ പുതിയ ചിത്രവും അടുത്തിടെ പ്രഖ്യാപിച്ചിരുന്നു. നിവിൻ പോളിയുടെ നിർമ്മാണത്തിൽ ഒരുങ്ങുന്ന ചിത്രത്തിന് 'ഡിയർ സ്റ്റുഡന്റ്സ്' എന്നാണ് പേരു നിശ്ചയിച്ചിരിക്കുന്നത്. കുഞ്ചാക്കോ ബോബൻ നായകനായ നിഴലാണ് നയൻതാര അവസാനമായി അഭിനയിച്ച മലയാളം ചിത്രം.

അന്നപൂരണി: ദ ഗോഡസ് ഓഫ് ഫുഡ് ആണ് ഒടുവിൽ തിയേറ്ററിലെത്തിയ നയൻതാര ചിത്രം. ടെസ്റ്റ്, മണ്ണങ്ങാട്ടി സിൻസ് 1960 എന്നിവയുൾപ്പെടെ നിരവധി പ്രൊജക്റ്റുകൾ നയൻതാരയുടേതായി അണിയറയിൽ ഒരുങ്ങുന്നുണ്ട്.

Read More Entertainment Stories Here

• എനിക്ക് ഹിന്ദിയറിയൂലാന്ന് ആരു പറഞ്ഞു, സുഗമ പരീക്ഷക്ക് നൂറായിരുന്നു മാർക്ക്: ബേസിൽ
• ഒത്തൊരുമയുടെ 42വർഷം; വിവാഹ വാർഷികത്തിൽ ഓർമ്മ ചിത്രവുമായി ബാലചന്ദ്രമേനോൻ
• കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ
• അയാൾക്കൊപ്പം അഭിനയിച്ചു കൊതി തീർന്നില്ല, അതിനു വേണ്ടിമാത്രം ആവേശത്തിന്റെ രണ്ടാം ഭാഗം ചെയ്യാൻ ആഗ്രഹമുണ്ട്: ഫഹദ്