നടൻ മാത്രമല്ല, നല്ലൊരു ഗായകനും; പാട്ടിലൂടെ നവാസ് വിസ്മയിപ്പിച്ചപ്പോൾ, വീഡിയോ

കലാഭവൻ നവാസിന് വേദനയോടെ വിട നൽകുകയാണ് കലാകേരളം. വെള്ളിയാഴ്ച രാത്രിയാണ് നവാസിനെ ചോറ്റാനിക്കരയിലെ ഹോട്ടൽ മുറിയിൽ മരിച്ച നിലയിൽ കണ്ടെത്തിയത്. ഹൃദയാഘാതമാണെന്നാണ് പ്രാഥമിക നിഗമനം. 51 വയസ്സുകാരനായ നവാസിന്റെ അപ്രതീക്ഷിത വിയോഗത്തിന്റെ നടുക്കത്തിലാണ് സഹപ്രവർത്തകരും സിനിമാപ്രേക്ഷകരും. 

ചലച്ചിത്ര നടൻ അബൂബക്കറിന്റെ മകനായ നവാസ് മിമിക്രി വേദിയിൽ നിന്നുമാണ് സിനിമയിലേക്ക് എത്തിയത്. മിമിക്രിയിലും അഭിനയത്തിലും മാത്രമല്ല, പാട്ടിലും പ്രതിഭ ഉണ്ടായിരുന്നയാളാണ് നവാസ്. പല വേദികളിലും നവാസിന്റെ ഗാനാലാപനം പ്രേക്ഷകർ കേട്ടിട്ടുണ്ട്.

Also Read: എപ്പോഴും പുഞ്ചിരിക്കുന്ന മുഖവുമായാണ് നവാസിനെ കാണാറുള്ളത്; പ്രിയ സഹോദരന് ആദരാഞ്ജലി: മോഹൻലാൽ

കഴിഞ്ഞ വർഷം, കോമഡി സ്റ്റാർ ഫെസ്റ്റിവലിൽ കലാഭവൻ ഷാജോൺ, നാദിർഷ, കലാഭവൻ പ്രജോദ്, ബിബിൻ ജോർജ്, ബൈജു ജോസ്, ബിനു അടിമാലി  എന്നിവർക്കൊപ്പം വേദിയിലെത്തി പാട്ടുപാടി  നവാസ് വിസ്മയിപ്പിച്ചിരുന്നു.

View this post on Instagram

A post shared by Asianet (@asianet)

'അനുഭവം' എന്ന ചിത്രത്തിലെ 'വാകപ്പൂ മരം ചൂടും വാരിളം പൂങ്കുലക്കുള്ളിൽ വാടകയ്ക്കൊരു മുറിയെടുത്തു വടക്കൻ തെന്നൽ...' എന്ന ഗാനം പാടിയാണ് നവാസ് വേദിയിലെ കയ്യിലെടുത്തത്. 

Also Read: ഇത് നവാസാണോ! ഏവരെയും അമ്പരപ്പിച്ച അവസാന വേഷം

ചൈതന്യം ആയിരുന്നു കലാഭവൻ നവാസിന്റെ ആദ്യ ചിത്രം. മീനാക്ഷി കല്യാണം, മാട്ടുപ്പെട്ടി മച്ചാൻ, ചന്ദാമാമ, മൈ ഡിയർ കരടി,  ജൂനിയർ മാൻഡ്രേക്ക്, അമ്മ അമ്മായിയമ്മ, വൺമാൻ ഷോ, വെട്ടം, ചട്ടമ്പിനാട്, കോബ്ര, എബിസിഡി, മൈലാഞ്ചി മൊഞ്ചുള്ള വീട്, മേരാ നാം ഷാജി തുടങ്ങി നിരവധി ചിത്രങ്ങളി. നവാസ് അഭിനയിച്ചു. ഡിറ്റക്റ്റീവ് ഉജ്ജ്വലൻ എന്ന ചിത്രമാണ് അവസാനം തിയേറ്ററുകളിലെത്തിയ ചിത്രം. 

Also Read: നവാസേ, എന്തൊരു പോക്കാണിത്, താങ്ങാനാവുന്നില്ല: വേദനയോടെ സിനിമാലോകം

നടി രഹ്ന നവാസ് ആണ് നവാസിന്റെ ഭാര്യ. 2002ലായിരുന്നു ഇരുവരുടെയും വിവാഹം. പ്രണയവിവാഹമായിരുന്നു. അഭിനയത്തിൽ നിന്നും വിട്ടുനിൽക്കുകയായിരുന്ന രഹ്ന അടുത്തിടെ കലാഭവൻ നവാസ് പ്രധാന വേഷം ചെയ്ത ഇഴ എന്ന ചിത്രത്തിൽ അഭിനയിച്ചിരുന്നു.  നവാസിന്റെ ഭാര്യയായിട്ടാണ് രഹ്ന ഇഴയിൽ അഭിനയിച്ചത്.  നഹറിൻ, റിദ്‍വാൻ, റിഹാൻ എന്നിവരാണ് മക്കൾ. നഹറിൻ നവാസും അഭിനയത്തിൽ അരങ്ങേറ്റം കുറിച്ചിരുന്നു. കൺഫഷൻസ് ഓഫ് എ കുക്കു എന്ന ചിത്രത്തിലാണ് നഹറിൻ പ്രധാന വേഷത്തിലെത്തിയത്. 

Also Read: ഞാനാകെ അഭിനയിച്ചത് 9 പടം, ഏഴിലും മുരളി അങ്കിളായിരുന്നു അച്ഛൻ: രഹ്ന