Drishyam 3: ജോർജുകുട്ടി ഇത്തവണ കുടുങ്ങുമോ?; ദൃശ്യം 3 പ്രഖ്യാപിച്ച് മോഹൻലാൽ

'ഭൂതകാലം ഒരിക്കലും നിശബ്ദമായിരിക്കില്ല' ദൃശ്യം 3 പ്രഖ്യാപിച്ച് മോഹൻലാൽ സമൂഹമാധ്യമങ്ങളിൽ കുറിച്ചതിങ്ങനെ. ദൃശ്യം 3 വരുമെന്ന് വാർത്തകളുണ്ടായിരുന്നെങ്കിലും ഇതുവരെ ഔദ്യോഗികമായി സ്ഥിരീകരണം വന്നിരുന്നില്ല. അതിനാൽ തന്നെ, ദൃശ്യം മൂന്നാം ഭാഗത്തെ കുറിച്ചുള്ള ഈ ഔദ്യോഗിക സ്ഥിരീകരണത്തിൽ ആരാധകരും സന്തോഷത്തിലാണ്.

ജീത്തു ജോസഫിനും ആന്റണി പെരുമ്പാവൂരിനുമൊപ്പമുള്ള ചിത്രം പങ്കിട്ടാണ് മോഹൻലാൽ ദൃശ്യം 3നെ കുറിച്ചുള്ള അപ്ഡേറ്റ് നൽകിയിരിക്കുന്നത്. 

View this post on Instagram

A post shared by Mohanlal (@mohanlal)

2013ലാണ് ദൃശ്യത്തിന്റെ ആദ്യഭാഗം പുറത്തിറങ്ങിയത്. തിയേറ്ററുകളിൽ സൂപ്പർഹിറ്റായി മാറിയ ചിത്രത്തിന്റെ രണ്ടാം ഭാഗം ദൃശ്യം ദി റിസംഷന്‍ എന്ന പേരിൽ 2021ലാണ് എത്തിയത്. 

മോഹന്‍ലാലിനൊപ്പം മീന, എസ്തർ അനിൽ, അൻസിബ,  കലാഭവൻ ഷാജോൺ, സിദ്ദിഖ്, ആശ ശരത് എന്നിവരാണ് പ്രധാന വേഷങ്ങളിലെത്തിയത്. 

ദൃശ്യത്തിനു പല ഭാഷകളിലും റീമേക്കുകൾ ഉണ്ടായി. എല്ലാം ബോക്സ് ഓഫീസിൽ ശ്രദ്ധ നേടുകയും ചെയ്തു. അടുത്തിടെ ചിത്രത്തിന്റെ കൊറിയൻ റീമേക്കും പുറത്തുവന്നിരുന്നു. കൊറിയന്‍ നിര്‍മ്മാണ കമ്പനിയായ ആന്തോളജി സ്റ്റുഡിയോസും ഹിന്ദി നിര്‍മ്മാണ കമ്പനിയായ പനോരമ സ്റ്റുഡിയോസും ചേര്‍ന്നാണ് ചിത്രം നിര്‍മ്മിച്ചത്. 

Read More

• ഗുരുവായൂർ അമ്പലനടയിൽ പ്രണയസാഫല്യം; റോബിനും ആരതിയും വിവാഹിതരായി; വീഡിയോ
• 'ഇനി എന്നെന്നും ഞങ്ങൾ ഒന്നിച്ച്;' വിവാഹ ചിത്രങ്ങളുമായി സൽമാനുളും മേഘയും
• ഒരു ടെലിവിഷൻ ഷോ കാരണം തകരുന്നത് അല്ല കുടുംബം: വിവാഹമോചനത്തെക്കുറിച്ച് വീണ നായർ
• ഫോൺപേയിൽ പിഷാരടിയും വന്നേ! ചിരിപ്പിച്ച് എവിനും കെവിനും, വീഡിയോ