/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/huT9f6Q3wd9i09SX2dKy.jpg)
Guruvayoorambala Nadayil Box Office Collection
'ജയ ജയ ജയ ജയ ഹേ' എന്ന സൂപ്പർ ഹിറ്റ്‌ ചിത്രത്തിനു ശേഷം, ബേസിൽ ജോസഫിനെയും പൃഥ്വിരാജിനെയും പ്രധാനകഥാപാത്രങ്ങളാക്കി വിപിന്‍ ദാസ് സംവിധാനം ചെയ്ത ചിത്രമാണ് 'ഗുരുവായൂരമ്പല നടയിൽ.' മെയ് 16ന് തിയേറ്ററിലെത്തിയ ചിത്രത്തിന് മികച്ച പ്രതികരണമാണ് ലഭിച്ചത്. കോമഡിക്ക് പ്രാധാന്യം നൽകി നിർമ്മിച്ചിരിക്കുന്ന ചിത്രത്തിൽ, ബേസിൽ അവതരിപ്പിക്കുന്ന വിനു രാമചന്ദ്രന്റെ കല്യാണമാണ് പ്രധാന പ്രമേയം.
ഗൾഫിൽ നിന്നും കല്യാണത്തിനായി നാട്ടിലേക്ക് എത്തുകയാണ് വിനു. കല്യാണ ഒരുക്കങ്ങളിലൂടെയും ചില അപ്രതീക്ഷിതമായ സംഭവങ്ങളിലൂടെയുമാണ് സിനിമ മുന്നേറുന്നത്. ചിത്രം പുറത്തിറങ്ങി 25 ദിവസങ്ങൾ പിന്നിടുമ്പോൾ, ബോക്സ് ഓഫീസ് കണക്കുകൾ പ്രേക്ഷകരുമായി പങ്കുവയ്ക്കുകയാണ് നിർമ്മാതാക്കൾ. ആഗോള ബോക്സ് ഓഫീസ് കളക്ഷനായി 90 കോടി രൂപയാണ് ചിത്രം ഇതുവരെ നേടിയത്.
പൃഥ്വിരാജ് പ്രൊഡക്‌ഷൻസിന്റെ ബാനറിൽ സുപ്രിയ മേനോൻ, ഇഫോർ എന്റർടെയ്ൻമെന്റിന്‍റെ ബാനറിൽ മുകേഷ് ആർ. മേത്ത, സി.വി. സാരഥി എന്നിവർ ചേർന്നാണ് ചിത്രം നിർമ്മിച്ചത്. പൃഥ്വിരാജ് പ്രൊഡക്‌ഷൻസാണ് ഇൻസ്റ്റഗ്രാമിലൂടെ ബോക്സ് ഓഫീസ് കണക്കുകൾ പുറത്തുവിട്ടത്.
ആദ്യ ദിനം ഇന്ത്യയിൽ നിന്ന് മാത്രമായി 3.80 കോടി രൂപ ചിത്രം കളക്ടുചെയ്തതായാണ് ഇൻഡസ്ട്രി ട്രാക്കർ സാക്നിൽക് റിപ്പോർട്ട് ചെയ്യുന്നത്. പൃഥ്വിരാജിന്റെ കരിയറിലെ രണ്ടാമത്തെ ഉയർന്ന് ഓപ്പണിങ് കളക്ഷനാണ് ഗുരുവായൂരമ്പല നടയിൽ. 5.85 കേടി നേടിയ ആടുജീവിതമാണ് ആദ്യ സ്ഥാനത്ത്.
'കുഞ്ഞിരാമായണം' എന്ന ചിത്രത്തിനു ശേഷം ദീപു പ്രദീപ് രചന നിർവഹിക്കുന്ന ചിത്രമാണ് ഗുരുവായൂരമ്പലനടയിൽ. നിഖില വിമൽ, അനശ്വര രാജൻ എന്നിവരാണ് നായികമാർ. തമിഴ് നടൻ യോഗി ബാബു, ജഗദീഷ്, രേഖ, ഇർഷാദ്, സിജു സണ്ണി, സഫ്‌വാൻ, കുഞ്ഞികൃഷ്ണൻ മാസ്റ്റർ, മനോജ്‌ കെ.യു. എന്നിവരാണ് ചിത്രത്തിലെ മറ്റു അഭിനേതാക്കൾ. ഛായാഗ്രഹണം നീരജ് രവി,എഡിറ്റർ ജോൺ കുട്ടി,സംഗീതം അങ്കിത് മേനോൻ എന്നിവർ നിർവ്വഹിക്കുന്നു.
Read More Entertainment Stories Here
- മാറിടത്തിന്റെ വലുപ്പം കൂട്ടണമെന്ന് പറഞ്ഞു; സിനിമയിൽ നേരിട്ട സമ്മർദ്ദങ്ങളെ കുറിച്ച് നടി സമീറ റെഡ്ഡി
- ലോകകപ്പിനിടെ, അനുഷ്കയ്ക്കൊപ്പം ന്യൂയോർക്കിൽ ചുറ്റിക്കറങ്ങി വിരാട് കോഹ്ലി
- കൂവുന്നത് കോമ്പ്ലെക്സ് കൊണ്ട്, കൈയ്യടിക്കുന്നത് സന്തോഷം കൊണ്ട്: സുരേഷ് ഗോപി
- വെള്ളക്കാരന്റെ നാട്ടിലായാലും തമിഴ് സ്റ്റൈലിൽ കാര്യങ്ങൾ ചെയ്യുന്നതിന്റെ സന്തോഷം വേറെ തന്നെ: മാളവിക ജയറാം
- അന്നും ഇന്നും അവർ; നികത്താനാവാത്തൊരു നഷ്ടത്തെ ഓർമ്മിപ്പിക്കുന്നു ഈ ചിത്രമെന്ന് ആരാധകർ
- New OTT Release: നടികർ മുതൽ പവി കെയർ ടേക്കർ വരെ: ഒടിടിയിൽ കാണാം ഏറ്റവും പുതിയ 9 മലയാള ചിത്രങ്ങൾ
Stay updated with the latest news headlines and all the latest Lifestyle news. Download Indian Express Malayalam App - Android or iOS.