ആരാ ചാക്കോച്ചാ കൂടെയൊരു കിമോണ സുന്ദരി?

മലയാള സിനിമയിലെ ലേഡി സൂപ്പർ സ്റ്റാർ എന്ന് വിശേഷിപ്പിക്കപ്പെടുന്ന മഞ്ജു വാര്യരുടെ 47-ാം പിറന്നാൾ ആണിന്ന്. മഞ്ജുവിന് ആശംസയുമായി നിരവധി പേരാണ് സമൂഹമാധ്യമങ്ങളിൽ കുറിപ്പുകൾ പങ്കുവച്ചിരിക്കുന്നത്.

കൂട്ടത്തിൽ, മഞ്ജുവിന് ആശംസ നേർന്ന് കുഞ്ചാക്കോ ബോബൻ പങ്കുവച്ച ചിത്രമാണ് ശ്രദ്ധ നേടുന്നത്. ഏതോ യാത്രയ്ക്കിടയിൽ പകർത്തിയ ചിത്രമാണിത്. ജപ്പാനുകാരുടെ പരമ്പരാഗത വസ്ത്രങ്ങളാണ് ചാക്കോച്ചനും മഞ്ജുവാര്യരും അണിഞ്ഞിരിക്കുന്നത്.  കിമോണയിൽ അതിസുന്ദരിയായ മഞ്ജുവിനെയാണ് ചിത്രങ്ങളിൽ കാണാനാവുക. മുഖം മറച്ചുകൊണ്ട് ചിത്രങ്ങൾക്ക് പോസ് ചെയ്യുന്ന കുഞ്ഞ് ഇസഹാഖിനെയും ചിത്രത്തിൽ കാണാം. 

Also Read: പൃഥ്വിയ്ക്ക് ഒപ്പമുള്ള ഈ കുട്ടി ഇന്ന് സൂപ്പർ ഹീറോയാണ്, 200 കോടി ക്ലബിലെത്തിയ നായിക; ആളെ മനസ്സിലായോ?

മലയാളികളുടെ പ്രിയപ്പെട്ട താരങ്ങളായ മഞ്ജു വാര്യരും കുഞ്ചാക്കോ ബോബനും രമേഷ് പിഷാരടിയുമെല്ലാം ജീവിതത്തിലും അടുത്ത സുഹൃത്തുക്കളാണ്. മൂവരും ഒന്നിച്ച് ധാരാളം യാത്രകളും നടത്താറുണ്ട്.

Also Read: പുള്ളിക്കാരിക്ക് ഒരേ നിർബന്ധം കൂടെ നിന്നൊരു ഫോട്ടോ എടുക്കണമെന്ന്: രസകരമായ കുറിപ്പുമായി പാർവതി കൃഷ്ണ

View this post on Instagram

A post shared by Manju Warrier (@manju.warrier)

1995ൽ 'സാക്ഷ്യം' എന്ന സിനിമയിലൂടെ ആണ് മഞ്ജു വാര്യർ വെള്ളിത്തിരയിൽ അരങ്ങേറ്റം കുറിക്കുന്നത്. തന്റെ പതിനെട്ടാമത്തെ വയസിൽ 'സല്ലാപ'ത്തിലൂടെ നായികയായി. ഈ ചിത്രം ആയിരുന്നു മലയാള സിനിമയിൽ മഞ്ജുവിന് ഒരു സ്ഥാനം നേടി കൊടുത്തത്. 'ഈ പുഴയും കടന്ന്' എന്ന ചിത്രത്തിലെ അഭിനയത്തിനു മികച്ച നടിക്കുള്ള സംസ്ഥാന ചലച്ചിത്ര അവാര്‍ഡും കരസ്ഥമാക്കി. കണ്ണെഴുതി പൊട്ടും തൊട്ട് എന്ന സിനിമയിലെ അഭിനയത്തിനു ദേശീയ ജൂറിയുടെ പ്രത്യേക പരാമര്‍ശവും ലഭിച്ചിട്ടുണ്ട്.

സമ്മർ ഇൻ ബത്ലഹേം, ആറാം തമ്പുരാൻ, പത്രം, ദില്ലിവാല രാജകുമാരന്‍, കളിവീട്, കളിയാട്ടം, കുടമാറ്റം, കൃഷ്ണഗുഡിയില്‍ ഒരു പ്രണയകാലത്ത്, ഇരട്ടക്കുട്ടികളുടെ അച്ഛന്‍, പ്രണയവര്‍ണ്ണങ്ങള്‍, കന്മദം, എന്നിങ്ങനെ പോകുന്നു മഞ്ജുവിന്റെ അഭിനയ മികവ്. വിവാഹ ശേഷം സിനിമയില്‍ നിന്ന് മഞ്ജു വാര്യർ ദീര്‍ഘകാലം ഇടവേളയെടുത്തിരുന്നു.

Also Read: നടി ഗ്രേസ് ആന്റണിയ്ക്ക് മിന്നു ചാർത്തി എബി; വിവാഹചിത്രങ്ങൾ

ഒടുവിൽ 2014ല്‍ പുറത്തിറങ്ങിയ 'ഹൗ ഓൾഡ് ആർയു' എന്ന ചിത്രത്തിലൂടെ ​ഗംഭീര തിരിച്ചുവരവ് നടത്തി. ചാക്കോച്ചനായിരുന്നു ചിത്രത്തിലെ നായകൻ. റാണി പത്മിനി, വേട്ട, ഉദാഹരണം സുജാത, വില്ലന്‍, ആമി, ഒടിയന്‍, ലൂസിഫര്‍, പ്രതി പൂവന്‍കോഴി, ദി പ്രീസ്റ്റ്, ചതുർമുഖം, എമ്പുരാൻ തുടങ്ങിയ സിനിമകളാണ് രണ്ടാം വരവിൽ മഞ്ജു പ്രേക്ഷകർക്ക് സമ്മാനിച്ചത്. 

അസുരൻ എന്ന ധനുഷ് ചിത്രത്തിലൂടെ തമിഴിലും മഞ്ജു ചുവടുറപ്പിച്ചു. മഞ്ജു അവതരിപ്പിച്ച പച്ചയമ്മാള്‍ എന്ന കഥാപാത്രം ഏറെ പ്രശംസകള്‍ നേടി. അജിത്ത് ചിത്രം തുനിവ്, വേട്ടയ്യൻ, വിടുതലൈ പാർട്ട് 2 എന്നിവയും മഞ്ജു അഭിനയിച്ച തമിഴ് ചിത്രങ്ങളാണ്. 

Also Read: കെട്ടിച്ചുവിട്ടില്ലെങ്കിൽ ഇവളെന്റെ തലയിലാവുമോ എന്ന് ലക്ഷ്മിയോട് പറഞ്ഞു: സെറീനയെ ട്രോളി അഖിൽ മാരാർ