പുള്ളിക്കാരിക്ക് ഒരേ നിർബന്ധം കൂടെ നിന്നൊരു ഫോട്ടോ എടുക്കണമെന്ന്: രസകരമായ കുറിപ്പുമായി പാർവതി കൃഷ്ണ

സിനിമകളിലൂടെയും സീരിയലുകളിലൂടെയും പ്രേക്ഷകർക്ക് ഏറെ സുപരിചിതയാണ് നടിയും മോഡലും അവതാരകയുമായ പാർവതി ആർ കൃഷ്ണ.  സമൂഹമാധ്യമങ്ങളിലും ഏറെ സജീവമാണ് പാർവതി. ഇപ്പോഴിതാ, പാർവതി പങ്കുവച്ച പുതിയ ചിത്രങ്ങളാണ് ശ്രദ്ധ നേടുന്നത്. ദീപിക പദുകോണിനെയും ചിത്രങ്ങളിൽ കാണാം. 

Also Read: കെട്ടിച്ചുവിട്ടില്ലെങ്കിൽ ഇവളെന്റെ തലയിലാവുമോ എന്ന് ലക്ഷ്മിയോട് പറഞ്ഞു: സെറീനയെ ട്രോളി അഖിൽ മാരാർ

"പുള്ളിക്കാരിക്ക് ഒരേ നിർബന്ധം ഫോട്ടോ എടുത്താലേ പോകുള്ളൂന്നു.. പിള്ളേര് എന്തേലും ആഗ്രഹം പറഞ്ഞാൽ അത് സാധിച്ചു കൊടുക്കണ്ടേ," എന്ന രസകരമായ അടിക്കുറിപ്പോടെയാണ് പാർവതി ചിത്രം പങ്കുവച്ചത്. ഇത് യഥാർത്ഥ ഫോട്ടോയല്ല, എഐ ജനറേറ്റഡ് ചിത്രമാണ് എന്നും അടിക്കുറിപ്പിൽ പാർവതി വ്യക്തമാക്കുന്നുണ്ട്.  

Also Read: ഈ സീസണിലെ ഇണക്കുരുവികൾ ഇവരോ? അനുമോൾ- പ്രവീൺ കോമ്പോ ചർച്ചയാവുന്നു: Bigg Bossmalayalam Season 7

View this post on Instagram

A post shared by PARVATHY KRISHNA (@parvathy_r_krishna)

നാലാം ക്ലാസ്സിൽ പഠിക്കുമ്പോഴാണ് ‘സൂര്യനും സൂര്യകാന്തി’യും എന്ന ടെലിഫിലിമിലൂടെ പാർവതി കൃഷ്ണ അഭിനയരംഗത്ത് എത്തുന്നത്. പിന്നീട് മ്യൂസിക് ആൽബങ്ങളിലൂടെ ശ്രദ്ധ നേടി. ‘ഏയ്ഞ്ചൽസ്’ എന്ന ചിത്രത്തിലും പാർവതി അഭിനയിച്ചിരുന്നു. ‘അമ്മമാനസം’, ‘ഈശ്വരൻ സാക്ഷി’ തുടങ്ങിയ സീരിയലുകളാണ് പാർവതിയെ കുടുംബപ്രേക്ഷകരുടെ ഇഷ്ടതാരമായി മാറ്റിയത്. ‘രാത്രിമഴ’ എന്ന സീരിയലിലും ശ്രദ്ധേയമായൊരു കഥാപാത്രത്തെ പാർവതി അവതരിപ്പിച്ചിരുന്നു. ഫഹദ് ഫാസിൽ ചിത്രം 'മാലിക്കി'ലെ പാർവതിയുടെ വേഷവും ശ്രദ്ധ നേടിയിരുന്നു.

Also Read: ആ മാസ് വരവ്; ഞാൻ മോശക്കാരനായി; പുറത്തുള്ളവർ എന്തിനാണ് അനുമോളെ പിന്തുണയ്ക്കുന്നത്?; Bigg Boss Malayalam Season 7

മുഹസിന്റെ സംവിധാനത്തിൽ ഒരുങ്ങിയ ബേസിൽ ചിത്രം 'കഠിന കഠോരമീ അണ്ഡകടാഹം' ആണ് പാർവതിയുടെ ഒടുവിൽ റിലീസ് ചെയ്ത ചിത്രം. പാർവതിയ്ക്ക് ഒപ്പം മകൻ അച്ചുവും ചിത്രത്തിൽ അഭിനയിച്ചിട്ടുണ്ട്.

മഴവിൽ മനോരമയിൽ സംപ്രേഷണം ചെയ്യുന്ന 'കിടിലം' എന്ന ഷോയുടെ അവതാരക കൂടിയാണ് പാർവതി.  പത്തനംത്തിട്ട കോന്നി സ്വദേശിയായ പാർവതിയെ വിവാഹം ചെയ്തിരിക്കുന്നത് സംഗീത സംവിധായകനായ ബാലഗോപാൽ ആണ്.

Also Read:  ബിഗ്ഗ് ബോസിൽ പോകാൻ വാങ്ങി കൂട്ടിയത് ഒരു ലക്ഷം രൂപയുടെ വസ്ത്രങ്ങൾ: ആർ ജെ ബിൻസി, Bigg Boss Malayalam Season 7