പരുക്കേറ്റതിൽ പരിഹാസം, ചുട്ടമറുപടിയുമായി ജാൻവി കപൂർ

'മിസ്റ്റർ ആൻഡ് മിസിസ് മഹി' എന്ന  ചിത്രത്തിന്റെ തിരക്കിലാണ് ബോളിവുഡ് താരം ജാൻവി കപൂർ. ക്രിക്കറ്ററുടെ വേഷത്തിലാണ് ജാൻവി ചിത്രത്തിൽ അഭിനയിക്കുന്നത്. കഴിഞ്ഞ ദിവസം ചിത്രത്തിലെ 'ബിഹൈൻഡ് ദ് സീൻസ്' വീഡിയോ താരം ഇൻസ്റ്റഗ്രാമിൽ പങ്കുവച്ചിരുന്നു. ക്രിക്കറ്റ് പഠിക്കാൻ താൻ നടത്തിയ കഠിന പരിശീലനം ഉൾപ്പെടുത്തിയ വീഡിയോയാണ് പങ്കുവച്ചത്. ചിത്രത്തിന് വേണ്ടി തയ്യാറെടുക്കുന്നതിനിടെ നിരവധി തവണ പരുക്കു പറ്റിയെന്നും വീഡിയോയിൽ താരം പറയുന്നുണ്ട്.

രണ്ടു വർഷത്തോളം, കഠന പരിശീലനം നടത്തിയെന്നും, ഇത് ദിനചര്യയുടെയും ജീവിതത്തിൻ്റെയും വലിയ ഭാഗമായിരുന്നെന്നും വീഡിയോയ്ക്കൊപ്പം ജാൻവി കുറിച്ചു.

View this post on Instagram

A post shared by Janhvi Kapoor (@janhvikapoor)

ജാൻവി ക്രിക്കറ്റ് കളിക്കുന്നതും ഫോം മെച്ചപ്പെടുത്തുന്നതും വീഡിയോയിൽ കാണാം. ക്രിക്കറ്റിന്റെ വിവിധ ഷോട്ടുകൾ പരിശീലിക്കുന്നതിനിടെ ജാൻവിയ്ക്ക് പരുക്കേൽക്കുന്നുണ്ട്. രണ്ടു തോളുകൾക്കുമാണ് സ്ഥാനചലനം സംഭവിക്കുന്നത്.​ എന്നാൽ നിരവധി കമന്റുകളാണ് ജാൻവിയെ പരിഹസിച്ച് വീഡിയോയ്ക്ക് ലഭിക്കുന്നത്.

'ടെന്നീസ് ബോൾ ഉപയോഗിച്ച് കളിച്ചിട്ടും നിങ്ങൾക്ക് പരുക്കേറ്റോ?' എന്നാണ് ഒരു ഉപയോക്താവ് കമന്റ് ചെയ്തത്. ഇയാൾക്ക് കമന്റിലൂടെ തന്നെ ജാൻവി മറുപടി നൽകി. 'ഞാൻ സീസൺ ബോൾ ഉപയോഗിച്ച് ക​ളിച്ചപ്പോഴാണ് എനിക്ക് പരുക്കേറ്റത്. അതുകൊണ്ടാണ് ടെന്നീസ് ബോളിലേക്ക് മറേണ്ടി വന്നത്. നിങ്ങൾ ബാൻഡേജ് കാണുന്നില്ലേ. വീഡിയോ പരുക്കിന് ശേഷമുള്ളതാണ്. നിങ്ങൾ എന്നെ കളിയാക്കുന്നതിന് മുമ്പ് വീഡിയോ കണ്ടിരുന്നെങ്കിൽ, നിങ്ങളുടെ തമാശ കേട്ട് എനിക്കും ചിരിക്കാമായിരുന്നു,' ജാൻവി കുറിച്ചു. ജാൻവിയുടെ മറുപടിക്ക് താഴെയായി പരിഹസിച്ചയാൾ ക്ഷമാപണം നടത്തിയിട്ടുണ്ട്.

പരിശീലനത്തിനിടെ തോളുകൾക്ക് പരിക്കേറ്റെന്ന് ചിത്രത്തിന്റെ ട്രെയിലർ ലോഞ്ചിങ്ങിനിടെ ജാൻവി വെളിപ്പെടുത്തിയിരുന്നു. 'സംവിധായകന് ഒരു യഥാർത്ഥ ക്രിക്കറ്ററായി വേണം തന്നെ സിനിമയിൽ അവതരിപ്പിക്കാനെന്ന് നിർബന്ധമുണ്ട്. അതിനായി ദീർഘ കാലം പരിശീലിച്ചു. ഇതിനിടെ ഒരുപാട് പരിക്കും സംഭവിച്ചിട്ടുണ്ട്, ജാൻവി കപൂർ പറഞ്ഞു.

Read More Entertainment Stories Here

• ഇടി വെട്ടിയിട്ട് പ്രശ്നമില്ലെങ്കിൽ എന്ത് പാമ്പ് എന്ത് ട്രെയിൻ; ടൊവിനോയുടെ പോസ്റ്റിൽ കമന്റുമായി സഞ്ജു
• വിവാഹമുറപ്പിച്ച് വീട്ടുകാർ; ദിയയുടെ വീട്ടിലെത്തി അശ്വിനും കുടുംബവും, ചിത്രം വൈറൽ
• 'സുഡാപ്പി ഫ്രം ഇന്ത്യ,' കഫിയ ധരിച്ച് ഷെയ്ൻ നിഗം; ചിത്രം ചർച്ചയാകുന്നു
• ഇങ്ങനെയൊന്നും പറഞ്ഞ് ഞങ്ങളെ കരയിപ്പിക്കല്ലേ: മമ്മൂട്ടിയോട് ആരാധകർ
• 'മഞ്ഞുമ്മൽ ബോയ്സ്' നിർമ്മാതാക്കൾ ആസൂത്രിതമായി തട്ടിപ്പ് നടത്തിയെന്ന് പൊലീസ് റിപ്പോർട്ട്
• ഡ്രൈവിംഗ് സീറ്റിൽ ശ്രീനിയേട്ടൻ, പക്ഷേ വണ്ടിയോടിച്ചത് ഞാനും ചാക്കോച്ചനും ദൈവവും ചേർന്ന്: ആസിഫ് അലി
• ദേവനന്ദയെ അപകീർത്തിപ്പെടുത്തിയവർക്ക് എതിരെ പരാതിയുമായി കുടുംബം
• ആദ്യമായ് വിജയ്‌ ആലപിക്കുന്ന രണ്ടു ഗാനങ്ങൾ; ഗോട്ടിന്റെ വിശേഷം പങ്കുവച്ച് യുവൻ