ഹോളിവുഡ് സൂപ്പർസ്റ്റാറിനെയും ഭാര്യയേയും വളർത്തുനായയേയും മരിച്ച നിലയിൽ കണ്ടെത്തി

ഹോളിവുഡ് ഇതിഹാസം  ജീൻ ഹക്മാനെയും പിയാനിസ്റ്റും ഭാര്യയുമായ ബെറ്റ്‌സി അരകാവയെയും ബുധനാഴ്ച ന്യൂ മെക്‌സിക്കോയിലെ വീട്ടിൽ മരിച്ച നിലയിൽ കണ്ടെത്തി. 95 വയസ്സായിരുന്നു. ദമ്പതികൾക്കൊപ്പം വളർത്തുനായയേയും മരിച്ച നിലയിൽ കണ്ടെത്തിയതായിസാന്താ ഫെ ന്യൂ മെക്‌സിക്കൻ റിപ്പോർട്ട് ചെയ്യുന്നു. 

നഗരത്തിലെ സാന്താ ഫെ സമ്മിറ്റ് കമ്മ്യൂണിറ്റിയിലാണ് ദമ്പതികൾ താമസിച്ചിരുന്നത്. ദമ്പതികളുടെമരണവാർത്ത സാന്താ ഫെ കൗണ്ടി ഷെരീഫ് അദാൻ മെൻഡോസ സ്ഥിരീകരിച്ചു.

 "ജീൻ ഹാക്ക്മാനും ഭാര്യയും ബുധനാഴ്ച ഉച്ചതിരിഞ്ഞ് സൺസെറ്റ് ട്രയലിലെ അവരുടെ വസതിയിൽ മരിച്ച നിലയിൽ കണ്ടെത്തി. അന്വേഷണം പുരോഗമിക്കുകയാണ്. സംഭവത്തിൽ അസ്വാഭാവികതയൊന്നും കണ്ടെത്താനായിട്ടില്ല," ഷെരീഫ് പ്രസ്താവനയിൽ പറഞ്ഞതായി ബിബിസി റിപ്പോർട്ട് ചെയ്തു. 

അഭിനയത്തിൽ നിന്നും വിരമിച്ച ജീൻ ഹക്മാൻ കുറച്ചു വർഷങ്ങളായി സ്വൈര്യജീവിതം നയിക്കുകയാണ്. പൊതുവേദികളിൽ ഒന്നും ഹക്മാൻ പ്രത്യക്ഷപ്പെട്ടാറില്ല, അപൂർവ്വമായി മാത്രമാണ് താരത്തിന്റെ ചിത്രങ്ങൾ പോലും പുറത്തുവന്നത്. 

രണ്ട് തവണ ഓസ്കാർ നേടിയ ഹക്മാൻ, ദി ഫ്രഞ്ച് കണക്ഷൻ, ദി കൺവേർസേഷൻ എന്നീ ചിത്രങ്ങളിലെ അഭിനയത്തിലൂടെയാണ് കൂടുതൽ അറിയപ്പെടുന്നത്. സൂപ്പർമാൻ സിനിമയിൽ ലെക്സ് ലൂഥർ എന്ന കഥാപാത്രവും ശ്രദ്ധേയമാണ്. 2004-ൽ വെൽക്കം ടു മൂസ്‌പോർട്ട് എന്ന ചിത്രത്തിൽ മൺറോ കോൾ എന്ന കഥാപാത്രമായാണ് ഹക്മാൻ ഒടുവിൽ  സ്‌ക്രീനിൽ പ്രത്യക്ഷപ്പെട്ടത്.

Read More

• തിയേറ്ററിൽ ആളില്ലെങ്കിലും പുറത്ത് ഹൗസ്ഫുൾ ബോർഡ്; കണക്കുകൾ പെരുപ്പിച്ച് കാണിക്കുന്ന നിർമാതാക്കളും
• വിവാഹം മുടങ്ങി, എനിക്ക് നഷ്ടമായത് ലക്ഷങ്ങൾ; വെളിപ്പെടുത്തി ബിഗ് ബോസ് താരം ജിന്റോ
• New OTT Release: ഈ ആഴ്ച ഒടിടിയിൽ എത്തുന്ന 6 ചിത്രങ്ങൾ
• എന്നെ അത്ഭുതപ്പെടുത്തിയ ചിത്രം; മഞ്ജുവാര്യരുടെ ആ സിനിമ ഹിന്ദിയിലേക്ക് എടുത്ത് അനുരാഗ് കശ്യപ്
• ഞാൻ വേറാരെയും കെട്ടാൻ പോയിട്ടില്ല, സുധിച്ചേട്ടന്റെ ഓർമയിൽ ജീവിക്കുകയാണ്: സൈബർ ആക്രമണത്തോട് പ്രതികരിച്ച് രേണു
• Drishyam 3: ജോർജുകുട്ടി ഇത്തവണ കുടുങ്ങുമോ?; ദൃശ്യം 3 പ്രഖ്യാപിച്ച് മോഹൻലാൽ