Lucky Baskhar OTT: ലക്കി ഭാസ്കർ ഒടിടിയിൽ എത്തി, എവിടെ കാണാം?

Lucky Baskhar OTT Release  & Platform: ദുൽഖർ സൽമാനെ  നായകനായി വെങ്കി അറ്റ്ലൂരി സംവിധാനം ചെയ്ത ഏറ്റവും പുതിയ തെലുങ്ക് ചിത്രം 'ലക്കി ഭാസ്കർ' ഒടിടിയിലെത്തി. തിയേറ്ററിൽ എത്തി ഒരു മാസം പിന്നിടും മുൻപെയാണ് ചിത്രം ഒടിടിയിൽ എത്തിയിരിക്കുന്ന്. ബോക്സ് ഓഫീസിലും ചിത്രം മികച്ച പ്രകടനം കാഴ്ച വച്ചിരുന്നു.

ഒരു വർഷത്തെ ഇടവേളക്ക് ശേഷമാണ് ഡിക്യു വീണ്ടും നായകനായി വെള്ളിത്തിരയിലെത്തിയത്. ദീപാവലി റിലീസായിട്ടായിരുന്നു ലക്കി ഭാസ്കർ എത്തിയത്.  പീരീഡ് ഡ്രാമ ത്രില്ലറായ ചിത്രത്തിൽ ഒരു ബാങ്ക് ജോലിക്കാരനായാണ് ദുൽഖർ എത്തിയത്. 

1980-1990 കാലഘട്ടത്തിലെ മുംബൈ നഗരത്തിന്റെ പശ്ചാത്തലത്തിൽ കഥ പറയുന്ന ലക്കി ഭാസ്കറിന്റെ രചനയും നിർവഹിച്ചിരിക്കുന്നത് വെങ്കി അറ്റ്ലൂരിയാണ്. ഒരു സാധാരണ ബാങ്ക് ജീവനക്കാരനിൽ നിന്നും മൾട്ടി മില്യണറായി മാറുന്ന ഭാസ്കറിന്റെ കഥയാണ് ചിത്രം പറയുന്നത്. 

ദുൽഖർ സൽമാന്റെ വേഫെറർ ഫിലിംസാണ് കേരളത്തിൽ ചിത്രം വിതരണത്തിനെത്തിച്ചത്. മീനാക്ഷി ചൗധരിയാണ് ചിത്രത്തിൽ ദുൽഖറിന്റെ നായികയായത്.  ഹൈപ്പർ ആദി, സൂര്യ ശ്രീനിവാസ് എന്നിവരും ചിത്രത്തിലുണ്ട്.  ധനുഷ് ചിത്രം 'വാത്തി'യ്ക്ക് ശേഷം വെങ്കി അറ്റ്ലൂരി സംവിധാനം ചെയ്ത ചിത്രമാണ് ലക്കി ഭാസ്കർ. 

ലക്കി ഭാസ്കർ ഒടിടി: Lucky Baskhar OTT

View this post on Instagram

A post shared by Wayfarer Films (@dqswayfarerfilms)

നെറ്റ്ഫ്ളിക്സിലാണ് ലക്കി ഭാസ്കർ സ്ട്രീമിംഗ് ആരംഭിച്ചിരിക്കുന്നത്. തെലുങ്കിനു പുറമെ മലയാളം, തമിഴ്, ഹിന്ദി ഭാഷകളിലും  ചിത്രം ലഭ്യമാണ്.

വ്യാഴാഴ്ച പുലർച്ചെയാണ് ചിത്രം സ്ട്രീമിംഗ് തുടങ്ങിയത്. 30 കോടി രൂപയ്ക്കാണ് നെറ്റ്ഫ്ളിക്സ് ചിത്രത്തിന്റെ ഒടിടി സ്ട്രീമിംഗ് അവകാശം സ്വന്തമാക്കിയതെന്ന് റിപ്പോർട്ടുണ്ട്.

Read More

• ഞാനൊരു ബഡഗയെ വിവാഹം കഴിക്കണമെന്നാണ് അവരെന്നോട് പറഞ്ഞത്: സായ് പല്ലവി: Sai Pallavi marriage statement
• ധനുഷ് നയൻതാരയ്ക്ക് കൊടുക്കാത്ത വീഡിയോ ക്ലിപ്പുകൾ എന്താണ്? എന്ത് കൊണ്ടാണ് അത് അവർക്ക് പ്രധാനപ്പെട്ടതാകുന്നത്?
• Vivekanandan Viralanu OTT: വിവേകാനന്ദൻ വൈറലാണ് ഇപ്പോൾ ഒടിടിയിൽ കാണാം
• എന്റെ മകളുടെ പേര് ഞാൻ ശരീരത്തിൽ ടാറ്റൂ ചെയ്തിട്ടുണ്ട്: പാർവതി