പൂർണ ശക്തനായി തിരിച്ചെത്തും; സന്തോഷ വാർത്തയുമായി കന്നഡ നടൻ ശിവരാജ്കുമാർ

ആരാധകരുമായി സന്തോഷ വാർത്ത പങ്കിട്ട് കന്നഡ നടൻ ശിവരാജ്കുമാർ. യുഎസിലെ ചികിത്സയ്ക്ക് ശേഷം താൻ കാൻസർ വിമുക്തനായെന്ന് പുതുവത്സര സന്ദേശത്തിൽ താരം വെളിപ്പെടുത്തി.

ഫ്ലോറിഡയിൽവച്ചു നടന്ന ശസ്ത്രക്രിയയ്ക്ക് ശേഷമുള്ള വൈകാരിക യാത്രകളെ കുറിച്ചും ശിവരാജ്കുമാർ മനസ്സ് തുറന്നു. പുതുവത്സരാശംസ നേർന്നുകൊണ്ട് സോഷ്യൽ മീഡിയയിൽ പങ്കിട്ട വീഡിയോയിലാണ് 62 കാരനായ താരം, കാൻസറിനോടുള്ള തൻ്റെ പോരാട്ടത്തിൽ പിന്തുണ നൽകിയ ആരാധകർക്കും കുടുംബാംഗങ്ങൾക്കും മെഡിക്കൽ ടീമിനും നന്ദി പറഞ്ഞത്. 

കഴിഞ്ഞ ഡിസംബറിൽ മിയാമി കാൻസർ ഇൻസ്റ്റിറ്റ്യൂട്ടിൽവച്ചായിരുന്നു ശിവരാജ്കുമാർ മൂത്രാശയ അർബുദത്തിന് ശസ്ത്രക്രിയയ്ക്ക് വിധേയനായത്. 'ഞാൻ നേരത്തെ ഒത്തിരി ഭയപ്പെട്ടിരുന്നു. പക്ഷേ എന്റെ ആരാധകരും ബന്ധുക്കളും സഹപ്രവർത്തകരും ഡോക്ടർമാരും, പ്രത്യേകിച്ച് എന്നെ ചികിത്സിച്ച ഡോ. ശശിധറും നഴ്സുമാരും എന്നെ ശക്തനാക്കി,' അദ്ദേഹം പറഞ്ഞു.

ನಿಮ್ಮೆಲ್ಲರ ಪ್ರೀತಿ, ಆಶೀರ್ವಾದಕ್ಕೆ ನಾನು ಚಿರಋಣಿ
ಹೊಸ ವರ್ಷದ ಹಾರ್ದಿಕ ಶುಭಾಶಯಗಳು! #2025 pic.twitter.com/4oyg2uXfjg

— DrShivaRajkumar (@NimmaShivanna) January 1, 2025

'ഞാൻ കീമോതെറാപ്പി ചെയ്തു. സത്യസന്ധമായി പറഞ്ഞാൽ അതൊക്കെ ഞാൻ എങ്ങനെ കൈകാര്യം ചെയ്തുവെന്ന് എനിക്കറിയില്ല. അവസാനം മിയാമിയിൽ ചികിത്സയ്‌ക്ക് പോകാനൊരുങ്ങിയപ്പോഴും ഭയമായിരുന്നു. എൻ്റെ സുഹൃത്തുക്കളും കുടുംബാംഗങ്ങളും പ്രിയപ്പെട്ടവരും എൻ്റെ അരികിലുണ്ടായിരുന്നു.' ചികിത്സയ്‌ക്കിടെ തന്നോടൊപ്പം നിന്നവർക്കും ഒപ്പമുണ്ടായിരുന്ന ഭാര്യ ഗീതയ്‌ക്കും അദ്ദേഹം നന്ദി പറഞ്ഞു. പൂർണ ശക്തനായി തിരിച്ചുവരുമെന്നും ശിവരാജ്കുമാർ കൂട്ടിച്ചേർത്തു.

Read More

• നയൻതാര വന്നത് അവസാന നിമിഷം; ആ രജനീകാന്ത് ചിത്രത്തിൽ അഭിനയിക്കേണ്ടിയിരുന്നില്ലെന്ന് ഖുശ്ബു
• എന്തിനാണ് സിനിമകളിൽ ഇത്രയും വയലൻസ്?
• എൻ്റെ സ്വപ്നങ്ങളാണ് പ്രണവ് സാക്ഷാത്കരിക്കുന്നത്: മോഹൻലാൽ
• ആരായിരുന്നു ഞങ്ങൾക്ക് എംടി? അവർ പറയുന്നു
• അന്നാണ് റാണ ആദ്യമായി വീട്ടിൽ വന്നത്, ഉമ്മച്ചിയ്ക്ക് ആളെ ഒരുപാട് ഇഷ്ടമായി; ദുൽഖർ
• വിവാഹം, ഡിവോഴ്സ്; വീണ്ടും രഞ്ജിത്തിനെ ജീവിതത്തിലേക്ക് കൂടെ കൂട്ടി പ്രിയാരാമൻ