കൈചേർത്തു പിടിച്ച് പ്രണയപൂർവ്വം നയൻതാരയും വിക്കിയും; ചിത്രങ്ങൾ

തെന്നിന്ത്യയുടെ പ്രിയപ്പെട്ട താരദമ്പതികളായ നയൻതാരയേയും വിഘ്നേഷ് ശിവനെയും സംബന്ധിച്ച് യാത്രകൾ ഏറെ പ്രിയപ്പെട്ടതാണ്. ഇരുവരും സോഷ്യൽ മീഡിയയിൽ യാത്രാവിശേഷങ്ങളും ചിത്രങ്ങളുമെല്ലാം പങ്കുവയ്ക്കാറുണ്ട്. 

സിനിമാതിരക്കുകളൊഴിയുമ്പോൾ ക്ഷേത്രസന്ദർശനവും യാത്രകളുമൊക്കെയായി തിരക്കിലാണ് നയൻതാരയും വിഘ്നേഷും. അടുത്തിടെ കന്യാകുമാരി ജില്ലയിലെ വിവിധ ക്ഷേത്രങ്ങൾ ഇരുവരും സന്ദർശിച്ചിരുന്നു. ശുചീന്ദ്രം താണുമാലയ സ്വാമി ക്ഷേത്രം,  നാഗർകോട്ടിലെ നാഗരാജ ക്ഷേത്രം, കന്യാകുമാരി ഭഗവതി അമ്മൻ ക്ഷേത്രം, ശ്രീ കാലഭൈരവ ക്ഷേത്രം, ആഞ്ജനേയർ ക്ഷേത്രം, ബാലസൗന്ദരി അമ്മൻ, മൂലസ്ഥാന ശ്രീകോവിൽ ഭഗവതി അമ്മൻ, വിനായഗർ, ധർമശാസ്താ അയ്യപ്പൻ, ശ്രീനാഗരാജ, സൂര്യഭഗവാൻ ക്ഷേത്രങ്ങൾ തുടങ്ങി ഒട്ടേറെ ക്ഷേത്രങ്ങളിൽ നയനും വിക്കിയുമെത്തി. 

ഈ യാത്രയ്ക്കിടയിൽ പകർത്തിയ ഏതാനും ചിത്രങ്ങളാണ് ഇപ്പോൾ ശ്രദ്ധ കവരുന്നത്. പരസ്പരം കൈകോർത്തു പിടിച്ചു പ്രണയപൂർവ്വം പരസ്പരം നോക്കുന്ന നയൻതാരയേയും വിഘ്നേഷിനെയുമാണ് ചിത്രങ്ങളിൽ കാണാനാവുക.

View this post on Instagram

A post shared by nayanthara (@nayanthara_.media.cuts)

മലയാളത്തിലേക്ക് റീ എൻട്രിക്കായി തയ്യാറെടുക്കുകയാണ് നയൻതാര ഇപ്പോൾ.  നിവിൻ പോളിയുടെ നിർമ്മാണത്തിൽ ഒരുങ്ങുന്ന 'ഡിയർ സ്റ്റുഡന്റ്സ്' എന്ന ചിത്രത്തിലാവും നയൻതാര എത്തുക.  കുഞ്ചാക്കോ ബോബൻ നായകനായ നിഴലാണ് നയൻതാര അവസാനമായി അഭിനയിച്ച മലയാളം ചിത്രം.

അന്നപൂരണി: ദ ഗോഡസ് ഓഫ് ഫുഡ് ആണ് ഒടുവിൽ തിയേറ്ററിലെത്തിയ നയൻതാര ചിത്രം. ടെസ്റ്റ്, മണ്ണങ്ങാട്ടി സിൻസ് 1960 എന്നിവയാണ് റിലീസ് കാത്തിരിക്കുന്ന മറ്റുചിത്രങ്ങൾ. 

Read More Entertainment Stories Here

• എനിക്ക് ഹിന്ദിയറിയൂലാന്ന് ആരു പറഞ്ഞു, സുഗമ പരീക്ഷക്ക് നൂറായിരുന്നു മാർക്ക്: ബേസിൽ
• ഒത്തൊരുമയുടെ 42വർഷം; വിവാഹ വാർഷികത്തിൽ ഓർമ്മ ചിത്രവുമായി ബാലചന്ദ്രമേനോൻ
• കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ
• അയാൾക്കൊപ്പം അഭിനയിച്ചു കൊതി തീർന്നില്ല, അതിനു വേണ്ടിമാത്രം ആവേശത്തിന്റെ രണ്ടാം ഭാഗം ചെയ്യാൻ ആഗ്രഹമുണ്ട്: ഫഹദ്