എന്നെ അത്ഭുതപ്പെടുത്തിയ ചിത്രം; മഞ്ജുവാര്യരുടെ ആ സിനിമ ഹിന്ദിയിലേക്ക് എടുത്ത് അനുരാഗ് കശ്യപ്

മഞ്ജു വാര്യർ, വിശാഖ് നായർ, ഗായത്രി അശോക് എന്നിവർ കേന്ദ്രകഥാപാത്രത്തെ അവതരിപ്പിച്ച മലയാളം ത്രില്ലർ ഫൂട്ടേജിൻ്റെ ഹിന്ദി പതിപ്പ് മാർച്ച് ഏഴിന് തിയേറ്ററുകളിലെത്തുകയാണ്. അനുരാഗ് കശ്യപ് ആണ് ചിത്രം അവതരിപ്പിക്കുന്നത്.  

"സിനിമ ഒരു  കണ്ടപ്പോൾ, സിനിമയെ രണ്ട് വീക്ഷണകോണുകളിൽ നിന്ന് കൂട്ടിയോജിപ്പിച്ച രീതി കണ്ട് ഞാൻ അത്ഭുതപ്പെട്ടു. സൈജുവുവിന്റെയും കൂട്ടരുടെയും വർക്കിനെ, മഞ്ജുവാര്യരും വിശാഖും ഗായത്രിയും അഭിനയിച്ച് ത്രില്ലിംഗ് ലെവലിലേക്ക് ഉയർത്തി.  ചിത്രം ഹിന്ദി പ്രേക്ഷകരിലേക്ക് എത്തിക്കാൻ ആവേശമുണ്ട്. നാളെ ട്രെയിലർ എത്തും!," എന്നാണ് അനുരാഗ് കുറിച്ചത്. 

View this post on Instagram

A post shared by Anurag Kashyap (@anuragkashyap10)

ദേശീയ അവാർഡ് നേടിയ 'മഹേഷിൻ്റെ പ്രതികാരം' (2026) , കുമ്പളങ്ങി നൈറ്റ്‌സ്' (2019), 'അന്വേഷിപ്പിൻ കണ്ടേതും' (2024) തുടങ്ങിയ ചിത്രങ്ങളുടെയെല്ലാം എഡിറ്ററായി പ്രവർത്തിച്ച സൈജു ശ്രീധരൻ്റെ ആദ്യ സംവിധാന സംരംഭമാണ് 'ഫൂട്ടേജ്'. ഫൗണ്ട് ഫൂട്ടേജ് ഫോര്‍മാറ്റില്‍ ഒരുക്കിയ പരീക്ഷണചിത്രമാണിത്. 

"ഫൂട്ടേജിൻ്റെ' മലയാളം പതിപ്പ് ഞാൻ കണ്ടു, അതെന്നെ അമ്പരപ്പിച്ചു. മലയാള സിനിമയിലെ യുവ സംവിധായകർ ഒരു പ്രത്യേക ശൈലിയിലോ സാങ്കേതികതയിലോ ഒതുങ്ങാതെ സ്റ്റീരിയോടൈപ്പുകൾ തകർത്ത് കഥ പറയാൻ പുതിയ വഴികൾ കണ്ടെത്തുന്നത് ആവേശകരമാണ്," അനുരാഗ് കശ്യപ് കൂട്ടിച്ചേർത്തു. 

ഷബ്‌ന മുഹമ്മദും സൈജു ശ്രീധരനും ചേർന്നാണ് ചിത്രത്തിന്റെ  തിരക്കഥ എഴുതിയത്. കലാസംവിധാനം അപ്പുണ്ണി സാജൻ. ഛായാഗ്രഹണം ഷിനോസ്.