സുജാതയ്ക്ക് പിന്നാലെ ശ്വേത മോഹനും കലൈമാമണി പുരസ്കാരം

മലയാളത്തിന്‍റെ പ്രിയപ്പെട്ട ഗായിക ശ്വേത മോഹന് കലൈമാമണി പുരസ്കാരം. കലാ, സാഹിത്യ രംഗത്തെ മികവിന് തമിഴ്നാട് ഇയൽ ഇസൈ നാടക മൺട്രം നൽകി വരുന്ന ഏറ്റവും  പരമോന്നത സിവിലിയൻ ബഹുമതിയാണിത്. മുൻപ് ശ്വേതയുടെ അമ്മയും ഗായികയുമായ സുജാത മോഹനും കലൈമാമണി പുരസ്കാരം നേടിയിരുന്നു.   

Also Read: കാപ്പി കുടിക്കാനായി മാത്രം 6 മണിക്കൂർ യാത്ര ചെയ്ത് ആഗ്രയിൽ പോവും; ഭക്ഷണപ്രേമത്തെ കുറിച്ച് ബിഗ് ബോസ് താരം: Bigg Boss

നടി സായ് പല്ലവി, എസ്.ജെ. സൂര്യ, കെ. മണികണ്ഠൻ, വിക്രം പ്രഭു തുടങ്ങിയവരും പുരസ്കാര ജേതാക്കളുടെ പട്ടികയിൽ ഉണ്ട്.  ദി ഹിന്ദുവിന്റെ റിപ്പോർട്ടുകൾ പ്രകാരം, സംഗീത സംവിധായകൻ അനിരുദ്ധ് രവിചന്ദർ, ചലച്ചിത്രകാരൻ എൻ. ലിംഗുസാമി, കലാസംവിധായകൻ ജെ.കെ. എന്നറിയപ്പെടുന്ന എം. ജയകുമാർ, സ്റ്റണ്ട് മാസ്റ്റർ ‘സൂപ്പർ’ സുബ്ബരായൻ എന്നിവരും വിജയികളുടെ പട്ടികയിൽ ഇടം നേടിയിട്ടുണ്ട്. കൂടാതെ, പിന്നണി ഗായിക ശ്വേത മോഹൻ, നൃത്തസംവിധായകൻ ‘സാൻഡി’ എന്നറിയപ്പെടുന്ന എ. സന്തോഷ് കുമാർ എന്നിവരും പുരസ്കാര ജേതാക്കളുടെ ലിസ്റ്റിൽ ഇടം നേടിയിട്ടുണ്ട്. 

Also Read: ഈ ആഴ്ച ഒടിടിയിലേക്ക് എത്തുന്ന 7 മലയാള ചിത്രങ്ങൾ

2021, 2022, 2023 വർഷങ്ങളിലെ പുരസ്കാരങ്ങളാണ് ഇപ്പോൾ പ്രഖ്യാപിച്ചിരിക്കുന്നത്. 

2021ലെ വിജയികൾ

സായി പല്ലവി (നടി)
എസ്.ജെ. സൂര്യ (നടൻ)
ലിംഗുസാമി (സംവിധായകൻ)
സ്റ്റണ്ട് സുബ്ബരായൻ (ആക്ഷൻ കൊറിയോഗ്രാഫർ)

2022ലെ വിജയികൾ

വിക്രം പ്രഭു (നടൻ)
ജയ ഗുഹനാഥൻ (നടി)
വിവേക് (ഗാനരചയിതാവ്)
ഡയമണ്ട് ബാബു (പിആർഒ കൺസൾട്ടന്റ്)
ടി. ലക്ഷ്മികാന്തൻ (ഫോട്ടോഗ്രാഫർ)

Also Read: റാണിയുടെ മുടി ശരിയാക്കി, സാരിത്തുമ്പ് ഉയർത്തി പിടിച്ച് ഷാരൂഖ്; റിയൽ ജെന്റിൽമാൻ എന്ന് ആരാധകർ

2023ലെ വിജയികൾ

അനിരുദ്ധ് രവിചന്ദർ (സംഗീതസംവിധായകൻ)
ശ്വേത മോഹൻ (ഗായിക)
കെ. മണികണ്ഠൻ (നടൻ)
ജോർജ് മരിയൻ (നടൻ)

തമിഴ്‌നാട് സർക്കാർ, കലാസംസ്കാര വകുപ്പിന്റെ ഭാഗമായ ‘തമിഴ്‌നാട് ഇയൽ ഇസൈ നാടക മണ്ഡ്രം’ (സാഹിത്യം, സംഗീതം, നാടകം) ആണ് ഈ പുരസ്കാരങ്ങൾ  നൽകുന്നത്.  കലൈമാമണി  അവാർഡുകൾ ഒക്ടോബറിൽ തമിഴ്‌നാട് മുഖ്യമന്ത്രി എം.കെ. സ്റ്റാലിൻ അധ്യക്ഷത വഹിക്കുന്ന ഔദ്യോഗിക ചടങ്ങിൽ വിതരണം ചെയ്യും.

Also Read: പുകവലിക്കരുത്, മദ്യപിക്കരുത്, നോൺ വെജ് കഴിക്കരുത്; കാന്താര കാണാൻ നിർദ്ദേശങ്ങൾ, വൈറലായി പോസ്റ്റ്