ഞാൻ ചെയ്തില്ലെങ്കിൽ ഈ സിനിമ തന്നെ വിടും; 'ബോഗയ്ന്‍വില്ല'യിലേക്ക് എത്തിയതിനെക്കുറിച്ച് ജ്യോതിർമയി

സിനിമാ പ്രേക്ഷകർക്ക് ഏറെ പ്രതീക്ഷ സമ്മാനിക്കുന്ന സംവിധായകരിൽ ഒരാളാണ് അമൽ നീരദ്. അതിനാൽ തന്നെ അമൽ നീരദിന്റെ ഓരോ ചിത്രങ്ങളെയും ആകാംക്ഷയോടെയാണ് സിനിമാപ്രേമികൾ ഉറ്റുനോക്കുന്നത്. ഫഹദ് ഫാസില്‍, കുഞ്ചാക്കോ ബോബന്‍, ജ്യോതിര്‍മയി എന്നിവരെ കേന്ദ്രകഥാപാത്രങ്ങളാക്കി അമല്‍ നീരദ് സംവിധാനം ചെയ്യുന്ന പുതിയ ചിത്രമാണ് 'ബോഗയ്ന്‍വില്ല'.

ഏറെ വർഷങ്ങൾക്കുശേഷം ജ്യോതിർമയി അഭിനയിക്കുന്നതെന്ന പ്രത്യേകതയും ബോഗയ്ൻവില്ലയ്ക്കുണ്ട്. അമലിന്റെ നിർബന്ധം കൊണ്ടാണ് സിനിമയിൽ അഭിനയിച്ചതെന്ന് പറയുകയാണ് ജ്യോതിർമയി. ''ഈ കഥാപാത്രം ഞാൻ തന്നെ ചെയ്യണം എന്നത് അമലിന്റെ നിർബന്ധമായിരുന്നു. ഷൂട്ടിങ്ങിന് ഒരാഴ്ച മുൻപേയും അമലിനോട് ഞാൻ ചോദിച്ചിരുന്നു. വേറെ നല്ല ഏതെങ്കിലും നടിയെ കൊണ്ട് ചെയ്യിപ്പിച്ചാൽ പോരേയെന്ന്. പക്ഷേ, അമലിന് ഞാൻ തന്നെ ചെയ്യണം എന്ന നിർബന്ധമായിരുന്നു. ഞാൻ ചെയ്താൽ ആ കഥാപാത്രം ശരിയാകുമെന്ന വിശ്വാസം അമലിനുണ്ടായിരുന്നു. ഞാൻ ഈ കഥാപാത്രം ചെയ്തില്ലെങ്കിൽ വേറെ ആരെ കൊണ്ടും ചെയ്യിപ്പിക്കില്ലെന്നും ഈ സിനിമ ഉപേക്ഷിക്കുമെന്നും അമൽ പറഞ്ഞു,'' മനോരമ ഓൺലൈനിനു നൽകിയ അഭിമുഖത്തിൽ ജ്യോതിർമയി പറഞ്ഞു.

'ഭീഷ്മപര്‍വ്വ'ത്തിന് ശേഷം അമല്‍ നീരദ് സംവിധാനം ചെയ്യുന്ന ചിത്രമാണ് 'ബോഗയ്ന്‍വില്ല'. ക്രൈം ത്രില്ലര്‍ നോവലുകളിലൂടെ ശ്രദ്ധേയനായ ലാജോ ജോസും അമൽ നീരദും ചേര്‍ന്നാണ് തിരക്കഥ ഒരുക്കിയത്. ആനന്ദ് സി ചന്ദ്രനാണ് ചിത്രത്തിന്റെ ഛായാഗ്രാഹകന്‍. എഡിറ്റര്‍ വിവേക് ഹര്‍ഷന്‍. അമല്‍ നീരദ് പ്രൊഡക്ഷന്‍സിന്റേയും ഉദയ പിക്‌ചേഴ്‌സിന്റേയും ബാനറില്‍ ജ്യോതിര്‍മയിയും കുഞ്ചാക്കോ ബോബനും ചേര്‍ന്നാണ് സിനിമ നിര്‍മ്മിക്കുന്നത്. 

Read More

• 'ഏകാന്തതയുടെ നൂറ് വർഷങ്ങൾ' ഒടിടിയിൽ എപ്പോൾ കാണാം?: One Hundred Years of Solitude OTT
• Vettaiyan OTT: രജനീകാന്തിന്റെ വേട്ടയ്യൻ ഒടിടിയിലേക്ക്, എവിടെ കാണാം?
• New OTT Release: ഈ മാസം ഒടിടിയിലെത്തുന്ന മലയാളം വെബ് സീരീസുകൾ
• 1000 Babies OTT: 1000 ബേബീസ് ഒടിടിയിലേക്ക്
• Kishkindha Kandam OTT: കിഷ്‌കിന്ധാകാണ്ഡം എപ്പോൾ ഒടിടിയിൽ എത്തും? എവിടെ കാണാം?