എന്നും എപ്പോഴും ആന്റണിയും കീർത്തിയും; ഒടുവിൽ പ്രണയം വെളിപ്പെടുത്തി നടി

ഡിസംബർ 11ന് ഗോവയിൽ വച്ച് നടി കീർത്തി സുരേഷും  ദീർഘകാലസുഹൃത്തും വിവാഹിതയാവുന്നു എന്ന റിപ്പോർട്ടുകൾ സജീവമാണ്. തന്റെ പ്രണയത്തെ കുറിച്ചോ വിവാഹത്തെ കുറിച്ചോ ഇതുവരെ കീർത്തി സുരേഷ് പരസ്യമായി പ്രതികരിച്ചിരുന്നില്ല. എന്നാൽ ഇപ്പോൾ ഇൻസ്റ്റഗ്രാം പോസ്റ്റിലൂടെ തന്റെ പ്രണയിതാവിനെ പരിചയപ്പെടുത്തിയിരിക്കുകയാണ് കീർത്തി. 

15 വര്‍ഷമായി തുടരുന്ന ബന്ധമാണ് ഇതെന്നാണ് കീർത്തി വ്യക്തമാക്കുന്നത്. ആന്റണിയാണ് പ്രണയിതാവ് എന്ന കാര്യവും കീർത്തി വ്യക്തമാക്കുന്നുണ്ട്. 

View this post on Instagram

A post shared by Keerthy Suresh (@keerthysureshofficial)

ദീര്‍ഘകാല സുഹൃത്തായ ആന്റണി തട്ടിലാണ് കീർത്തിയുടെ വരൻ. ദുബായ് കേന്ദ്രീകരിച്ചുള്ള ബിസിനസ്സുകാരനാണ് ആന്റണി തട്ടില്‍.

ഡിസംബര്‍ 11,12 തീയതികളില്‍ ഗോവയില്‍വെച്ച് വളരെ സ്വകാര്യമായ ചടങ്ങിലാവും വിവാഹം നടക്കുക. വിവാഹ ആഘോഷങ്ങൾ ഡിസംബർ 09 മുതൽ ആരംഭിക്കും, മൂന്ന് ദിവസത്തെ ആഘോഷമായിരിക്കും.   ദളപതി വിജയ്, ചിരഞ്ജീവി, വരുൺ ധവാൻ, ശിവകാർത്തികേയൻ, അറ്റ്‌ലി, നാനി തുടങ്ങിയ താരങ്ങൾ കീർത്തിയുടെ വിവാഹത്തിനായി എത്തിച്ചേരുമെന്നും റിപ്പോർട്ടുകളുണ്ട്. 

അതേസമയം, കീർത്തിയുടെ ബോളിവുഡ് ചിത്രം റിലീസിനൊരുങ്ങുകയാണ്. ബേബി ജോൺ എന്നു പേരിട്ട ചിത്രം വിജയുടെ തെരിയുടെ റീമേക്കാണ്. വരുണ്‍ ധവാനാണ് നായകൻ. വാമിഖ ഗബ്ബി, ജാക്കി ഷ്രോഫ്, സാക്കിര്‍ ഹുസൈൻ, രാജ്‍പാല്‍ യാദവ്, സാന്യ മല്‍ഹോത്ര എന്നിവരും ചിത്രത്തിലുണ്ട്. 

Read More

• ശബ്ദം പോര, 'മാർക്കോ'യിൽ നിന്ന് ഡബ്സി പുറത്ത്; പകരം വന്നത് 'കെജിഎഫ്' ഗായകൻ
• 'ജീവിതത്തോളം വിശ്വസിക്കുന്നു, അത്രമാത്രം സ്നേഹിക്കുന്നു;' എ.ആർ റഹ്മാനെതിരായ വ്യാജ പ്രചാരണങ്ങൾ അവസാനിപ്പിക്കണമെന്ന് സൈറ ബാനു
• അപകീർത്തിപരമായ പ്രചാരണം; നിയമനടപടിയുമായി എആർ റഹ്മാൻ
• രാജ് ബി ഷെട്ടിക്കൊപ്പം അപർണ്ണ ബാലമുരളി; നിഗൂഢത നിറയുന്ന 'രുധിരം;' ടീസർ
• എ ആർ റഹ്മാനുമായി എന്തു ബന്ധം?; ഗോസിപ്പുകളോട് പ്രതികരിച്ച് മോഹിനി
• ബജറ്റ് 35 കോടി, ആകെ നേടിയത് 2 കോടി മാത്രം; ഒരു വർഷത്തിനിപ്പുറം ആ ദിലീപ് ചിത്രം ഒടിടിയിലേക്ക്