ഇടിക്കൂട്ടിൽ താരമായി ഹണി റോസ്; വീഡിയോ

വിനയൻെറ സംവിധാനത്തിലൊരുങ്ങിയ 'ബോയ്ഫ്രണ്ട്' എന്ന ചിത്രത്തിലൂടെ സിനിമാ മേഖലയിലേയ്‌ക്കെത്തിയ താരമാണ് ഹണി റോസ്. പിന്നീട് 'ട്രിവാൻഡ്രം ലോഡ്ജ്', 'കനൽ', 'അവരുടെ രാവുകൾ', 'ചങ്ക്സ്' തുടങ്ങിയ ചിത്രങ്ങളിലും ഹണി ശ്രദ്ധേയമായ വേഷങ്ങൾ ചെയ്തിരുന്നു.

നടി എന്ന നിലയിൽ ധാരാളം ഉദ്ഘാടനങ്ങൾക്കും അതിഥിയായി ഹണി എത്തിയിട്ടുണ്ട്. കേരളത്തിലെ വിവിധ സ്ഥലങ്ങളിലെത്തിയ ഹണിയുടെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറലാകാറുമുണ്ട്. 

ഇപ്പോഴിതാ ബോക്സിങ് റിങ് ഉദ്ഘാടനം ചെയ്യാനെത്തിയ ഹണി റോസിന്റെ വീഡിയോയാണ് ശ്രദ്ധ നേടുന്നത്.

സമീപകാലത്ത് ഏറ്റവും കൂടുതൽ ഉദ്ഘാടന ചടങ്ങുകളിൽ പങ്കെടുത്ത താരവും ഒരുപക്ഷേ ഹണി റോസ് ആയിരിക്കും. ഉദ്ഘാടനങ്ങളിൽ തിളങ്ങുന്ന സ്റ്റാർ എന്നാണ് ഹണിയെ സോഷ്യൽ മീഡിയ വിശേഷിപ്പിക്കുന്നത് വ്യത്യസ്തമായ ട്രോളുകളാണ് ഇതിനെക്കുറിച്ച് സോഷ്യൽ മീഡിയയിൽ നിറയാറുള്ളത്. അതു വളരെയധികം ആസ്വദിക്കാറുമുണ്ട് ഹണി.