ബജറ്റ് 8 കോടി, നേടിയത് 26 കോടി; സർപ്രൈസ് ഹിറ്റായി മാറിയ ആ ചിത്രം ഒടിടിയിലേക്ക്

Kudumbasthan OTT Release Date & Platform: ഹിറ്റാവാൻ യോഗമുള്ള സിനിമകൾ ഹിറ്റാവുക തന്നെ ചെയ്യും. അതിനു വമ്പൻ പ്രമോഷനോ സൂപ്പർസ്റ്റാറുകളുടെ സാന്നിധ്യമോ ഒന്നും വേണ്ട. അത്തരത്തിൽ സമീപകാലത്ത് ഹിറ്റായി മാറിയൊരു ചിത്രമാണ് കുടുംബസ്ഥൻ. എട്ടു കോടി മുതൽമുടക്കിൽ നിർമ്മിച്ച ചിത്രം ബോക്സ് ഓഫീസിൽ നിന്നും 25.93 കോടിയാണ് നേടിയത്. സർപ്രൈസ് ഹിറ്റായി മാറിയ ആ ചിത്രം ഇപ്പോൾ ഒടിടിയിലേക്കും എത്തുകയാണ്.

'ജയ് ഭീം' എന്ന ചിത്രത്തിലൂടെ ശ്രദ്ധേയനായ മണികണ്ഠൻ ആണ് കുടുംബസ്ഥനിലെ നായകൻ. നവീൻ എന്ന കഥാപാത്രത്തെയാണ് മണികണ്ഠൻ അവതരിപ്പിക്കുന്നത്. നവീന്റെയും വെണ്ണിലയുടെയും ജീവിതയാത്രയും അവർ നേരിടുന്ന വെല്ലുവിളികളുമാണ് ചിത്രം പറയുന്നത്. 

മണികണ്ഠനൊപ്പം സാൻവി മേഘ്ന, ഗുരു സോമസുന്ദരം, ആർ. സുന്ദർരാജൻ, പ്രസന്ന ബാലചന്ദ്രൻ എന്നിവരാണ് ചിത്രത്തിലെ മറ്റു പ്രധാന അഭിനേതാക്കൾ. ജനുവരി 24നാണ് ചിത്രം തിയേറ്ററുകളിലെത്തിയത്. 

രാജേശ്വര് കാളിസാമി സംവിധാനം ചെയ്ത 'കുടുംബസ്ഥനിൽ'  വൈശാഖ് സംഗീതസംവിധാനവും സുജിത്ത് എൻ. സുബ്രഹ്മണ്യൻ ഛായാഗ്രഹണവും നിർവ്വഹിക്കുന്നു.  

സീ5 (ZEE5) ഒടിടി പ്ലാറ്റ്ഫോമിൽ മാർച്ച് 7 മുതൽ ചിത്രം സ്ട്രീമിങ് ആരംഭിക്കും.