കൊടുംകാട്ടിൽ മദയാന അലയും പോലെ, 'എന്നാ നടിപ്പ് ടാ'; മമ്മൂട്ടിയുടെ പോറ്റിയെ പുകഴ്ത്തി തമിഴർ

ഇതുവരെ കാണാത്തൊരു മമ്മൂട്ടിയെ കണ്ട അമ്പരപ്പിലും ആവേശത്തിലുമാണ് മലയാളി പ്രേക്ഷകർ. കൊടുമൺ പോറ്റി എന്ന കഥാപാത്രമായി സമാനതകളില്ലാത്ത അഭിനയമാണ് മമ്മൂട്ടി കാഴ്ച വച്ചിരിക്കുന്നത്. മലയാളത്തിൽ നിന്നുമാത്രമല്ല, തമിഴ്നാട്ടിൽ നിന്നും നിരവധിയേറെ പേരാണ് മമ്മൂട്ടിയുടെ ഭ്രമയുഗം പെർഫോമൻസിനെ പ്രശംസിച്ചുകൊണ്ട് രംഗത്തെത്തിയിരിക്കുന്നത്.

കൊടുംകാട്ടിൽ മദയാന അലയുന്ന പോലുള്ള പ്രകടനമാണ് മമ്മൂട്ടി കാഴ്ച വയ്ക്കുന്നത് എന്നാണ് വെയില്‍, അങ്ങാടി തെരു, കാവ്യ തലൈവന്‍, അനീതി തുടങ്ങിയ തമിഴ് ചിത്രങ്ങളുടെ സംവിധായകനായ വസന്ത ബാലൻ വിശേഷിപ്പിക്കുന്നത്. "ബിഗ് സ്ക്രീനിലെ മമ്മൂട്ടിയുടെ ശരീരഭാഷയും ശബ്ദവും.. അപ്പാ, കൊടുംകാട്ടില്‍ ഒരു മദയാന അലയുംപോലെ. ഒരു വീട്, മൂന്ന് കഥാപാത്രങ്ങള്‍, ആ സംഗീതം. ആഴത്തിലുള്ള കാഴ്ചാനുഭവം," എന്നാണ് ഫേസ്ബുക്ക് കുറിപ്പിൽ വസന്തബാലന്‍ കുറിച്ചത്. 

"ഭ്രമയുഗത്തിൽ ദൈവിക നിലവാരം പുറത്തുന്ന ടെറിഫിക് പെർഫോമൻസ് കാഴ്ച വച്ച് മമ്മൂട്ടി. ഒരു നടന് എങ്ങനെ തൻ്റെ കരിയറിൽ ഇത്രയധികം തവണ ഉയരാൻ കഴിയും? ഈ പ്രതിഭയുടെ വൈദഗ്ധ്യത്തിനടുത്തെത്താൻ പോലും കഴിയുന്ന ഒരു നടൻ ഇപ്പോൾ ഇന്ത്യയിൽ ഉണ്ടെന്ന് കരുതരുത്. ഒരു ലൈഫ്ടൈം പ്രകടനം," എന്നാണ് ഒരു തമിഴ് പ്രേക്ഷകൻ കുറിക്കുന്നത്.

.@mammukka is god level terrific in #Bramayugam🙏 How can an actor peak so many times in his career? Don’t think there’s any actor in india at the moment who can even come close to the versatility of this genius. Performance of a lifetime 🔥 pic.twitter.com/6P7L4PlOiI

— Haricharan Pudipeddi (@pudiharicharan) February 15, 2024

ഇത്തരത്തിലുള്ള നിരവധി പ്രതികരണങ്ങൾ തമിഴ്‌നാട്ടിൽ നിന്നും മമ്മൂട്ടിയെ തേടിയെത്തുന്നുണ്ട്. 'എന്നാ നടിപ്പ് ടാ' എന്നാണ് ആരാധകർ അത്ഭുതത്തോടെ പറയുന്നത്.

ഭ്രമയുഗം എന്ന ഹാഷ് ടാഗ്  ട്വിറ്ററിലും ട്രെൻഡിംഗായിരിക്കുകയാണ്. 35,000 ല്‍ അധികം പോസ്റ്റുകളാണ് ഭ്രമയുഗവുമായി ബന്ധപ്പെട്ട് ട്വിറ്ററിൽ കണ്ടെത്താനാവുക. ലിംഗുസാമി, സെല്‍വരാഘവന്‍ എന്നിവരും മമ്മൂട്ടിയുടെ ഭ്രമയുഗം പ്രകടനത്തെ വാനോളം പുകഴ്ത്തി രംഗത്തെത്തിയിരുന്നു.

രാഹുൽ സദാശിവൻ ആണ് ഭ്രമയുഗത്തിന്റെ സംവിധായകൻ. അർജുൻ അശോകൻ, സിദ്ധാർത്ഥ് ഭരതൻ, അമൽഡ ലിസ്, മണികണ്ഠൻ ആചാരി എന്നിവരും ചിത്രത്തിലുണ്ട്. മമ്മൂട്ടിയ്ക്ക് ഒപ്പം തന്നെ മികച്ച നിരൂപക പ്രശംസ നേടുന്നുണ്ട് അർജുൻ അശോകന്റെയും സിദ്ധാർത്ഥ് ഭരതന്റെയും പ്രകടനങ്ങളും.

Read More Entertainment Stories Here

• ആ സമയത്ത് സണ്ണി ലിയോൺ ആരെന്ന് എനിക്കറിയില്ലായിരുന്നു: നിഷാന്ത് സാഗർ
• മലയാള സിനിമയിൽ എത്ര പാർവ്വതിമാരുണ്ട് എന്നറിയാമോ? ഞങ്ങളുടെ കണക്കിൽ പത്ത് പേരുണ്ട്
• ശ്രീദേവിയോട് 'യെസ്' പറയിപ്പിക്കാൻ ബച്ചൻ ഇറക്കിയത് ഒരു ട്രക്ക് നിറയെ റോസാപൂക്കൾ
• ആ ചുംബന രംഗം ചിത്രീകരിക്കുമ്പോൾ കരിഷ്മയുടെ അമ്മ 3 ദിവസവും ലൊക്കേഷനിലുണ്ടായിരുന്നു: രാജാ ഹിന്ദുസ്ഥാനി സംവിധായകൻ പറയുന്നു
• എന്തെല്ലാം തരത്തിലുള്ള ചിരികളാ, ഇതൊക്കെ എങ്ങനെ സാധിക്കുന്നു; വൈറലായി വീഡിയോ
• മക്കളെ കാണാൻ അനുവദിക്കുന്നില്ല, മാനസികമായി പീഡിപ്പിക്കുന്നു: ഭാര്യയ്ക്ക് എതിരെ പൊലീസിൽ പരാതി നൽകി നിതീഷ് ഭരദ്വാജ്