കത്തനാരെ കാണാൻ എമ്പുരാൻ എത്തിയപ്പോൾ: ചിത്രങ്ങൾ

ജയസൂര്യ നായകനാകുന്ന 'കത്തനാർ: ദി വൈൽഡ് സോർസറർ' എന്ന ചിത്രത്തിന്റെ ഷൂട്ടിംഗ് പുരോഗമിച്ചു കൊണ്ടിരിക്കുകയാണ്.  കത്തനാരെ കാണാൻ ലൊക്കേഷനിലെത്തിയ ഒരു സ്പെഷൽ അതിഥിയാണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്. മറ്റാരുമല്ല, മലയാളത്തിന്റെ അഭിമാനതാരം മോഹൻലാലാണ് കത്തനാർ ലൊക്കേഷൻ സന്ദർശിച്ചത്. മോഹൻലാലിനു നന്ദി പറഞ്ഞുകൊണ്ട് ജയസൂര്യയാണ് ചിത്രങ്ങൾ ഷെയർ ചെയ്തത്.

മോ​ഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന എമ്പുരാന്റെ ചിത്രീകരണം പുരോ​ഗമിക്കുന്നതിനിടെയാണ് താരം കത്തനാരുടെ സെറ്റിലെത്തിയത്. 

 'ഫിലിപ്സ് ആൻഡ് ദ മങ്കിപെൻ', 'ജോ ആൻഡ് ദ ബോയ്', 'ഹോം' എന്നീ സിനിമകള്‍ക്ക് ശേഷം റോജിൻ തോമസ് സംവിധാനം ചെയ്യുന്ന ചിത്രമാണ്  'കത്തനാർ: ദി വൈൽഡ് സോർസറർ'.  മഹാമാന്ത്രികൻ കടമറ്റത്ത് കത്തനാരുടെ ജീവിതം പറയുന്ന ചിത്രത്തിൽ അനുഷ്ക ഷെട്ടിയാണ് നായികയായി എത്തുന്നത്. അനുഷ്ക മലയാളത്തിലേക്ക് എത്തുന്ന ആദ്യചിത്രമെന്ന സവിശേഷതയുമുണ്ട്. 

View this post on Instagram

A post shared by Jayasurya Jayan (@actor_jayasurya)

 വെർച്വൽ പ്രൊഡക്ഷൻ ടെക്നോളജിയിൽ ഒരുങ്ങുന്ന ചിത്രമാണ് കത്തനാർ. മലയാളം, ഹിന്ദി, തമിഴ്, തെലുങ്ക്, കന്നഡ, ഇംഗ്ലീഷ്, ബംഗാളി, ചൈനീസ്, ഫ്രഞ്ച്, കൊറിയൻ, ഇറ്റാലിയൻ, റഷ്യൻ, ഇൻഡോനേഷ്യൻ, ജാപ്പനീസ്, ജര്‍മൻ തുടങ്ങി 15ലേറെ ഭാഷകളിലായാണ് ചിത്രം റിലീസിനെത്തുക.  ശ്രീ ഗോകുലം മൂവീസിന്‍റെ ബാനറിൽ ഗോകുലം ​ഗോപാലൻ ആണ് ചിത്രം നിർമ്മിക്കുന്നത്.

Check out More Entertainment Stories Here 

• മകളെ കളിപ്പിക്കാൻ രൺബീറുമായി മത്സരമാണെന്ന് ആലിയ: പരിഹാരം നിർദ്ദേശിച്ച് നാത്തൂൻ കരീന
• കുട്ടികള്‍ വേണമായിരുന്നു, അത് കൊണ്ടാണ് വിവാഹം കഴിച്ചത്: കരീന കപൂർ
• അതാണ് ഷാരൂഖും അജയ് ദേവ്ഗണും തമ്മിലുള്ള വ്യത്യാസം: കാജോൾ പറയുന്നു
• ബോളിവുഡിലെ നെപ്പോട്ടിസം തുടക്കത്തിൽ എന്നെയും ബുദ്ധിമുട്ടിച്ചിരുന്നു: ദീപിക പദുകോൺ
• സിവനേ ഇതേത് ജില്ല?; ചെന്നൈയില്‍ പടക്കം കത്തിച്ച് കേരളം വരെ ഓടി ശോഭന, വീഡിയോ
• എനിക്ക് വിവാഹം കഴിക്കാൻ ആഗ്രഹമുണ്ട്, ചേച്ചി പക്ഷേ അടുത്തൊന്നും കെട്ടുന്ന ലക്ഷണം കാണുന്നില്ല: ദിയ കൃഷ്ണ