Lucifer OTT: എമ്പുരാൻ കാണാൻ പോവും മുൻപ് ലൂസിഫർ ഒന്നൂടി കാണേണ്ടേ?; ഒടിടിയിൽ എവിടെ കാണാം?

Lucifer OTT Platform: എമ്പുരാന്റെ വരവിനായുള്ള കാത്തിരിപ്പിലാണ് മലയാളം സിനിമ ലോകം. മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത ബ്ലോക്ക്ബസ്റ്റർ ചിത്രമായ ലൂസിഫറിന്റെ രണ്ടാം ഭാഗമാണ് എമ്പുരാൻ. മാർച്ച് 27നാണ് വേൾഡ് വൈഡ് റിലീസായി എമ്പുരാൻ തിയേറ്ററുകളിലെത്തുന്നത്. എമ്പുരാൻ കാണുന്നതിനു മുൻപ് ലൂസിഫർ ഒരിക്കൽകൂടി കാണാൻ ആഗ്രഹിക്കുന്നവരാണ് നിങ്ങൾ എങ്കിൽ ചിത്രം ഒടിടിയിൽ ലഭ്യമാണ്.

ആമസോൺ പ്രൈം വീഡിയോയിലാണ് ലൂസിഫർ സ്ട്രീം ചെയ്യുന്നത്. മലയാളം, തമിഴ്, തെലുങ്ക് ഭാഷകളിൽ ചിത്രം പ്രൈം വീഡിയോയിൽ ലഭ്യമാണ്. സോണി ലിവിൽ ചിത്രത്തിന്റെ ഹിന്ദി പതിപ്പും ലഭ്യമാണ്.

അതേസമയം, ലൂസിഫറിലെ കഥാപാത്രങ്ങളായ മോഹൻലാൽ, മഞ്ജു വാര്യർ, ടൊവിനോ തോമസ്, പൃഥ്വിരാജ്, ഇന്ദ്രജിത്ത്, ശിവദ, സായ് കുമാർ എന്നിവരുൾപ്പെടെ വൻ താര നിരയാണ് എമ്പുരാനിൽ അണിനിരക്കുന്നത്. ഹോളിവുഡ്, ബോളിവുഡ് താരങ്ങളും ചിത്രത്തിലുണ്ട്.

മലയാളം സിനിമ ചരിത്രത്തിൽ ആദ്യമായി IMAX-ൽ റിലീസിനൊരുങ്ങുന്ന എമ്പുരാൻ, മലയാളത്തിലെ ഏറ്റവും കൂടുതൽ മുതൽ മുടക്കുള്ള ചിത്രമാണെന്നും റിപ്പോർട്ടുണ്ട്. ദീപക് ദേവാണ് എമ്പുരാനായി സംഗീതം ഒരുക്കുന്നത്. സുജിത് വാസുദേവ് ഛായാഗ്രഹണവും അഖിലേഷ് മോഹന്‍ എഡിറ്റിംഗും നിര്‍വഹിച്ചിരിക്കുന്നു.  

Read More

• 'ദൃശ്യം 3' ഈ വർഷം? അപ്ഡേറ്റ് പങ്കുവച്ച് മോഹൻലാൽ
• എമ്പുരാനായി പ്രാർത്ഥനയോടെ മല്ലിക സുകുമാരൻ ഗൂരുവായൂർ ക്ഷേത്രത്തിൽ
• ഈ പടക്കളത്തിലേക്കാണല്ലോ ദൈവമേ സ്പ്ലെൻഡറും കൊണ്ട് ഇറങ്ങിയത്!
• മലയാളത്തിന്റെ അഭിമാനതാരം വളർന്ന വീടാണിത്
• 15-ാം വയസ്സുമുതൽ അമ്മയ്ക്കും 5 സഹോദരങ്ങൾക്കും തണലായവൾ; ഈ നടിയെ മനസ്സിലായോ?
• പൃഥ്വിയുടെ 'ചെറിയ പട'ത്തിലെ വമ്പൻ താരനിര ഇവരൊക്കെയാണ്