മൂന്നാം തവണയും 'അമ്മ' പ്രസിഡന്‍റായി മോഹൻലാൽ

മലയാള സിനിമ താരങ്ങളുടെ സംഘടനയായ 'അമ്മ' പ്രസിഡന്റായി മൂന്നാം തവണയും മോഹൻലാൽ തെരഞ്ഞെടുക്കപ്പെട്ടു. എതിരില്ലാതെയാണ് ഇത്തവണയും മോഹൻലാൽ തിരഞ്ഞെടുക്കപ്പെട്ടത്. തിരഞ്ഞെടുപ്പിലൂടെയാണ് പുതിയ ഭാരവാഹികളെ 'അമ്മ' കണ്ടെത്തുന്നത്. എന്നാൽ തിരഞ്ഞെടുപ്പിലേക്ക് പത്രിക സമർപ്പിക്കാനുള്ള സമയം അവസാനിച്ചതോടെയാണ് വീണ്ടും മോഹൻലാൽ തന്നെ ചുമതലയേൽക്കുന്നത്. 

ജനറൽ സെക്രട്ടറി, വൈസ് പ്രസിഡന്റ് പദവികളിലേക്ക് തിരഞ്ഞെടുപ്പ് നടക്കും. ഈ മാസം 30ന് കൊച്ചി ഗോകുലം കൺവെൻഷൻ സെന്ററിലാണ് തിരഞ്ഞെടുപ്പ്. 506 വോട്ടിങ് അവകാശമുള്ള അംഗങ്ങളാണ് പുതിയ ഭാരവാഹികളെ തിരഞ്ഞെടുക്കുന്നത്.

മൂന്ന് പതിറ്റാണ്ടിലേറയായി സംഘടനയിൽ വിവിധ ചുമതലകൾ നിർവഹിക്കുന്ന ഉടവേള ബാബു ജനറൽ സെക്രട്ടറി പദവി ഒഴിയുകയാണെന്ന് അടുത്തിടെ അറിയിച്ചിരുന്നു. സിദ്ധിഖ്, ഉണ്ണി ശിവപാൽ, കുക്കു പരമേശ്വരൻ എന്നിവരാണ് ജനറൽ സെക്രട്ടറി സ്ഥാനത്തേക്ക് മത്സരിക്കുന്നത്.

ജഗദീഷ്, ജയൻ ചേർത്തല, മഞ്ജു പിള്ള എന്നിവരാണ് വൈസ് പ്രസിഡന്റ് സ്ഥാനാർഥികൾ. ഈ മാസം മൂന്ന് മുതലാണ് പത്രിക സമർപ്പണത്തിനുള്ള അവസരം ആരംഭിച്ചത്.

Read More Entertainment Stories Here

• ലാലേട്ടനെ നെഞ്ചിൽ പതിപ്പിച്ച് ആരാധകൻ; സർപ്രൈസുമായി സാക്ഷാൽ മോഹൻലാൽ
• 6300 കോടി ആസ്തി; ഇന്ത്യൻ സിനിമയിലെ ഏറ്റവും സമ്പന്നൻ ഈ സൂപ്പർ താരം
• അവളെ തൊട്ടതെന്തിന്? ഷൂട്ടിംഗിനിടയിലെ പ്രണയം, സല്‍മാനോട്‌ ദേഷ്യപ്പെട്ട് സംവിധായകന്‍
• അച്ഛൻ വെയിറ്ററായി ജോലിചെയ്ത മൂന്നു ഹോട്ടലുകൾ ഇപ്പോഴും എന്റെ സ്വന്തം: സുനിൽ ഷെട്ടി
• സൗബിനും കുടുംബത്തിനുമൊപ്പം ഈദ് ആഘോഷിച്ച് നവ്യ നായർ
• ജിന്റോയെ സ്വീകരിക്കാനെത്തി; തിരക്കിൽപെട്ടു റോബിനും ആരതി പൊടിയും, വീഡിയോ