ഏജന്റ് ടീനയ്ക്ക് സമ്മാനം നൽകി കെട്ടിപ്പിടിച്ച് മഞ്ജു വാര്യർ; വീഡിയോ

മഞ്ജു വാര്യരെ കണ്ട സന്തോഷം പങ്കിട്ട് ഡാൻസർ വാസന്തി

27 May 2024 17:02 IST

New Update

കമൽ ഹാസനെ നായകനാക്കി ലോകേഷ് കനകരാജ് സംവിധാനം ചെയ്ത വിക്രം എന്ന ചിത്രത്തിലെ ഏജന്റ് ടീനയെ അത്ര പെട്ടെന്ന് പ്രേക്ഷകർക്ക് മറക്കാനാവില്ല. തീപ്പാറും ആക്ഷൻ രംഗങ്ങൾകൊണ്ട് തിയേറ്ററിൽ കയ്യടി നേടുകയായിരുന്നു ഏജന്റ് ടീന. നർത്തകിയായ വാസന്തിയാണ് ആ കഥാപാത്രത്തെ അവിസ്മരണീയമാക്കിയത്.

Advertisment

മലയാളത്തിന്റെ പ്രിയതാരം മഞ്ജു വാര്യർക്ക് ഒപ്പമുള്ളൊരു വീഡിയോ പങ്കിടുകയാണ് വാസന്തി ഇപ്പോൾ. മഞ്ജു വാസന്തിയ്ക്ക് ഒരു സമ്മാനം നൽകുന്നതും ആലിംഗനം ചെയ്യുന്നതുമാണ് വീഡിയോയിൽ കാണാനാവുക. വിലപ്പിടിച്ചൊരു സമ്മാനമാണ് മഞ്ജു മാഡം നൽകിയതെന്നാണ് വീഡിയോ പങ്കുവച്ച് വാസന്തി കുറിച്ചത്.

View this post on Instagram
A post shared by Vasanthiguru (@agent_tina_official)

വർഷങ്ങളായി നൃത്തരംഗത്ത് സജീവമായി പ്രവർത്തിക്കുന്ന കലാകാരിയാണ് വാസന്തി. നൃത്തസംവിധായകൻ ദിനേശ് മാസ്റ്ററുടെ സഹായിയായി മാസ്റ്റർ എന്ന ചിത്രത്തിൽ പ്രവർത്തിക്കുമ്പോഴാണ് ലോകേഷ് കനകരാജ് വിക്രത്തിലേക്ക് വാസന്തിയെ ക്ഷണിച്ചത്.

Advertisment

അതേസമയം, രജനീകാന്ത് നായകനാവുന്ന‘വേട്ടയ്യൻ’എന്ന ചിത്രത്തിന്റെ തിരക്കിലാണ് മഞ്ജു വാര്യർ. ചിത്രത്തിൽ നായികയായാണ് മഞ്ജു എത്തുന്നത്.

ടി.ജി. ജ്ഞാനവേൽ സംവിധാനം ചെയ്യുന്ന വേട്ടയ്യനിൽ അമിതാഭ് ബച്ചൻ, ഫഹദ് ഫാസിൽ, റാണ ദഗുബാട്ടി, കിഷോർ, റിതിക സിങ്, ദുഷാര വിജയൻ, ജി.എം. സുന്ദർ, രോഹിണി, റാവൊ രമേശ്, രമേശ് തിലക്, രക്ഷൻ എന്നിവരും പ്രധാന വേഷത്തിൽ എത്തുന്നുണ്ട്.

ജയ് ഭീം എന്ന ചിത്രത്തിനു ശേഷം ജ്ഞാനവേൽ സംവിധാനം ചെയ്യുന്ന ചിത്രം കൂടിയാണിത്. എസ്.ആർ. കതിര്‍ ആണ് ഛായാഗ്രഹണം. സംഗീതം അനിരുദ്ധ്. ആക്‌ഷൻ അൻപറിവ്. എഡിറ്റിങ് ഫിലോമിൻ രാജ്. ലൈക പ്രൊഡക്‌ഷന്‍സ് ആണ് നിർമാണം.

ഏജന്റ് ടീനയ്ക്ക് സമ്മാനം നൽകി കെട്ടിപ്പിടിച്ച് മഞ്ജു വാര്യർ; വീഡിയോ

മഞ്ജു വാര്യരെ കണ്ട സന്തോഷം പങ്കിട്ട് ഡാൻസർ വാസന്തി

Read More Entertainment Stories Here