ഇതാണ് നയൻതാരയുടെ പുതിയ ഓഫീസ്; വീഡിയോ

നടി, നിർമാതാവ് എന്നീ നിലകളിൽ മാത്രമല്ല, ബിസിനസിലും ഉയർന്നു വരുന്ന വ്യക്തിത്വമാണ് നയൻതാര. ജെൻഡർ ന്യൂട്രൽ ലിപ് ബാം കമ്പനി മുതൽ സ്കിൻകെയർ ബ്രാൻഡ് 9 സ്കിൻ, ഫെമി 9 വരെ നിരവധി സംരംഭങ്ങളാണ് നയൻതാരയുടെ ഉടമസ്ഥതയിലുള്ളത്. ഒപ്പം, റൗഡി പിക്ച്ചേഴ്സ് എന്നൊരു നിർമാണകമ്പനിയും നയൻതാരയ്ക്കുണ്ട്.

ഈയടുത്ത്, ബിസിനസിനും മറ്റു ഔദ്യോഗിക കാര്യങ്ങൾക്കുമായി ചെന്നൈയിൽ പുതിയൊരു ഓഫീസ് എടുത്തിരുന്നു നയൻതാര. ആ ഓഫീസിന്റെ ചിത്രങ്ങളും വീഡിയോകളുമാണ് ഇപ്പോൾ ശ്രദ്ധ നേടുന്നത്. 

View this post on Instagram

A post shared by பார்வதி (@parvathi.sridharan)

ഭർത്താവ് വിഘ്നേഷിനും മക്കൾക്കുമൊപ്പം നയൻതാര താമസിക്കുന്ന വീടിന്റെ മുകളിൽ തന്നെയാണ് ഓഫീസ് ഏരിയയും ക്രമീകരിച്ചിരിക്കുന്നത്. ഉയരമുള്ള സീലിംഗും ധാരാളം ഗ്ലാസ് വർക്കുകളും ഉൾപ്പെടുന്ന നല്ല വെളിച്ചവും കാറ്റും ലഭിക്കുന്ന വളരെ മിനിമലിസ്റ്റിക് ഡിസൈനിലാണ് ഓഫീസ്. കെട്ടിടത്തിന്റെ ചിത്രങ്ങൾ നയൻതാരയും മുൻപു ഇൻസ്റ്റഗ്രാമിലൂടെ പങ്കുവച്ചിരുന്നു.  . 

ഗ്ലാസ് ജനാലകളും വാതിലുകളുമുള്ള ബാൽക്കണിയിലേക്ക് തുറക്കുന്ന റൂമാണ് നയൻ‌താരയുടേത്. ഈ ചിത്രം ഷെയർ ചെയ്തത് വിഘ്നേഷ് ശിവനാണ്. 

ഇൻസ്റ്റഗ്രാമിലൂടെയാണ് സൈബർ ലോകത്തേക്ക് നയൻതാര കാലെടുത്ത് വയ്ക്കുന്നത്. തന്റെ ഉത്പന്നങ്ങൾ പലപ്പോഴും താരം തന്റെ അക്കൗണ്ടിലൂടെ പരസ്യം ചെയ്യാറുമുണ്ട്. എന്നിരുന്നാലും, തന്റെ വ്യക്തിജീവിതത്തിലേക്കുള്ള കാഴ്ചകൾ ആരാധകരുമായി പങ്കിടാനും നടി മറക്കാറില്ല. വിഘ്നേഷിനും മക്കളായ ഉയിരിനും ഉലകിനും ഒപ്പമുള്ള ിത്രങ്ങളും വീഡിയോകളും താരം പോസ്റ്റ് ചെയ്യാറുണ്ട്. .

View this post on Instagram

A post shared by N A Y A N T H A R A (@nayanthara)

പ്രദീപ് രംഗനാഥൻ നായകനാകുന്ന 'ലവ് ഇൻഷുറൻസ് കമ്പനി' എന്ന ചിത്രത്തിന്റെ ഷൂട്ടിങ്ങിലാണ് വിഘ്നേഷ്. ചിത്രത്തിന്റെ ഒരു ഷെഡ്യൂൾ പൂർത്തിയാക്കിയ വിഘ്നേഷ് അടുത്തിടെ സിംഗപ്പൂരിൽ നിന്ന് മടങ്ങിയെത്തിയിരുന്നു.

അതേസമയം, ഷാരൂഖ് ഖാനൊപ്പം ജവാനിൽ അഭിനയിച്ച ശേഷം, ബിസിനസ് രംഗത്ത് സജീവമാകുകയാണ് നയൻതാര. ടെസ്റ്റ്, മണ്ണങ്കട്ടി സിൻസ് 1960 തുടങ്ങിയവയാണ് നയൻതാരയുടെ വരാനിരിക്കുന്ന സിനിമകൾ.  

Read More Entertainment Stories Here

• നൂറിൽ അമ്പത്; ന്യൂജൻ സിനിമകൾക്ക് സാധിക്കാത്ത നേട്ടവുമായി ആടുജീവിതം
• ചാർളി അമ്മയായി; കുഞ്ഞുങ്ങളെ നെഞ്ചോട് ചേർത്ത് രക്ഷിത് ഷെട്ടി
• ടർബോ പ്രെമോഷനിടെ മമ്മൂട്ടി ധരിച്ച ആഢംബര വാച്ചിന്റെ വില അറിയാമോ?
• വേർപിരിഞ്ഞ മകളെ എഐയുടെ സഹായത്തോടെ വർഷങ്ങൾക്കു ശേഷം കണ്ടപ്പോൾ; നിറകണ്ണുകളോടെ വിജയുടെ അമ്മ
• കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ