യെ ദോസ്തി… ഹം നഹീ തോഡേങ്കെ: ചാക്കോച്ചനും കുടുംബത്തിനുമൊപ്പം മഞ്ജു വാര്യരും പിഷാരടിയും, വൈറലായി ചിത്രം

മലയാള സിനിമയിലെ അഭിനേതാക്കൾ തമ്മിലുള്ള സൗഹൃദം ഏറെ കൗതുകത്തോടെയാണ് ആരാധകർ നോക്കി കാണാറുണ്ട്. അത്തരത്തിൽ വളരെ അടുത്ത സൗഹൃദം കാത്തുസൂക്ഷിക്കുന്നവരാണ് കുഞ്ചാക്കോ ബോബനും മഞ്ജു വാര്യരും രമേഷ് പിഷാരടിയും. 

ഈ ചങ്ങാതിമാരുടെ ഒന്നിച്ചുള്ള യാത്രകളും ആഘോഷങ്ങളുമൊക്കെ എപ്പോഴും ആരാധകരുടെ ശ്രദ്ധ കവരാറുണ്ട്. ചാക്കോച്ചന്റെ ഭാര്യ പ്രിയയുമായും അടുത്ത സൗഹൃദമാണ് മഞ്ജുവിനുള്ളത്. 

ഈ ചങ്ങാതിക്കൂട്ടത്തിന്റെ മനോഹരമായൊരു ചിത്രമാണ് ഇപ്പോൾ ശ്രദ്ധ നേടുന്നത്. ഒരു തടാകക്കരയിലൂടെ സ്റ്റൈലിഷായി നടന്നുവരികയാണ് ഈ ചങ്ങാതിക്കൂട്ടം. ചാക്കോച്ചൻ, പിഷാരടി, പ്രിയ, മഞ്ജുവാര്യർ എന്നിവർക്കൊപ്പം ചാക്കോച്ചൻ- പ്രിയ ദമ്പതികളുടെ മകൻ ഇസഹാഖിനെയും കാണാം. 

പതിനഞ്ചു വർഷങ്ങൾക്കു ശേഷം മഞ്ജു സിനിമാലോകത്തേക്ക് തിരിച്ചെത്തിയത് റോഷൻ ആൻഡ്രൂസ് ചിത്രം 'ഹൗ ഓർഡ് ആർയൂ'യിലൂടെയായിരുന്നു. കുഞ്ചാക്കോ ബോബനായിരുന്നു ചിത്രത്തിൽ മഞ്ജുവിന്റെ ഭർത്താവായി വേഷമിട്ടത്. പിന്നീട് 'വേട്ട' എന്ന ചിത്രത്തിലൂടെ ഇരുവരും ഒന്നിച്ചഭിനയിച്ചിരുന്നു.

ചാക്കോച്ചനും കുടുംബത്തിനും രമേഷ് പിഷാരടിയ്ക്കുമൊപ്പം കഴിഞ്ഞ വർഷം ഒരു ഇറ്റലിയാത്രയും മഞ്ജു നടത്തിയിരുന്നു. 

Read More Entertainment Stories Here

• ഷൂട്ടിങിനിടെ നടി പ്രിയങ്ക ചോപ്രയ്ക്ക് പരിക്ക്
• തോൽവിയിൽ കണ്ണീരണിഞ്ഞ് ഷാരൂഖ് ഖാൻ; പക്ഷെ സഞ്ചുവിന്റെ ടീമിനെ കണ്ടപ്പോൾ...
• എന്റെ കുട്ടികൾക്ക് കാണിച്ചു കൊടുക്കാൻ പൃഥ്വിയേക്കാൾ മികച്ച എക്സാമ്പിളില്ല: പൂർണ്ണിമ ഇന്ദ്രജിത്ത്
• പ്രണവിന്റെ അമ്മ സുചിത്രയും ഞാനും കസിൻസാണ്, പക്ഷെ അവന് അറിയില്ലായിരുന്നു: വൈ.ജി. മഹേന്ദ്രൻ