'മുഹമ്മദ് കുട്ടി, വിശാഖം നക്ഷത്രം,' മമ്മൂട്ടിക്കായി ശബരിമലയിൽ വഴിപാട് നടത്തി മോഹന്‍ലാല്‍

ശബരിമലയിൽ മമ്മൂട്ടിക്കായി വഴിപാട് നടത്തി മോഹൻലാൽ. ചൊവ്വാഴ്ച ശബരിമലയിൽ ദർശനത്തിനെത്തിയപ്പോഴായിരുന്നു മമ്മൂട്ടിയുടെ പേരിൽ മോഹൻലാൽ വഴിപാട് നടത്തിയത്. 'മുഹമ്മദ് കുട്ടി, വിശാഖം നക്ഷത്രം എന്ന പേരിലാണ് വഴിപാട് നടത്തിയത്. ഭാര്യ സുചിത്രയുടെ പേരിലും മോഹൻലാൽ വഴിപാട് നടത്തി.

വഴിപാട് രസീതിന്റെ ചിത്രങ്ങൾ സോഷ്യൽ മീഡിയയിൽ ശ്രദ്ധനേടുകയാണ്. സുഹൃത്തുക്കൾക്കൊപ്പം വൈകീട്ടോടെയാണ് മോഹൻലാൽ ശബരിമലയിൽ ദർശം നടത്തിയത്.  പമ്പയിൽ നിന്ന് കെട്ട് നിറച്ചായിരുന്നു മലചവിട്ടിയത്.

ശബരിമല സന്ദർശനം നടത്തുന്ന മോഹൻലാലിന്റെ ചിത്രങ്ങളും വീഡിയോകളും സോഷ്യൽ മീഡിയയിൽ ശ്രദ്ധനേടിയിരുന്നു. ബിഗ് ബജറ്റ് ചിത്രമായ 'എമ്പുരാന്റെ' റിലീസിന് ദിവസങ്ങൾ മാത്രം ബാക്കി നിൽക്കെയാണ് അനുഗ്രഹം തേടി മോഹൻലാൽ അയ്യപ്പ സന്നിധിയിൽ എത്തിയത്.

മലയാളം സിനിമ ചരിത്രത്തിൽ ഏറ്റവുമധികം ഹൈപ്പിലെത്തുന്ന ചിത്രമാണ് എമ്പുരാൻ. മാർച്ച് 27നാണ് ചിത്രത്തിന്റെ ആഗോള റിലീസ് നിശ്ചയിച്ചിരിക്കുന്നത്. മോഹൻലാലിനെ നായകനാക്കി നടൻ പൃഥ്വിരാജ് സംവിധാനം ചെയ്യുന്ന എമ്പുരാൻ, ബ്ലോക്ബസ്റ്റർ ചിത്രമായ ലൂസിഫറിന്റെ രണ്ടാം ഭാഗമാണ്.

Read More

• അയ്യനെ കണ്ട് അനുഗ്രഹം തേടി മോഹൻലാൽ ശബരിമലയിൽ
• Empuraan: മലയാള സിനിമ ചരിത്രത്തിൽ ആദ്യം; എമ്പുരാന്റെ വമ്പൻ അപ്ഡേറ്റ് പുറത്തുവിട്ട് മോഹൻലാൽ
• Empuraan Trailer: എല്ലാവരും കാത്തിരിക്കുന്ന ആ ട്രെയിലർ ആദ്യം കണ്ടത് തലൈവർ; ഫാൻ ബോയ് മൊമന്റ് പങ്കിട്ട് പൃഥ്വിരാജ്
• ബ്രോ ഡാഡിയിൽ ജോൺ കാറ്റാടി ആവേണ്ടിയിരുന്നത് മമ്മൂട്ടി; വെളിപ്പെടുത്തി പൃഥ്വിരാജ്
• നൃത്തത്തിനൊടുവിൽ വിതുമ്പി കരഞ്ഞ് നവ്യ: ആശ്വസിപ്പിച്ച് കാണിക്കൾക്കിടയിൽ നിന്നൊരു മുത്തശ്ശി; വീഡിയോ