തുടക്കത്തിലെ ആവേശം നിലനിർത്താനായില്ല: 'കൽക്കി 2898 എ.ഡി' രണ്ടാം ദിനം ബോക്സ് ഓഫീസിൽ നേടിയത്

Kalki 2898 AD box office collection: ഈ വർഷത്തെ ഏറ്റവും ഉയർന്ന ആദ്യദിന ബോക്സ് ഓഫീസ് കളക്ഷനാണ് പ്രഭാസ് നായകനായ 'കൽക്കി 2898 എ.ഡി' സ്വന്തമാക്കിയിരിക്കുന്നത്. പ്രേക്ഷകർ ഏറെ പ്രതീക്ഷയോടെ കാത്തിരുന്ന ചിത്രം ബോക്സ് ഓഫീസ് റെക്കോർഡുകൾ തകർക്കുമെന്ന് ആരാധകർ ഉറപ്പിച്ചിരുന്നു. ഇപ്പോഴിതാ പ്രതീക്ഷകളോട് നീതി പുലർത്തുന്ന പ്രകടനമാണ് ചിത്രം കാഴ്ചവയ്ക്കുന്നത്. മികച്ച പ്രതികരണമാണ് ലോകമെമ്പാടുമുള്ള റിലീസ് കേന്ദ്രങ്ങളിൽ ചിത്രം നേടുന്നത്. 

എന്നാൽ, ആദ്യദിന കളക്ഷനുമായി താരതമ്യം ചെയ്യുമ്പോൾ, 43 ശതമാനം ഉടിവാണ് ചിത്രത്തിന്റെ രണ്ടാംദിന കളക്ഷനുണ്ടായത്. ആദ്യ ദിനം ഇന്ത്യയിൽ നിന്ന് മാത്രം 95.3 കോടി രൂപ നേടിയ സ്ഥാനത്ത്, രണ്ടാം ദിനം 54 കോടി രൂപ മാത്രമാണ് ചിത്രം നേടിയത്. ചിത്രത്തിന്റെ തെലുങ്ക് പതിപ്പിലാണ് ഏറ്റവും കൂടുതൽ ഇടിവ് സംഭവിച്ചത്. ആദ്യ ദിനം തെലുങ്ക് പതിപ്പ് 65.8 കോടി രൂപ നേടിയപ്പോൾ രണ്ടാം ദിനം 25.65 കോടി രൂപയാണ് നേടിയത്. 

മലയാളത്തിൽ ആദ്യ ദിനം 2.2 കോടി രൂപയും രണ്ടാം ദിനം 2 കോടി രൂപയുമായി ചിത്രം 4.4 കോടി രൂപ ആകെ നേടി. കൽക്കി 2898 എഡി ഇതുവരെ ഇന്ത്യയിൽ നിന്ന് 149.3 കോടി രൂപയാണ് ആകെ നേടിയത്. 

180 കോടി രൂപയാണ് കൽക്കി ആദ്യ ദിനം വേൾഡ് വൈഡ് ബോക്സ് ഓഫീസ് കളക്ഷനായി നേടിയത്. ഇന്ത്യയിൽ ആദ്യ ദിനം ഏറ്റവും കൂടുതൽ കളക്ഷൻ നേടുന്ന മൂന്നാമത്തെ ചിത്രമാണ് കൽക്കി 2898 എഡി. കെജിഎഫ് ചാപ്റ്റർ 2-ൻ്റെ ആദ്യ ദിന കളക്ഷനായ 159 കോടി മറികടന്നാണ് കൽക്കിയുടെ നേട്ടം. എസ്എസ് രാജമൗലി സംവിധാനം ചെയ്ത 'ആർആർആർ' (223), 'ബാഹുബലി 2' (217), എന്നീ ചിത്രങ്ങളാണ് ആദ്യ രണ്ട് സ്ഥാനങ്ങളിൽ.

നാഗ് അശ്വിന്റെ സംവിധാനത്തിലൊരുങ്ങിയ ചിത്രത്തിൽ, പ്രഭാസിനെ കൂടാതെ, അമിതാഭ് ബച്ചൻ, ദീപിക പദുക്കോൺ, കമൽഹാസൻ, ശോഭന തുടങ്ങിയ വൻ താരനിരയാണ് അണിനിരക്കുന്നത്. ദുൽഖർ സൽമാൻ, വിജയ് ദേവരകൊണ്ട, എസ്എസ് രാജമൗലി എന്നിവർ അതിഥി വേഷങ്ങളിലും ചിത്രത്തിലെത്തുന്നുണ്ട്.

റിലീസായ ഭാഷകളിലെല്ലാം മികച്ച പ്രതികരണം നേടുന്ന കൽക്കി, വരും ദിവസങ്ങളിൽ കാര്യമായ നേട്ടമുണ്ടാക്കുമെന്നാണ് പ്രതീക്ഷിക്കുന്നത്. ആദ്യ വാരം ചിത്രം 500 കോടി കളക്ഷൻ നേടുമെന്നാണ് ആരാധകരുടെ പ്രതീക്ഷ.

Read More

• 332 കോടി രൂപയുടെ ആസ്തി, 100 കോടിയുടെ ബംഗ്ലാവ്, നൂറുകണക്കിന് കാഞ്ചീവരം സാരികൾ, ലക്ഷ്വറി വാഹനങ്ങൾ: റാണിയെ പോലെ രേഖയുടെ ലക്ഷ്വറി ജീവിതം
• കണ്ണാടിച്ചില്ലൊത്ത പെണ്ണാളല്ലേ; മീരയുടെ മെഹന്ദി ആഘോഷമാക്കി നസ്രിയയും ആനും സ്രിന്റയും
• രണ്ടു ഭാര്യമാർക്കൊപ്പം ബിഗ് ബോസിൽ മത്സരിക്കാനെത്തിയ മത്സരാർത്ഥി; എല്ലാ കണ്ണുകളും അർമാനിലേക്ക്
• സൽമാന്റെ ഒക്കത്തിരിക്കുന്ന ഈ കുട്ടിയാണ് സോനാക്ഷിയുടെ വരൻ; കൗതുകമുണർത്തി ത്രോബാക്ക് ചിത്രം
• വീടിന്റെ പേര് രാമായണം, രാമനും ശത്രുഘ്നനും മുതൽ ലവ കുശന്മാർ വരെ വീട്ടിലുണ്ട്: സൊനാക്ഷി സിൻഹ
• ചേച്ചി ഏതു പാട്ടിനു ഡാൻസ് ചെയ്താലും ഞങ്ങൾക്ക് മനസ്സിൽ ഈ പാട്ടേ വരൂ; ശോഭനയോട് ആരാധകർ